Yahoo Year End 2021: అల్లు అర్జున్ పై ఎందుకింత ఆసక్తి..సమంత కోసం ఎందుకీ వెతుకులాట..

యాహూ సెర్చ్ ఇంజిన్లో ఏటా ఎక్కువగా ఎవరికోసం సెర్చ్ చేశారో తెలియజేస్తూ ఓ లిస్ట్ విడుదల చేస్తూ ఉంటుంది. 2021కి సంబంధించి అత్యధిక మంది సెర్చ్ చేసిన సెలబ్రెటీల జాబితాలో బన్నీ, సామ్ ఛాన్స్ కొట్టేశారు..

Allu Arjun-Samantha

యాహూ ప్రకటించిన ఇయర్ ఎండ్ లిస్ట్ 2021లో అత్యధికంగా వెతికిన సెలబ్రెటీల జాబితాలో ఫస్ట్ నేమ్ సిద్ధార్థ్ శుక్లా.  'చిన్నారి పెళ్లి కూతురు' సీరియల్ ద్వారా తెలుగు బుల్లితెర ప్రేక్షకులకు పరిచయమైన సిద్ధార్థ్ సెప్టెంబరు 2న హార్ట్ ఎటాక్ తో మరణించాడు. 
'బిగ్ బాస్' టైటిల్ విన్నర్ గా దేశవ్యాప్తంగా అభిమానుల్ని సంపాదించుకున్న శుక్లా.. 40 ఏళ్ల వయసులోనే మరణించించడం అందరినీ తీవ్ర దిగ్భ్రాంతికి గురి చేసింది. సిద్దార్థ్ గురించి తెలుసుకునేందుకు ఎక్కువ మంది సెర్చ్ చేశారు. ఈ జాబితాలో సెకెండ్ ప్లేస్ కండలవీరుడు సల్మాన్ ఖాన్. ఈ ఏడాది 'రాధే' 'అంతిమ్' సినిమాలతో పాటూ  'బిగ్ బాస్ 15' రియాలిటీ షో కు హోస్ట్ గా వ్యవహరించడంతో ఎక్కువ మంది వెతికిన సెలబ్రెటీల జాబితాలో నిలిచాడు. 
Also Read:  కత్రినా-విక్కీ పెళ్లి ఆ తేదీల్లోనే.. ఇదిగో కన్ఫర్మేషన్..
అల వైకుంఠపురం సినిమా తర్వాత అల్లు అర్జున్ రేంజ్.. ఓ రేంజ్ లో పెరిగింది. ఈ ఏడాది యాహూ ఇయర్ లిస్ట్ లో థర్డ్ ప్లేస్ అల్లు అర్జున్ దే కావడం విశేషం. హిందీ డబ్బింగ్ సినిమాలతో నార్త్ లోనూ బన్నీకి మాంచి క్రేజ్ ఉంది. పైగా ప్రస్తుతం సుకుమార్ దర్శకత్వంలో 'పుష్ప' పానిండియా మూవీ చేస్తుండంతో మరింత సెర్చ్ చేశారు. అత్యధికంగా సెర్చ్ చేసిన మహిళా సెలబ్రెటీల జాబితాలో పదో ప్లేస్ లో నిలించింది సమంత.  ఈ మధ్య కాలంలో ప్రొఫెషనల్ గా, పర్సనల్ గా హాట్ టాపిక్ అయింది సమంత. అక్కినేని నాగచైతన్యతో విడిపోయిన తర్వాత సామ్ కెరీర్ తో పాటూ, సోషల్ మీడియాలోనూ మరింత జోరు పెంచింది. ఆమెకు సంబంధించిన అప్ డేట్స్ గురించి నెటిజన్లు తెగ వెతికారు. ఇంట్రెస్టింగ్ ఏంటంటే అల్లు అర్జున్ పుష్ప మూవీలో సమంత స్పెషల్ సాంగ్ చేస్తోంది. 
Also Read: అదర గొడుతున్న 'అడవితల్లి మాట'.. భీమ్లానాయక్ నుంచి నాలుగో సాంగ్ వచ్చేసింది...
ఇక మిగిలిన పేర్లు ఎవరివంటే... ఈ మధ్యే హార్ట్ ఎటాక్ తో మరణించిన కన్నడ దివంగత స్టార్ హీరో పునీత్ రాజ్ కుమార్, ఐదో ప్లేస్ లో దివంగత నటుడు దిలీప్ కుమార్ నిలిచారు. డ్రగ్స్ కేసులో పట్టుబడడంతో షారుఖ్ ఖాన్ కుమారుడు ఆర్యన్ ఖాన్  సెర్చింగ్ లో ఏడో స్థానంలో నిలిచాడు. మహిళా సెలబ్రెటీల విషయానికొస్తే కరీనాకపూర్, కత్రినా కైఫ్, అలియా భట్, ప్రియాంక చోప్రా, దీపిక పదుకొనే వీరంతా  వీరంతా టాప్ టెన్ లో చోటుదక్కించుకున్నారు. ఏదేమైనా యాహూ సెర్చింగ్ టాప్ టెన్ జాబితాలో సౌత్ నుంచి బన్నీ-సామ్ చోటుదక్కించుకోవడం విశేషమే కదా అంటున్నారు వారి అభిమానులు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి