Oxford Dictionary: వర్డ్ ఆఫ్ ది ఇయర్-2021 ఏంటో తెలుసా.. మీకు బాగా తెలిసిన పదమేలే!

ఆక్స్‌ఫర్డ్ డిక్షనరీ ఓ పదాన్ని వర్డ్ ఆఫ్ ది ఇయర్ గా గుర్తించింది. అది అందరికీ బాగా తెలిసిన పదమే. ఎక్కువసార్లు వాడిన పదమే అది.

ప్రతీకాత్మక చిత్రం

వర్డ్ ఆఫ్ ది ఇయర్ 2021గా ఆక్స్ ఫర్ట్ డిక్షనరి ఓ పదాన్ని గుర్తించింది. 'వ్యాక్స్'ని 2021 సంవత్సరానికి వర్డ్ ఆఫ్ ది ఇయర్ గా గుర్తించారు. ప్రపంచవ్యాప్తంగా వైద్యపరమైన అంశాల్లో ఈ పదాన్ని ఎక్కువగా వాడారు. అంతేగాకుండా సాధారణ ప్రజలు కూడా ఈ పదాన్ని ఎక్కువగా ఉపయోగించారు. ఆక్స్‌ఫర్డ్ ప్రకారం.. 'వ్యాక్స్' అనే పదం కిందటి ఏడాది కంటే.. ఈ ఏడాదిలో ఎక్కువగా వాడారు. వ్యాక్సిన్ లేదా వ్యాక్సినేషన్ అనే దానిలోనుంచి ఇది వచ్చింది. కొన్ని ప్రాంతాల్లో వ్యాక్సిన్, వాక్సినేషన్ పదాలకు బదులుగా వ్యాక్స్ అనే పదాన్ని వాడతారు.

కోవిడ్-19 నివారించేందుకు.. వ్యాక్సిన్‌ అభివృద్ధి చేసిన తర్వాత, 2021లో ప్రపంచవ్యాప్తంగా పెద్ద ఎత్తున వ్యాక్సిన్ డ్రైవ్ లు నడిచాయి. కేవలం భారతదేశంలో, అక్టోబర్ 21, 2021 నాటికి 100 కోట్ల వ్యాక్సిన్ డోస్‌లు అందించారు.

వ్యాక్సిన్ సంబంధిత పదాల వాడకం పెరుగుదల

ఆక్స్‌ఫర్డ్ లాంగ్వేజెస్ నివేదిక ప్రకారం.. సెప్టెంబర్ 2020 మరియు సెప్టెంబర్ 2021 మధ్య 'వ్యాక్సిన్' పదం వాడకం రెట్టింపు అయింది. 'వ్యాక్సినేట్' మరియు 'వ్యాక్సినేషన్' లాంటి వ్యాక్సిన్‌లకు సంబంధించిన ఇతర పదాల వాడకం కూడా వరుసగా 34 రెట్లు మరియు 18 రెట్లు పెరుగుదల కనిపించింది.

The Oxford Word of The Year 2021 is… ‘vax’.

Learn more about why this word was chosen: https://t.co/hFIOOhJ6G6#WOTY2021 pic.twitter.com/QBXJsT6vgv

— Oxford Languages (@OxLanguages) November 1, 2021

ఆక్స్‌ఫర్డ్ డిక్షనరీ గుర్తించిన అంతకుముందు పదాలు

2019: Climate Emergency
2018: Toxic
2017: Youthquake
2016: Post-truth
2015: Emoticon of face with tears of Joy
2014: Vape
2013: Selfie
2012: Omnishambles
2011: Squeezed middle

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి