Online Course: టీసీఎస్ అందిస్తున్న ఈ ఆన్ లైన్ కోర్సు నేర్చుకోండి.. ఎంతో ఉపయోగపడొచ్చు

పలు ఐటీ కంపెనీలు రిక్రూట్ మెంట్ ప్రారంభిస్తున్నాయి. అయితే.. మెరుగైన ఉపాధి అవకాశం కోసం.. ప్రత్యేక నైపుణ్యం ఉంటే.. అవకాశాలెక్కువ. విద్యార్థుల కోసం.. టీసీఎస్ ఆన్ లైన్ ఉచిత కోర్సు అందిస్తోంది. 

ప్రతీకాత్మక చిత్రం

గ్రాడ్యుయేష‌న్ పూర్తి చేసిన వారికి ఇది మంచి అవ‌కాశం లభించనుంది. ఇప్పుడు ఉపాధి అవకాశాలు పెరగడంతోపాటు పోటీ కూడా పెరుగుతోంది. అంద‌రి క‌న్నా భిన్నంగా ఉంటేనే.. మెరుగైన ఉపాధి అవకాశాలు పొందవచ్చు. కొత్త కోర్సులను నేర్చుకునే వారి కోసం.. టీసీఎస్ ఆన్‌లైన్ ఉచిత కోర్సు ప్రారంభిస్తోంది. మెరుగైన నైపుణ్యం నేర్చుకుని.. ఉపాధి అవకాశాలు పొందవచ్చు. ఇందు కోసం ‘TCS iON కెరీర్ ఎడ్జ్’ ను ప్రారంభిస్తోంది. ఈ కోర్సు పదిహేను రోజులు ఉంటుంది. ఈ కోర్సు యువ‌త‌కు ఎంతో ఉప‌యోగ‌ప‌డుతుంద‌ని టీసీఎస్ పేర్కొంది.

గ్రామీణ విద్యార్థులు.. ఇబ్బంది పడుతున్న ఇంగ్లీష్ పై ప్రత్యేక కోర్సును అందిస్తున్నారు. బిహేవిరియ‌ల్ అండ్ క‌మ్యూనికేష‌న్ స్కిల్స్‌, అకౌంటింగ్ ఐటీ అండ్ ఆర్టిఫిషియ‌ల్ ఇంటలిజ‌న్స్‌ పై కోర్సులు ఉన్నాయి. దీనికి దరఖాస్తు చేసుకునే వారికి వారం రోజులపాటు.. కనీసం.. క‌నీసం 7 నుంచి 10 గంట‌ల కోర్సు అందిస్తున్నారు. అండర్ గ్రాడ్యుయేట్లు, గ్రాడ్యుయేట్లు, పోస్ట్ గ్రాడ్యుయేట్లు, ఫ్రెషర్లు ఈ ప్రోగ్రామ్ నేర్చుకునేందుకు దరఖాస్తు చేసుకునేందుకు అవకాశం ఉంది.
 
14 మాడ్యూల్స్ లో భాగంగా ప్రతీ మాడ్యూల్‌కు 1 నుంచి 2 రెండు గంట‌ల వీడియోలు ఉంటాయి. ఒకవేళ విద్యార్థులకు ఏదైనా సందేహాలు తలెత్తితే.. ప్రశ్నలు అడగొచ్చు. ఈ కోర్స్‌ను విజ‌య‌వంతంగా పూర్తి చేసిన‌ వారికి ప్రతిభ ఆధారంగా.. సర్టిఫికెట్లు అందిస్తారు.   
కోర్సు నేర్చుకోవాలనుకునే వారు.. ఆన్‌లైన్ లో  అప్లె చేసుకోవాల్సి ఉంటుంది. అధికారిక వెబ్‌సైట్ కోసం ఈ లింక్ క్లిక్ చేసి అప్లై చేసుకోండి. కావాల్సిన కోర్సును ఎంచుకోవాలి.