Honda Activa February Sales: స్కూటర్ల అమ్మకాల్లో హోండా యాక్టివా జోరు – ఫిబ్రవరి 2026 టాప్ మోడల్స్ ఇవే!

Honda Activa February Sales: ఇండియాలో స్కూటర్లకు డిమాండ్ ఏమాత్రం తగ్గలేదు. ఫిబ్రవరి 2026 సేల్స్ రిపోర్ట్ ప్రకారం హోండా యాక్టివా మరోసారి నంబర్ వన్ స్థానాన్ని కైవసం చేసుకుంది.

స్కూటర్ల అమ్మకాల్లో హోండా యాక్టివా జోరు – ఫిబ్రవరి 2026 టాప్ మోడల్స్ ఇవే!

Source : X.com

Show Quick Read

Key points generated by AI, verified by newsroom

• ఫిబ్రవరి 2026లో హోండా యాక్టివా 2,54,449 యూనిట్లతో అగ్రస్థానంలో నిలిచింది.
• టీవీఎస్ జూపిటర్ 1,27,089 యూనిట్లతో రెండో స్థానం, సుజుకి యాక్సెస్ 70,137 యూనిట్లతో మూడో స్థానం.
• టీవీఎస్ ఐక్యూబ్ 38,054 యూనిట్లతో ఎలక్ట్రిక్ విభాగంలో దూసుకుపోయింది.
• టీవీఎస్ ఎన్‌టార్క్ 125 31,955 యూనిట్లతో యువతను ఆకట్టుకుంది.

Honda Activa February Sales: సొసైటీ ఆఫ్ ఇండియన్ ఆటోమొబైల్ మాన్యుఫ్యాక్చరర్స్ (SIAM) విడుదల చేసిన తాజా గణాంకాల ప్రకారం ఇండియ‌న్ మార్కెట్లో స్కూటర్లకు భారీ డిమాండ్ కొనసాగుతోంది. ముఖ్యంగా ఫిబ్రవరి 2026 నెలలో ఐదు మోడళ్లు కస్టమర్లను విపరీతంగా ఆకట్టుకున్నాయి. ఈ లిస్టులో ఉన్న స్కూటర్ల వివరాలు ఒకసారి పరిశీలిద్దాం.

హోండా యాక్టివా (Honda Activa)

స్కూటర్ల సెగ్మెంట్‌లో హోండా యాక్టివా తన మెరుగైన‌ రికార్డును కొనసాగిస్తోంది. ఫిబ్రవరి 2026లో ఏకంగా 2,54,449 యూనిట్ల విక్రయాలతో యాక్టివా అగ్రస్థానంలో నిలిచింది. ఇందులో యాక్టివా 110 సీసీ, 125 సీసీ మోడళ్లు ఉన్నాయి. గత ఏడాది ఫిబ్రవరి (1,74,009 యూనిట్లు) తో పోలిస్తే అమ్మకాలు భారీగా పెరిగాయి. నమ్మకమైన ఇంజిన్, తక్కువ మెయింటెనెన్స్, సింపుల్ లుక్ దీని విజయానికి ప్రధాన కారణం.

టీవీఎస్ జూపిటర్ (TVS Jupiter)

అమ్మకాల్లో రెండో స్థానాన్ని టీవీఎస్ జూపిటర్ దక్కించుకుంది. ఫిబ్రవరి 2026లో 1,27,089 యూనిట్లు అమ్ముడయ్యాయి. జూపిటర్ 110, 125 వేరియంట్లు కస్టమర్లకు మంచి కంఫర్ట్, మైలేజీని అందిస్తాయి. గత ఏడాదితో పోలిస్తే సేల్స్ 22.7 శాతం వృద్ధి చెందాయి. కానీ జనవరితో పోలిస్తే అమ్మకాలు స్వల్పంగా 2.04 శాతం తగ్గాయి.

సుజుకి యాక్సెస్ 125 (Suzuki Access 125)

రిఫైన్డ్ ఇంజిన్, అదిరిపోయే పర్ఫార్మెన్స్‌తో సుజుకి యాక్సెస్ 125 మూడో స్థానంలో ఉంది. ఈ మోడల్ ఫిబ్రవరిలో 70,137 యూనిట్ల విక్రయాలను సాధించింది. జనవరిలో 69,042 యూనిట్లు అమ్ముడవగా, ఈ నెలలో స్వల్ప పురోగతి కనిపించింది. క్లాసిక్ స్టైలింగ్ ఇష్టపడే వారికి ఇది ఫేవరెట్ ఛాయిస్.

టీవీఎస్ ఐక్యూబ్ (TVS iQube)

ఎలక్ట్రిక్ స్కూటర్ల విభాగంలో టీవీఎస్ ఐక్యూబ్ దూసుకుపోతోంది. ఫిబ్రవరి 2026లో 38,054 యూనిట్లు అమ్ముడయ్యాయి. ఇందులో ఐక్యూబ్, ఐక్యూబ్ ఎస్, ఐక్యూబ్ ఎస్టీ అనే మూడు వేరియంట్లు ఉన్నాయి. గత ఏడాది ఫిబ్రవరితో పోలిస్తే అమ్మకాల్లో 61.3 శాతం భారీ పెరుగుదల నమోదైంది. ఈవీ రంగంలో టీవీఎస్ తన పట్టును బలపరుచుకుంటోంది.

టీవీఎస్ ఎన్‌టార్క్ 125 (TVS Ntorq 125)

స్పోర్టీ లుక్, పవర్‌ఫుల్ ఎగ్జాస్ట్ సౌండ్‌తో యువతను ఆకట్టుకునే టీవీఎస్ ఎన్‌టార్క్ ఐదో స్థానంలో నిలిచింది. ఫిబ్రవరిలో 31,955 యూనిట్ల అమ్మకాలు జరిగాయి. గత ఏడాదితో పోలిస్తే 52.2 శాతం ఇంప్రూవ్‌మెంట్ కనిపించినా, జనవరి నెలతో పోలిస్తే సేల్స్ 12.6 శాతం మేర తగ్గాయి. స్పోర్టీ రైడింగ్ ఇష్టపడే వారికి ఇది బెస్ట్ ఆప్షన్.