చేతిలో సామాన్లు ఉన్నా టెన్షన్ లేదు, 'పవర్డ్ టెయిల్గేట్' ఉన్న 5 తక్కువ ధర కార్లు ఇవే!
లగ్జరీ కార్లలో మాత్రమే కనిపించే పవర్డ్ టెయిల్గేట్ ఫీచర్ ఇప్పుడు అందుబాటు ధర కార్లలో కూడా ఉంది. కాలు ఆడిస్తే చాలు... డిక్కీ ఓపెన్ అయ్యే 5 తక్కువ ధర మోడళ్ల వివరాలు ఇవే.
Powered Tailgate Cars India 2026: చేతిలో షాపింగ్ బ్యాగులు, పిల్లల సామాన్లు లేదా ట్రావెల్ లగేజ్ ఉన్నప్పుడు కారు ట్రంక్ (డిక్కీ) ఓపెన్ చేయడం కొన్నిసార్లు ఇబ్బందిగా మారుతుంది. అలాంటి సమయంలో, కారు డిక్కీ కింది భాగంలో కాలును స్వల్పంగా ఆడించినప్పుడు డిక్కీ ఆటోమేటిక్గా ఓపెన్ అయితే ఎంత సౌకర్యంగా ఉంటుందో కదా!. ఇదే ఫీచర్ను 'పవర్డ్ టెయిల్గేట్' లేదా 'జెశ్చర్ కంట్రోల్ టెయిల్గేట్' అంటారు. ఒకప్పుడు లగ్జరీ కార్లలో మాత్రమే కనిపించిన ఈ ఫీచర్ ఇప్పుడు మిడ్ రేంజ్ కార్లలో కూడా అందిస్తున్నారు.
ఇప్పుడు భారత మార్కెట్లో తక్కువ ఎక్స్-షోరూమ్ ధరలో లభించే పవర్డ్ టెయిల్గేట్ ఉన్న 5 కార్ల వివరాలు మీకోసం.
5) టాటా సియెర్రా
ఎక్స్-షోరూమ్ ధర: రూ. 20.29 లక్షలు - రూ. 21.29 లక్షలు
టాటా కొత్తగా తీసుకొచ్చిన సియెర్రా మిడ్సైజ్ SUV సెగ్మెంట్లో మంచి గుర్తింపు తెచ్చుకుంటోంది. హారియర్ మాదిరిగానే ఇందులో కూడా జెశ్చర్ కంట్రోల్ పవర్డ్ టెయిల్గేట్ అందిస్తున్నారు. ఈ ఫీచర్ టాప్ ఎండ్ Accomplished+ వేరియంట్లో మాత్రమే లభిస్తుంది.
ఇందులో 1.5 లీటర్ టర్బో పెట్రోల్ ఇంజిన్, అలాగే 1.5 లీటర్ డీజిల్ ఇంజిన్ ఎంపికలు ఉన్నాయి. హైదరాబాద్లో దీని ఎక్స్-షోరూమ్ ధర రూ. 20.29 లక్షలు - రూ. 21.29 లక్షల రేంజ్లో ఉంటుంది. విజయవాడలో కూడా ఇదే ధర వర్తిస్తుంది.
4) ఎంజీ హెక్టర్ | హెక్టర్ ప్లస్
ఎక్స్-షోరూమ్ ధర: రూ. 18.99 లక్షలు | రూ. 18.92 లక్షలు - రూ. 19.49 లక్షలు
ఎంజీ హెక్టర్, హెక్టర్ ప్లస్ మోడళ్లలో కూడా జెశ్చర్ కంట్రోల్ బూట్ ