Free Online Courses India: ఉచితంగా ఏఐ, ఐఐటీ, స్కిల్‌ డెవలప్‌మెంట్ కోర్స్‌లు! ప్రతి విద్యార్థి ఫోన్‌లో ఉండాల్సిన యాప్‌లు ఇవే!

Free Online Courses India: ఫ్రీగా ఏఐ కోర్సు నేర్చుకోవాలన్నా, లేదా ఇతర ఏదైనా ఐటీ స్కిల్ నేర్చుకోవాలన్నా సరే కొన్ని యాప్‌లలో నేర్చుకోవచ్చు. సర్టిఫికెట్స్‌ కూడా ఇస్తారు.

ఉచితంగా ఐఐటీ, స్కిల్‌ డెవలప్‌మెంట్ కోర్స్‌లు! ప్రతి విద్యార్థి ఫోన్‌లో ఉండాల్సిన యాప్‌లు ఇవే!

Source : freepik

Show Quick Read

Key points generated by AI, verified by newsroom

Free Online Courses India: డిజిటల్ యుగంలో చదువుకోవాలనే కోరిక ఉండాలే కానీ, వనరులకు కొదవలేదు. ముఖ్యంగా భారత ప్రభుత్వం విద్యార్థుల కోసం ఎన్నో అద్భుతమైన ఉచిత ఈ లెర్నింగ్ ప్లాట్‌ఫామ్‌లు అందుబాటులోకి తెచ్చింది. గతంలో నాణ్యమైన విద్య కేవలం పట్టణాలకే పరిమితం అయ్యేది. కానీ ఇప్పుడు మారుమూల పల్లె విద్యార్థులు కూడా ఐఐటీ, ఐఐఎం వంటి ప్రతిష్టాత్మక సంస్థల నుంచి నేరుగా పాఠాలు వినే అవకాశం కలిగింది. నేషనల్‌ ఎడ్యుకేషన్ పాలసీ 2020, పీఎం ఈ విద్య వంటి పథకాల ద్వారా దేశంలో విద్యను అందరికీ చేరువ చేసేందుకు ప్రభుత్వం పెద్ద పీట వేస్తోంది. 

స్వయం(Swayam)

ప్రభుత్వం ఈ లెర్నింగ్‌ ప్లాట్‌ఫామ్‌లలో స్వయం చాలా ముఖ్యమైంది. ఇందులో 9వ తరగతి నుంచి పోస్టు గ్రాడ్యుయేషన్ వరకు సుమారు 18,500 కంటే ఎక్కువ కోర్సులు అందుబాటులో ఉన్నాయి. ఇంజనీరింగ్‌,మేనేజ్‌మెంట్, హ్యుమానిటీస్‌ వంటి అనేక విభాగాల్లో ఐఐటీలు, ఐఐఎం ప్రొఫెసర్లు ఇక్కడ పాఠాలు చెబుతారు. ఈ ప్లాట్‌ఫామ్‌లో మీరు నెర్చుకున్న కోర్సులద ద్వారా లభించే క్రెడిట్లు మీ యూనివర్శిటీ డిగ్రీలకు బదిలీ చేసుకోవచ్చు. కోర్సు నేర్చుకోవడం పూర్తిగా ఉచితం, అయితే మీకు గుర్తింపు పొందిన సర్టిఫికెట్స్‌ కావాలంటే మాత్రం సుమారు వెయ్యి రూపాయలు చెల్లించాలి పరీక్ష రాయాలి. 

