Nandyala Crime News: ఒకరికి తెలియకుండా ఒకరితో మూడు పెళ్లిళ్లు, డబ్బులు తీసుకుంటూ మోసాలు!

Nandyala Crime News: ఒకరికి తెలియకుండా ఒకరిని ఇలా మూడు పెళ్లిళ్లు చేసుకున్నాడు. రెండో భార్యను ఆత్మహత్య చేసుకోవాలని వేధిస్తూ... మూడో భార్య నుంచి 10 లక్షల రూపాయలు తీసుకున్నాడు. 

ఒకరికి తెలియకుండా ఒకరితో మూడు పెళ్లిళ్లు, డబ్బులు తీసుకుంటూ మోసాలు!

Nandyala Crime News: ఒకరికి తెలియకుండా ఒకరు.. ఇలా ముగ్గురు అమ్మాయిలను పెళ్లి చేసుకున్నాడు. రెండో భార్య చనిపోతే ఆమె పేరిట ఉన్న భూమి వల్ల రైతు బీమా డబ్బులు వస్తాయని ప్లాన్ వేశాడు. ఆమెను ఆత్మహత్య చేసుకోమంటూ తరచూ వేధించడం మొదలు పెట్టాడు. అది భరించలేని ఆమె అతడికి దూరంగా వెళ్లిపోయింది. అయితే ఈ క్రమంలోనే మూడో భార్య నుంచి ఐదు లక్షల రూపాయలు, ఆమె తల్లి ఫోన్ నుంచి ప్రైవేటు లోన్ యాప్ ద్వారా మరో ఐదు లక్షల రూపాయల రుణం తీసుకున్నాడు. చివరకు రెండో భార్యకు అనుమానం రావడంతో విషయం వెలుగులోకి వచ్చింది.

నంద్యాల జిల్లా దొర్నిపాడు మండలం చాకరాజువేముల గ్రామానికి చెందిన మహేంద్ర బాబుకు మార్కాపురానికి చెందిన ఓ మహిళతో వివాహం జరిగింది. ఈ విషయం దాచిపెట్టి తన గ్రామానికి చెందిన మరో మహిళను ప్రేమించి నాలుగేళ్ల క్రితం పెళ్లి చేసుకున్నాడు. రెండో భార్య ఆత్మహత్య చేసుకుంటే ఆమెకు సంబంధించిన బీమా డబ్బులు వస్తాయని తల్లి వద్ద ప్రస్తావించాడు. ఈ క్రమంలోనే భార్యను ఆత్మహత్య చేసుకోవాలంటూ వేధించాడు. అతడి వేధింపులు భరించలేని భార్య హైదరాబాద్ కు వెళ్లిపోయింది. మూడేళ్ల తర్వాత కృష్ణా జిల్లా చల్లపల్లి మండలం వక్కలగడ్డ గ్రామానికి చెందిన మరో మహిళతో మహేంద్ర బాబు పరిచయం పెంచుకున్నాడు. తనకు పెళ్లి కాలేదని నమ్మించి, ఆమెను పెళ్లి చేసుకున్నాడు. ఆమె నుంచి రూ.5లక్షలు, ఆమె తల్లి చరవాణి ద్వారా మోర 5 లక్షల రూపాయల రుణం తీసుకున్నాడు. 

అయితే మూడో పెళ్లి విషయం గురించి తెలుసుకున్న రెండో భార్య అతడిని నిలదీసింది. అనంతరం అతడిపై, అతడి తల్లిపై పోలీసులకు ఫిర్యాదు చేసింది. వారిపై కేసు నమోదు చేసుకున్న పోలీసులు దర్యాప్తు చేస్తున్నట్లు ఎస్సై తిరుపాలు తెలిపారు. ఈ క్రమంలోనే మహేంద్రబాబుతో పాటు అతడి తల్లి లక్ష్మీదేవిని అరెస్ట్ చేసి రిమాండ్ కు తరలించినట్లు ఎస్ఐ తెలిపారు. 

కోనసీమలో రోల్డ్ గోల్డ్ రింగ్ తొడిగి పెళ్లైందన్నాడు.. ఆపై అత్యాచారం!

కోనసీమ జిల్లాలో ప్రేమ పేరిట బాలికపై లైంగిక దాడి చేశాడో యువకుడు. పెళ్లి చేసుకుంటానని చెప్పి రోల్డ్ గోల్డ్ ఉంగరం తొడిగి బాలికతో శారీరకంగా కలిశాడు. విషయం బాలిక కుటుంబ సభ్యులకు తెలియడంతో యువకుడు పరారయ్యాడు. కోనసీమ జిల్లా కొత్తపేట మండలంలోని ఓ గ్రామంలో ప్రేమిస్తున్నానని, పెళ్లి చేసుకుంటానని నమ్మించి బాలికను మోసం చేసిన యువకుడిపై పోలీసులు కేసు నమోదు చేశారు. పోలీసులు తెలిపిన వివరాల ప్రకారం...  వానపల్లి శివారు రామ్మోహనరావుపేటకు చెందిన 14 ఏళ్ల బాలికను అదే గ్రామానికి చెందిన యువకుడు ప్రేమ పేరిట వెంటబడ్డాడు. పెళ్లి చేసుకుంటానని నమ్మించి శారీరకంగా కలిశాడు.  ఈ నెల 10న బాలిక ఇంట్లో ఒంటరిగా ఉన్న బలవంతం చేశాడు. 12వ తేదీన బాలిక స్కూల్‌లో ఉండగా తన స్నేహితుడి పుట్టినరోజు వేడుకకు వెళ్దామని చెప్పిత బయటకు తీసుకెళ్లాడు. స్థానికంగా ఉన్న ఒక రూములోకి తీసుకెళ్లి రోల్డ్‌ గోల్డ్‌ ఉంగరం బాలికకు తొడిగి పెళ్లి అయిపోయిందని చెప్పి శారీరకంగా కలిశాడు. ఈ విషయం బాలిక కుటుంబ సభ్యులకు తెలియడంతో యువకుడి పరారయ్యాడు. దీంతో బాలిక పోలీసులను ఆశ్రయించి ఫిర్యాదు చేసింది. కేసు నమోదు చేసి దర్యాప్తు చేస్తున్నామని పోలీసులు తెలిపారు.