TS EAMCET: ఎంసెట్ ఇంజినీరింగ్ కౌన్సెలింగ్, సీట్లు పొందినవారు సెల్ఫ్ రిపోర్టింగ్ ఇలా చేయండి!

TS EAMCET 2023: తెలంగాణలో ఇంజినీరింగ్ ప్రవేశాల కోసం నిర్వహించిన తొలిదశ కౌన్సెలింగ్‌లో భాగంగా జులై 16న సీట్లను కేటాయించిన సంగతి తెలిసిందే. విద్యార్థులు జులై 22లోగా సెల్ఫ్‌ రిపోర్టింగ్ చేయాలి.

ఇంజినీరింగ్ ప్రవేశాలు - సెల్ఫ్ రిపోర్టింగ్

TS EAMCET 2023: తెలంగాణలో ఇంజినీరింగ్ ప్రవేశాల కోసం నిర్వహించిన తొలిదశ కౌన్సెలింగ్‌లో భాగంగా జులై 16న సీట్లను కేటాయించిన సంగతి తెలిసిందే.  అలాట్‌మెంట్ జాబితాలో అభ్యర్థులు వారికి కేటాయించిన కళాశాల, కోర్సుకు సంబంధించిన సమాచారం ఉంటుంది. కౌన్సెలింగ్ ద్వారా సీట్లు పొందిన విద్యార్థులు సంబంధిత కళాశాలలో జులై 22లోగా సెల్ఫ్‌ రిపోర్టింగ్ చేయాల్సి ఉంటుంది. విద్యార్థులు ఈ ఆర్డర్‌ పొందిన తర్వాత అడ్మిషన్ ప్రాసెస్‌కు అవసరమైన పత్రాలను సిద్ధంగా ఉంచుకోవాలి. 

విద్యార్థులు మొదట అధికారిక వెబ్‌సైట్ నుంచి అలాట్‌మెంట్ ఆర్డర్‌ను డౌన్‌లోడ్ చేసుకోవాలి. అలాట్‌మెంట్ ఆర్డర్‌లో పేర్కొన్న ఫీజును క్రెడిట్ కార్డు లేదా డెబిట్ కార్డు లేదా నెట్ బ్యాంకింగ్ ద్వారా ఆన్‌లైన్‌లో చెల్లించి, సీటు కేటాయింపును ధ్రువీకరించుకోవాలి. అయితే ట్యూష‌న్ ఫీజు చెల్లించే విద్యార్థులు.. వారి త‌ల్లిదండ్రుల ఖాతా నుంచి చెల్లిస్తే మంచిది. ఎందుకంటే.. రీఫండ్ చేసేందుకు సుల‌భంగా ఉంటుంది. విద్యార్థులు జులై 22 లోపు ఫీజు చెల్లించి, సెల్ఫ్ రిపోర్టింగ్ చేయాలి. ఫైన‌ల్ ఫేజ్ కౌన్సెలింగ్ ముగిసిన త‌ర్వాత సంబంధిత కాలేజీల్లో విద్యార్థులు ఆగ‌స్టు 9 నుంచి 11వ తేదీ మ‌ధ్య‌లో రిపోర్టు చేయాల్సి ఉంటుంది.

ఎంసెట్ ఇంజినీరింగ్ తొలిదశ సీట్ల కేటాయింపు తర్వాత రాష్ట్రంలోని 31 ఇంజినీరింగ్ కళాశాలల్లో 100 శాతం సీట్లు భర్తీ అయ్యాయి. రాష్ట్రంలోని ఇంజినీరింగ్ కళాశాలల్లో మొత్తం 82,666 ఇంజినీరింగ్ సీట్లు అందుబాటులో ఉండ‌గా, మొదటి దశలో 70,665 సీట్లు భ‌ర్తీ అయ్యాయి. ఇంకా 12,001 సీట్లు మిగిలిపోయాయి. సీట్ల కేటాయింపులో కంప్యూట‌ర్ సైన్స్, ఐటీ సంబంధిత కోర్సుల్లో 94.20 శాతం సీట్లు భ‌ర్తీ కాగా, ఎల‌క్ట్రానిక్స్, ఎల‌క్ట్రిక‌ల్ ఇంజినీరింగ్ కోర్సుల్లో 78.70 శాతం, సివిల్, మెకానికల్ ఇంజినీరింగ్ కోర్సుల్లో 44.09 శాతం, ఇత‌ర ఇంజినీరింగ్ కోర్సుల్లో 63.03 శాతం సీట్లు భ‌ర్తీ అయ్యాయి.

తొలి దశ కౌన్సెలింగ్ ద్వారా మొత్తం 85.48 శాతం మంది విద్యార్థులు సీట్లు పొందారు. వీటిలో మూడు యూనివ‌ర్సిటీలు, 28 ప్రైవేటు కాలేజీల్లో 100 శాతం సీట్లు నిండాయి. యూనివ‌ర్సిటీల్లో 85.12 శాతం, ప్రైవేటు యూనివ‌ర్సిటీల్లో 75.08 శాతం, ప్రైవేటు కాలేజీల్లో 85.71 శాతం సీట్లు నిండాయి. మొత్తం 82,666 ఇంజినీరింగ్ సీట్లు ఉండ‌గా, ఫ‌స్ట్ ఫేజ్‌లో 70,665 సీట్లు భ‌ర్తీ కాగా.. 12,001 సీట్లు మిగిలిపోయాయి. మిగిలిపోయిన సీట్ల భర్తీకి జులై 24 నుంచి రెండో విడత కౌన్సెలింగ్ ప్రక్రియ ప్రారంభంకానుంది. ఇక ఆగస్టు 4 నుంచి తుది విడత కౌన్సెలింగ్ ప్రారంభిస్తారు. ఈ ఏడాది తెలంగాణలో అదనంగా 14,565 ఇంజినీరింగ్‌ సీట్లకు రాష్ట్ర ప్రభుత్వం అనుమతించిన సంగతి తెలిసిందే.

Related Articles:

టీఎస్ ఎంసెట్ బైపీసీ స్ట్రీమ్ కౌన్సెలింగ్ షెడ్యూలు విడుదల..
తెలంగాణలోని ఇంజినీరింగ్ కళాశాలల్లో ఫార్మసీ, బయెటెక్నాలజీ కోర్సుల్లో ప్రవేశాలకు సంబంధించిన కౌన్సెలింగ్ షెడ్యూలు విడుదలైంది. ప్రకటించిన షెడ్యూలు ప్రకారం సెప్టెంబరు 2, 3 తేదీల్లో ఎంసెట్ బైపీసీ అభ్యర్థులు నిర్ణీత రిజిస్ట్రేషన్ ఫీజు చెల్లించి సర్టిఫికేట్ వెరిఫికేషన్ కోసం స్లాట్ బుకింగ్‌ చేసుకోవాల్సి ఉంటుంది. సెప్టెంబరు 4, 5 తేదీల్లో ధ్రువపత్రాల పరిశీలన చేయనున్నారు. సెప్టెంబరు 4 నుంచి 7 వరకు ఎంసెట్ బైపీసీ అభ్యర్థుల వెబ్‌ ఆప్షన్లకు అవకాశం కల్పించనున్నారు. సెప్టెంబరు 11న బీఫార్మసీ, ఫార్మ్‌డీ తొలి విడత సీట్ల కేటాయింపు ఉంటుంది. సెప్టెంబరు 17 నుంచి ఎంసెట్ బైపీసీ తుది విడత కౌన్సెలింగ్ ఉండనుంది. సెప్టెంబరు 23న ఫార్మా, బయోటెక్నాలజీ కోర్సుల తుది విడత సీట్ల కేటాయింపు చేయనున్నట్లు అధికారులు తెలిపారు. సెప్టెంబరు 24న స్పాట్ అడ్మిషన్ల మార్గదర్శకాలు విడుదలవుతాయి.
కౌన్సెలింగ్ పూర్తి షెడ్యూలు కోసం క్లిక్ చేయండి..

Join Us on Telegram: https://t.me/abpdesamofficial