Bheemla Nayak Song Update : అదర గొడుతున్న 'అడవితల్లి మాట'.. భీమ్లానాయక్ నుంచి నాలుగో సాంగ్ వచ్చేసింది...

భీమ్లానాయక్ సినిమా నుంచి మరో సాంగ్ వచ్చేసింది. ఆ అప్ డేట్స్ చూద్దాం...

Bheemla Nayak 4th Song Out

పవర్ స్టార్ పవన్ కళ్యాణ్.. రానా దగ్గుబాటి నటిస్తోన్న మూవీ 'భీమ్లా నాయక్'. సాగర్ కె చంద్ర దర్శకత్వంలో తెరకెక్కుతున్న ఈ సినిమాకు మాటల మాంత్రికుడు త్రివిక్రమ్ డైలాగ్స్ రైటర్. ఇప్పటికే ఈ సినిమా నుంచి విడుదలైన పోస్టర్స్, సాంగ్స్ దుమ్ములేపుతున్నాయి. మరిన్ని అప్ డేట్స్ కోసం ఆతృతగా ఎదురుచూస్తున్నారు  పవన్-రానా అభిమానులు. సంక్రాంతి కానుకగా జనవరి 12న ప్రేక్షకుల ముందుకు రానున్న ఈ సినిమాకు సంబంధించి ప్రమోషన్ జోరు పెంచారు మేకర్స్. తాజాగా  'భీమ్లా నాయక్' ఫోర్త్ సింగిల్ సాంగ్ విడుదల చేశారు. 

Tune into the #EssenceOfBheemlaNayak - అడవి తల్లి మాట ❤️#AdaviThalliMaataSong Out Now ▶ https://t.co/3JRplxjjPW

🎹@MusicThaman
✍️@ramjowrites
🎤#Durgavva & #SahithiChaganti#BheemlaNayak @pawankalyan @RanaDaggubati #Trivikram @saagar_chandrak @MenenNithya @iamsamyuktha_

— Sithara Entertainments (@SitharaEnts) December 4, 2021

భీమ్లానాయక్ నుంచి ‘అడవి తల్లి పాట’ ను డిసెంబరు 1వ తేదీన విడుదల చేయాల్సింది. అయితే పాటల రచయిత సిరివెన్నెల సీతారామశాస్త్రి మృతికి సంతాపంగా ఆ పాట విడుదల ఆపేసింది. దీంతో ఈ పాట ఇప్పుడు రిలీజ్ చేసింది.  డిసెంబరు 4న (శనివారం) ఉదయం 10.08 గంటలకు ఈ సాంగ్ ను విడుదల చేయనున్నట్లు మేకర్స్ ప్రకటించారు. చెప్పినట్టే సాంగ్ విడుదల చేశారు.   'అడవితల్లి మాట' అంటూ సాగే ఈ పాటను రామజోగయ్య శాస్త్రి రచించారు. 

మలయాళంలో సూపర్ హిట్ గా నిలిచిన ‘అయ్యప్పనుమ్ కోషియుమ్’ సినిమాకు తెలుగు రీమేక్ గా ‘భీమ్లా నాయక్’ తెరకెక్కుతోంది. మలయాళ సినిమాలో పోలీసు ఆఫీసర్ గా బిజూ మేనన్ నటించగా.. ఆ పాత్ర పవన్ కల్యాణ్ పోషిస్తున్నాడు. మరో కీలక పాత్ర పృథ్వీరాజ్ సుకుమారన్ పాత్రలో రానా దగ్గుబాటి నటించాడు. ఈ సినిమాలో పవర్ స్టార్ సరసన నిత్యామీనన్ , రానాకు జోడీగా సంయుక్త మీనన్ కనిపించనున్నారు. రావు రమేష్, మురళీశర్మ, సముద్ర ఖని, రఘుబాబు, నర్రా శ్రీను , కాదంబరికిరణ్ సినిమాలో ప్రధాన పాత్రల్లో నటిస్తున్నారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి