Bigg Boss 8 Telugu Episode 27: మేం ముగ్గురమే అట్రాక్షన్... సోనియాకు ఇలా అర్థమైందా? - రోస్ట్ చేసి పడేశారు కదయ్యా
Bigg Boss 8 Telugu: బిగ్ బాస్ శుక్రవారం నాటి ఎపిసోడ్ పరమ నాసిరకంగా నడిచింది. ఏ మాత్రం ఆసక్తికరంగా అనిపించలేదు. బిగ్ బాస్ కూడా ఈ సారి చేతులెత్తేసినట్టుగా కనిపిస్తోంది.
Bigg Boss 8 Telugu Episode 27 Day 26: బిగ్ బాస్ ఇంట్లో వ్యవహారం ఒకలా ఉంటుంది. బయట ఆడియెన్స్కు ఇంకోలా వెళ్తుంది. అక్కడ ఉండే వాళ్లకు బయట జరిగే విషయాలు, ట్రోలింగ్ల గురించి తెలియదు. తన మీద ఎంత నెగెటివిటీ వస్తుందనే విషయం బయటకు వచ్చాకే తెలుస్తుంది. శుక్రవారం నాటి ఎపిసోడ్ పరమ నాసిరకంగా నడిచింది. ఏ మాత్రం ఆసక్తికరంగా అనిపించలేదు. బిగ్ బాస్ కూడా ఈ సారి చేతులెత్తేసినట్టుగా కనిపిస్తోంది. ఎక్కడా కూడా కంటెస్టెంట్లను సరిగ్గా వాడుకోవడం లేదని, టాస్కులు ఇవ్వడం లేదనిపిస్తోంది.
శుక్రవారం నాటి ఎపిసోడ్లో విష్ణు ప్రియ, పృథ్వీ ట్రాక్ గురించి చర్చలు జరిగాయి. పృథ్వీకి గాయమైందని విష్ణు ప్రియ ఆరాటపడింది. ఆ విషయం మీద సీత, నైనిక, ప్రేరణలు విష్ణు ప్రియతో మాట్లాడారు. కానీ తనకు పృథ్వీ అంటే ఇష్టమని, అతనితో మాట్లాడుతూనే ఉంటాను అని, క్లాన్తో సంబంధం లేదని విష్ణు ప్రియ క్లారిటీ ఇచ్చింది. ఇక విష్ణు ప్రియ, పృథ్వీల ట్రాక్ మరీ ఆర్టిఫీషియల్గా అనిపిస్తోంది. విష్ణు ప్రియ ఈ ట్రాక్తోనే సర్వైవ్ అవ్వాలని చూస్తున్నట్టుగా ఉంది. ఆమె ఆటలు కూడా ఆడటం లేదు. అసలు విష్ణు నుంచి ఆడియెన్స్ ఎంతో ఊహించి ఉంటారు. కానీ ఆమె నుంచి వస్తోంది శూన్యం.
గోల్డెన్ బ్యాండ్ ద్వారా మణికంఠ కాంతార క్లాన్కు షిఫ్ట్ అయ్యాడు. ఆదిత్యను శక్తి టీంకు పంపించాడు. శక్తి క్లాన్లో మణికంఠకు ఉన్న ప్రాధాన్యం అందరికీ తెలిసిందే. అందుకే క్లాన్ మారిపోయినట్టుగా ఉన్నాడు. ఇక ఇదిలా ఉంటే.. బిగ్ బాస్ ఓ పరమ చెత్త టాస్క్ ఇచ్చాడు. ఆ చెత్త టాస్కుని కంటెస్టెంట్లలో చాలా మంది మరింత చెత్తగా మార్చారు. కారెక్టర్లు స్వాపింగ్ చేస్తూ బీబీ ఆట ఆడించాడు బిగ్ బాస్. ఈ టాస్కులో నబిల్ అంతో ఇంతో అదరగొట్టేశాడు. ఆదిత్యలా నటించి మెప్పించాడు.
సోనియా, పృథ్వీ, నిఖిల్ల మీద ఇంటి సభ్యులు చేసిన స్కిట్తో ఇంటా, బయట జరుగుతున్న విషయాలను చూపించినట్టుగా కనిపిస్తుంది. పదే పదే హగ్గులు, ముద్దులు తప్పా ఇంకేం లేదని ఆ ముగ్గుర్నీ రోస్ట్ చేసి పడేశారు మిగిలిన ఇంటి సభ్యులు. అలా తమను రోస్ట్ చేశారని సోనియా గుర్తించడం లేదు. అందరూ తమ మీద ఫోకస్ పెట్టారని, తామే అట్రాక్షన్గా నిలిచామని ఏదేదో ఊహించుకుంటోంది. కానీ సోనియా, నిఖిల్, పృథ్వీలను రోస్ట్ చేశారు. ఈ ముగ్గురూ ఓ గ్రూప్ అని, సోనియా ఆ ఇద్దరినీ ఎలా ఆడిస్తోందో.. హగ్గులతో ఈ ముగ్గురూ ఎలా ఇంటిని కంపు చేసేస్తున్నారో చేసి చూపించారు.
బయట కూడా సోనియా, పృథ్వీ, నిఖిల్ గ్యాంగ్ మీద మంచి ఇమేజ్ అయితే లేదు. సోనియా చేతిలో తోలుబొమ్మల్లా మారిపోయారనే అనుకుంటున్నారు. సోనియా మీద అయితే విపరీతమైన నెగెటివిటీ ఉంది.. ఈ వారం ఆమెకే తక్కువ ఓట్లు వచ్చాయని కూడా తెలుస్తోంది. కానీ ఆమె బిగ్ బాస్ ముద్దు బిడ్డ కాబట్టి.. ఆమెను అంత త్వరగా ఎలిమినేట్ చేయరనిపిస్తోంది. ఈ వారం ఏం జరుగుతుందో చూడాలి.
టాప్ హెడ్ లైన్స్
ట్రెండింగ్ వార్తలు
