South Africa vs West Indies T20 World Cup | వెస్టిండీస్ను చిత్తు చేసిన సౌతాఫ్రికా
ఐసీసీ టీ20 ప్రపంచకప్ 2026లో ( T20 World Cup 2026 ) సౌతాఫ్రికా టీమ్ సూపర్ ఫార్మ్ ను ప్రదర్శిస్తుంది. లీగ్ దశలో అజేయంగా నిలిచిన సఫారీలు, సూపర్-8లోనూ అదే జోరును కొనసాగిస్తున్నారు. భారత్ను ఓడించిన ఉత్సాహంలో ఉన్న మార్క్రమ్ సేన, తాజాగా వెస్టిండీస్ను 9 వికెట్ల తేడాతో చిత్తు చేసి సెమీస్ బెర్తును దాదాపు ఖరారు చేసుకుంది.
ఈ మ్యాచ్లో మొదట బ్యాటింగ్ చేసిన వెస్టిండీస్ 176 పరుగులు చేసింది. ఆరంభంలో తడబడిన విండీస్ను జాసన్ హోల్డర్ ( Jason Holder ), రొమారియో షెఫర్డ్ ( Romario Shepherd ) ఆదుకున్నారు. వీరిద్దరూ 8వ వికెట్కు ఏకంగా 89 పరుగులు జోడించారు. అయితే 177 పరుగుల లక్ష్యాన్ని సౌతాఫ్రికా కేవలం 16.1 ఓవర్లలోనే ఊదేసింది. కెప్టెన్ ఎయిడెన్ మార్క్రమ్ ( Aiden Markram ) చెలరేగగా, డికాక్, రికెల్టన్ సూపర్ గా ఆడారు.
సౌతాఫ్రికా గెలవడంతో టీమిండియా కాస్త మంచి జరిగింది అనే చెప్పాలి. ఇప్పుడు నెట్ రన్ రేట్ టెన్షన్ లేకుండా, భారత్ వెస్టిండీస్ పై విజయం సాధిస్తే నేరుగా సెమీస్కు చేరుకుంటుంది. మరోవైపు, ఈ ఓటమితో వెస్టిండీస్ నెట్ రన్ రేట్ భారీగా పడిపోయింది. విండీస్ తన ఆఖరి మ్యాచ్లో భారత్ను ఓడిస్తేనే రేసులో ఉంటుంది, లేదంటే టోర్నీ నుంచి నిష్క్రమిస్తుంది.
టాప్ హెడ్ లైన్స్
ట్రెండింగ్ వార్తలు
