Bigg Boss 5 Telugu: రవి చేసిన పనికి లహరి బలైపోతుందే.. ఈ వారం ఆమె ఎలిమినేషన్ పక్కా.. 

బిగ్ బాస్ సీజన్ 5 మూడో వారం పూర్తి చేసుకోబోతుంది.

రవి చేసిన పనికి లహరి బలైపోతుందే

బిగ్ బాస్ సీజన్ 5 మూడో వారం పూర్తి చేసుకోబోతుంది. మొత్తం 19 మంది కంటెస్టెంట్స్ తో మద్దలైన ఈ సీజన్ లో తొలివారం సరయు.. రెండో వారం ఉమాదేవి ఎలిమినేట్ అయ్యారు. ఇప్పుడు మూడో వారంలో మొత్తం ఐదుగురు కంటెస్టెంట్స్ నామినేషన్స్ లో ఉన్నారు. శ్రీరామ్, మానస్, ప్రియాంక, ప్రియా, లహరిలలో శ్రీరామ్, మానస్, ప్రియాంకలకు ఓటింగ్ పరంగా ఎలాంటి ఢోకా లేదు. పైగా ఆడియన్స్ లో వీరిపై పెద్దగా నెగెటివిటీ లేదు.

కానీ ప్రియా, లహరిలు మాత్రం ఈసారి డేంజర్ జోన్ లో ఉన్నారనే చెప్పాలి. గతవారంలో రవి-ర్పియా-లహరిల మధ్య గొడవ జరిగిన సంగతి తెలిసిందే. రవి-లహరి మిడ్ నైట్ బాత్రూమ్ లో హగ్ చేసుకున్నారని ప్రియా చేసిన వ్యాఖ్యలు సంచలనంగా మారాయి. ఆ గొడవ చాలా పెద్దది అయింది. ఈ విషయంలో ప్రియాపై చాలా నెగెటివిటీ ఏర్పడింది. కానీ ఎప్పుడైతే రవి.. లహరి గురించి బ్యాడ్ గా మాట్లాడిన వీడియో బయటకొచ్చిందో అప్పటినుంచి ప్రియా మాట్లాడిన దాంట్లో తప్పు లేదని.. కానీ ఆమె సరిగ్గా కన్వే చేయలేకపోయిందని అంటున్నారు. 

రవి చెప్పిన మాటలనే ఆమె నామినేషన్ లో చెప్పిందంటూ నెటిజన్లు కామెంట్స్ చేస్తున్నారు. ఇక రెండు రోజులుగా హౌస్ లో లహరి రూడ్ గా బిహేవ్ చేయడాన్ని ఎక్కువగా చూపిస్తున్నారు బిగ్ బాస్. దీన్ని బట్టి ఈ వారం లహరి బయటకు వెళ్లిపోతుందనే విషయంపై క్లారిటీ వచ్చేసింది. అయితే బిగ్ బాస్ హౌస్ లో ఎప్పుడు ఏం జరుగుతుందో చెప్పలేని పరిస్థితి. అలా చూస్తే లహరిని హౌస్ లో ఉంచి ప్రియాను బయటకు పంపించొచ్చు. మరేం జరుగుతుందో చూడాలి!

Watch Video: మీ పాట శాశ్వతం.. మీ మాట శాశ్వతం.. ఇదే మా నీరాజనం

 

 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి