Chittor Rape: 80 ఏళ్ల బామ్మపై 16 ఏళ్ల బాలుడు అత్యాచారం.. అనంతరం బాలికపై మరో రేప్‌నకు యత్నం

ఓ వృద్ధురాలిని అత్యాచారం చేయడం సహా ఆమె మనుమరాలైన బాలికను బాలుడు రేప్ చేసేందుకు యత్నించిన ఘటన చిత్తూరు జిల్లా పలమనేరులో జరిగింది.

ప్రతీకాత్మక చిత్రం

అత్యాచార ఘటనలు సంచలనంగా మారి సర్వత్రా నిరసనలు హోరెత్తుతున్న తరుణంలో కూడా అలాంటి ఘటనలు ఆగడం లేదు. పసి పిల్లల నుంచి పండు ముసలివారి వరకూ అత్యాచారాలు ఎదుర్కొంటున్న మహిళలు ఉన్నారు. ఇటీవలే హైదరాబాద్‌లో జరిగిన ఆరేళ్ల బాలిక హత్యాచార ఘటన మరవక ముందే చిత్తూరు జిల్లాలో మరో ఘటన చోటు చేసుకుంది. జిల్లాలోని పలమనేరులో 80 ఏళ్ల పెద్దావిడపై 16 బాలుడు అత్యాచారానికి ఒడిగట్టాడు. కదల్లేని ఆమెపై అత్యాచారానికి పాల్పడడమే కాకుండా ఆవిడకు అన్నంత తెచ్చేందుకు వచ్చిన చిన్న బాలికపై కూడా అత్యాచారానికి ఆ బాలుడు యత్నించాడు. పూర్తి వివరాలివీ..

ఓ వృద్ధురాలిని అత్యాచారం చేయడం సహా ఆమె మనుమరాలైన బాలికను బాలుడు రేప్ చేసేందుకు యత్నించిన ఘటన చిత్తూరు జిల్లా పలమనేరులో జరిగింది. పలమనేరు పట్టణంలోని వైఎస్సార్‌ కాలనీలో 80 ఏళ్ల వృద్ధురాలు ఒంటరిగా నివాసం ఉంటోంది. ఆమె దగ్గరి బంధువులు ఇక్కడికి సమీపంలోనే ఉంటున్నారు. అదే కాలనీలో జులాయిగా తిరిగే 16 ఏళ్ల బాలుడు ఏదో పనిపై వృద్ధురాలి దగ్గరికి వచ్చాడు. శనివారం మధ్యాహ్నం వృద్ధురాలు మంచంపై కదలలేని స్థితిలో ఉండగా గమనించి ఈ అఘాయిత్యానికి పాల్పడ్డాడు. గంట తరువాత వృద్ధురాలి మనుమరాలైన ఆరేళ్ల బాలిక ఆమె కోసం కోసం అన్నం తీసుకుని ఆ ఇంటికి వచ్చింది. 

దీంతో ఆ బాలుడు బాలికపై కూడా అత్యాచారం చేసేందుకు యత్నించాడు. అమ్మాయి భయపడిపోయి కేకలు వేయడంతో ఆందోళన పడ్డ బాలుడు అక్కడి నుంచి పారిపోయాడు. మరో గ్రామంలో పనులు చూసుకుని ఆదివారం సాయంత్రం ఇంటికి వచ్చిన తండ్రికి బాలిక జరిగిన ఘటన మొత్తం వివరించింది. సమీప బంధువైన వృద్ధురాలు కూడా విషయం చెప్పింది. దీంతో బాలిక తండ్రి పలమనేరు పోలీసులకు ఫిర్యాదు చేశాడు. వృద్ధురాలు, బాలికను వైద్య పరీక్షల కోసం ప్రభుత్వ ఆసుపత్రికి తరలించారు. కేసు నమోదు చేసి దర్యాప్తు చేస్తున్నట్లు పోలీసులు వెల్లడించారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channelసబ్‌స్క్రైబ్‌ చేయండి