Free Charging For EVs: మరో 3 ఏళ్లపాటు ఎలక్ట్రిక్ కార్లకు ఉచితంగా ఛార్జింగ్.. కస్టమర్లకు విన్‌ఫాస్ట్ మరిన్ని ఆఫర్లు

Electric Vehicles Free Charging | భారత్ లో సహా పలు దేశాల్లో 2029 వరకు ఉచిత ఛార్జింగ్ అందిస్తున్నట్లు విన్ ఫాస్ట్ కంపెనీ తెలిపింది. ఎలక్ట్రిక్ కార్ల వినియోగదారులకు ఈ ఆఫర్ వర్తిస్తుంది.

ఎలక్ట్రిక్ వాహనాలకు ఉచితంగా ఛార్జింగ్

Source : freepik

ఎలక్ట్రిక్ వాహనాలు (EV)లు తయారు చేసే వియత్నాం కంపెనీ VinFast వినియోగదారుల కోసం కీలక ప్రకటన చేసింది. కంపెనీ ప్రస్తుతం భారత్, ఇండోనేషియా, ఫిలిప్పీన్స్‌లో తమ ఎలక్ట్రిక్ వాహనాలకు ఉచిత ఛార్జింగ్ సౌకర్యాన్ని మరింత కాలం కొనసాగించనుంది. వాస్తవానికి, ఈ సౌకర్యం మొదట కొంతకాలం వరకు మాత్రమే ఉండేది. అయితే కంపెనీ ఫ్రీ చార్జింగ్ గడువును మార్చి 31, 2029 వరకు పొడిగించింది. ఎలక్ట్రిక్ కార్ కొనుగోలు చేయాలని ప్లాన్ చేస్తున్న వారికి లేక ఇప్పటికే VinFast వాహనాలు కొనుగోలు చేసిన వారికి నేరుగా ప్రయోజనం అందిస్తుంది. 

ఈ స్కీమ్ కింద కస్టమర్‌లు V-Green ఛార్జింగ్ స్టేషన్లలో తమ ఈవీ వాహనాలను ఎటువంటి ఖర్చు లేకుండా ఛార్జింగ్ చేసుకోవచ్చు. దీని ప్రత్యేకత ఏమిటంటే, ఈ సౌకర్యం కొత్త కస్టమర్‌లకు మాత్రమే కాదు.. విన్ ఫాస్ట్ పాత కస్టమర్‌లు కూడా ఉచితంగా ఛార్జింగ్ చేసుకుని ప్రయోజనాన్ని పొందుతారు. ఇది ప్రజలకు ఎలక్ట్రిక్ వాహనాల వైపు మళ్లేందుకు వీలు కల్పిస్తుంది.

ఎలక్ట్రిక్ కార్ కొనుగోలుపై ప్రయోజనం

VinFast ఉచిత ఛార్జింగ్‌తో పాటు Trade Gas for Electric పేరుతో మరో ప్రత్యేక ఆఫర్‌ ప్రారంభించింది. ప్రజలను పెట్రోల్,  డీజిల్ వాహనాల నుండి ఎలక్ట్రిక్ వాహనాల వైపుకు మళ్లించడం ఈ పథకం లక్ష్యం. తమ పాత పెట్రోల్ కారును వదిలి VinFast ఎలక్ట్రిక్ కారును కొనుగోలు చేసే కస్టమర్‌లకు అదనపు డిస్కౌంట్ కూడా లభిస్తుంది. ఈ ఆఫర్ కింద ఎలక్ట్రిక్ కారుపై 3 శాతం,  ఎలక్ట్రిక్ స్కూటర్‌పై 5% వరకు తగ్గింపు లభించవచ్చు. ఈ పథకం మార్చి 11 నుంచి మార్చి 31, 2026 వరకు అమలులో ఉంటుందని తెలిసిందే. ఈ తగ్గింపును కంపెనీ ఇతర ఆఫర్‌లతో కలిపి పొందవచ్చు. దీనివల్ల కస్టమర్‌లకు కొనుగోలు ధరలలో మరింత ప్రయోజనం కలుగుతుంది.

మెయింటనెన్స్ ఖర్చులు తగ్గుతాయి

VinFast ప్రకారం, ఎలక్ట్రిక్ వాహనం నడపడానికి అయ్యే ఖర్చు తగ్గితే ప్రజలు వేగంగా ఎలక్ట్రిక్ వాహనాల వైపు వస్తారు. ఇదే ఆలోచనతో కంపెనీ Green For All పేరుతో మరో ఈవెంట్ ప్రారంభించింది. దీని ద్వారా కొన్ని దేశాలలో ఎలక్ట్రిక్ టాక్సీ సేవను ఉపయోగించే వారికి కూడా ధరలు తగ్గిస్తుంది. విన్ ఫాస్ట్ కంపెనీ అధికారుల ప్రకారం, ఉచిత ఛార్జింగ్ సౌకర్యానికి గతంలో మంచి రెస్సాన్స్ వచ్చింది. అందుకే ఉచిత చార్జింగ్ సౌకర్యాన్ని మరో మూడేళ్లపాటు పొడిగించారు. ఛార్జింగ్ ఖర్చు తగ్గడం ద్వారా ప్రజలకు ఎలక్ట్రిక్ కారు, స్కూటర్లు నడపడం వల్ల ఏ ఖర్చు ఉండదు. వారి డబ్బును ఆదా చేయడమే కాకుండా, పర్యావరణానికి కూడా విన్ ఫాస్ట్ నిర్ణయం ఎంతో మేలు చేస్తుంది.