దీక్ష, ఈ పాఠశాల

పాఠశాల విద్యార్థుల కోసం దీక్ష , ఈ పాఠశాల అద్భుతంగా పని చేస్తున్నాయి. దీక్షా పోర్టల్‌ ద్వారా ఎన్‌సీఈఆర్టీ సిలబస్‌కు సంబధించిన డిజిటల్‌ పాఠ్యపుస్తకాలు, వీడియోలు,క్విజ్‌లు 15 కంటే ఎక్కువ భాషల్లో అందుబాటులో ఉన్నాయి. గ్రామీణ ప్రాంత విద్యార్థుల కోసం తక్కువ ఇంటర్నెట్‌ వేగంతో కూడా పని చేసేలా దీనిని రూపొందించారు. అలాగే పీఎం-ఈ విద్య ద్వారా టీవీ ఛానెళ్లు, రేడియో ద్వారా కూడా పాఠాలు బోధిస్తున్నారు. ఇది ఇంటర్నెట్ లేని ప్రాంతాల్లోని విద్యార్థులకు ఎంతో మేలు చేస్తుంది. 

ఎన్‌పీటీఈఎల్‌

టెక్నికల్‌ విద్యపై ఆసక్తి ఉన్న వారికి ఎన‌పీటీఈఎల్‌ ఒక వరం. ఐఐటీలు, ఐఐఎస్‌సీ సంయుక్తంగా దీనిని నిర్వహిస్తున్నాయి. డేటా సైన్స్, రోబోటిక్స్ ఏఐ వంటి అధునాతన కోర్సులు ఇక్కడ లభిస్తాయి. ఇక్కడ ఇచ్చే సర్టిఫికెట్లకు కంపెనీల్లో మంచి గుర్తింపు ఉంది. దాదాపు 92శాతం మంది హెచ్‌ఆర్‌ నిపుణులు ఈ సర్టిఫకెట్లను అంగీకరిస్తున్నారని నివేదికలు చెబుతున్నాయి. 

స్కిల్‌ ఇండియా డిజిటల్‌ 

చదువుతోపాటు నైపుణ్యం కూడా ముఖ్యమని భావించే వారి కోసం స్కిల్ ఇండియా డిజిటల్‌ హబ్‌(SIDH)అందుబాటులో ఉందిఇక్కడ ఏఐ ఆధారిత సీవీ బిల్డర్‌ వివిధ రకాల వృత్తి విద్యా కోర్సులు ఉన్నాయి. డిజిట్‌ మార్కెటింగ్ నుంచి ఆటోమోటివ్‌ రంగం వరకు ఎన్నో కోర్సులను నేర్చుకోవచ్చు. ఇక్కడ నేర్చుకున్న వారికి నేరుగా అప్రెంటీస్‌షిప్‌, ఉద్యోగ అవకాశాల సమాచారం కూడా లభిస్తుంది. 

నేషనల్‌ డిజిటల్ లైబ్రరీ

ఏదైనా విషయంపై లోతైన పరిశోధన చేయాలని ఉంటే నేషనల్‌ డిజిటల్‌ లైబ్రరీ ఆఫ్‌ ఇండియా మంచి వేదిక. ఇక్కడ కోట్లాది ఈ బుక్స్‌, థీసిస్‌లు, వీడియోలు ఉచితంగా లభిస్తాయి. యూపీఎస్సీ వంటి పోటీ పరీక్షలకు సిద్ధమయ్యే అభ్యర్థులకు ఇది ఎంతో ఉపయోగకరం. 

ఈ ప్లాట్‌ఫామ‌లను ఎలా ఉపయోగించుకోవాలి?

ఈ వెబ్‌సైట్‌లలో రిజిస్టర్‌ చేసుకోవడం చాలా సులభం. మీ ఈమెయిల్ లేదా,మొబైల్‌ నంబర్‌తో లాగిన్ అయ్యి, మీకు నచ్చిన కోర్సులను ఎంచుకోవచ్చు. మొబైల్‌ యాప్‌ల ద్వారా ఆఫ్‌లైన్‌లో కూడా పాఠాలు చదువుకునే వెసులుబాటు ఉంది. ప్రతి మూడు నెలలకొకసారి కొత్త కోర్సులు ఇక్కడ చేరుతుంటాయి.