GST తగ్గింపు తర్వాత Tata Nexon ను ఎంత చవగ్గా కొనొచ్చో తెలుసా? మీకు ఎంత లాభం వస్తుందో తెలుసుకోండి
Tata Nexon New Price India: జీఎస్టీ సంస్కరణ తర్వాత టాటా నెక్సాన్ ధర తగ్గవచ్చు, ఇది మధ్య తరగతి కుటుంబాలకు ఉపశమనం కలిగించే విషయం. పన్ను తగ్గింపు తర్వాత టాటా నెక్సాన్ ధర ఎంత ఉంటుందో తెలుసుకుందాం.
Tata Nexon New Price After GST Reduction: భారతదేశంలో అత్యధికంగా కార్లు అమ్ముడవుతున్న కంపెనీలలో టాటా మోటార్స్ ఒకటి. ఆగస్టు 15 నాటి ప్రసంగంలో, ప్రధాన మంత్రి నరేంద్ర మోదీ, GST సంస్కరణలను ప్రకటించారు. ఆ ప్రకటన ప్రకారం, ప్రభుత్వం ఇప్పుడు చిన్న కార్లపై పన్నును తగ్గించడానికి సన్నాహాలు చేస్తోంది.
ఇప్పటి వరకు, 1200cc కంటే తక్కువ ఇంజిన్ ఉన్న కార్లు & 4 మీటర్ల కంటే తక్కువ పొడవు ఉన్న కార్లపై 28% GST + 1% సెస్సును గవర్నమెంట్ వసూలు చేస్తోంది. ఇప్పుడు, ప్రతిపాదిత GST అమల్లోకి వస్తే, ఈ పన్ను 18% GST & 1% సెస్సుగా మారుతుంది. ఈ మార్పు టాటా నెక్సాన్ ధరను ఎంతగా ప్రభావితం చేస్తుందో అర్ధం చేసుకుందాం.
ధర ఎంత మారుతుంది?
ఆంధ్రప్రదేశ్ & తెలంగాణ నగరాల్లో, టాటా నెక్సాన్ ఎక్స్-షోరూమ్ ధర రూ. 8 లక్షల నుంచి ప్రారంభమవుతుంది. ప్రస్తుతం, ఈ ఫోర్వీలర్ మీద 28% GST + 1% సెస్ వర్తిస్తున్నాయి. పన్ను 18% GST + 1% సెస్గా మారితే, టాటా నెక్సాన్ ప్రారంభ ధర దాదాపు రూ. 7.19 లక్షలకు తగ్గుతుంది. అంటే, ఎక్స్-షోరూమ్ రేటు నేరుగా 81,000 వరకు తగ్గుతుంది. అయితే, ఆన్-రోడ్ ధరలో రోడ్ టాక్స్, బీమా & ఇతర ఛార్జీలు కూడా ఉంటాయి కాబట్టి వాస్తవ ధర కొద్దిగా భిన్నంగా ఉండవచ్చు. ఏదేమైనా, 18% GST మీద టాటా నెక్సాన్ కొనే కస్టమర్లు భారీగా డబ్బు మిగుల్చుకుంటారు.
టాటా నెక్సాన్ పవర్ & ఫీచర్లు
టాటా నెక్సాన్ అంటేనే పవర్ఫుల్ బండి, దీని పెర్ఫార్మెన్స్ కూడా స్ట్రాంగ్గా ఉంటుంది. ఇది 1.2-లీటర్ టర్బో పెట్రోల్ ఇంజిన్తో పవర్ తీసుకుంటుంది, 120bhp శక్తిని & 170Nm టార్క్ను ఇస్తుంది. డీజిల్ వేరియంట్లో 1.5-లీటర్ ఇంజిన్ ఉంది, ఇది 110bhp శక్తిని & 260Nm టార్క్ను జనరేట్ చేస్తుంది.
టాటా కంపెనీ, నెక్సాన్ లోపలి భాగాన్ని చాలా ప్రీమియం & మోడ్రన్గా తయారు చేసింది. కారులో 10.25-అంగుళాల టచ్స్క్రీన్ ఇన్ఫోటైన్మెంట్ సిస్టమ్ & 10.25-అంగుళాల డిజిటల్ డ్రైవర్ డిస్ప్లే ఉన్నాయి. ఆటోమేటిక్ క్లైమేట్ కంట్రోల్, వైర్లెస్ ఫోన్ ఛార్జింగ్, ఎత్తు సర్దుబాటు చేయగల ఫ్రంట్ సీట్, క్రూయిజ్ కంట్రోల్ & JBL సౌండ్ సిస్టమ్ వంటి ఫీచర్లు కూడా ఈ కారులో ఉన్నాయి.
టాటా నెక్సాన్ భద్రతలు
టాటా నెక్సాన్లో, ప్రయాణీకుల భద్రతకు ఎక్కువ ప్రాధాన్యం ఇచ్చారు. 6 ఎయిర్ బ్యాగ్లు, ABS, హిల్-అసిస్ట్ & 360-డిగ్రీ కెమెరా వంటి అధునాతన భద్రత కవచాలను ఈ కారులో అమర్చారు. అందుకే ఈ కారు గ్లోబల్ NCAP క్రాష్ టెస్ట్లో 5-స్టార్ సేఫ్టీ రేటింగ్ సాధించింది.
శక్తిమంతమైన, సురక్షితమైన & ఆధునిక ఫీచర్లతో నిండిన SUV ని మీరు కొనాలని భావిస్తుంటే, టాటా నెక్సాన్ను పరిశీలించవచ్చు. కంపెనీ, ఈ కారుపై ఈ నెలలో (ఆగస్టు 2025) రూ. 50,000 వరకు తగ్గింపును కూడా ప్రకటించింది. మీరు 18% GST అమలయ్యే వరకు ఎదురు చూడగలిగితే ఇంకా ఎక్కువ డబ్బు మిగులుతుంది.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
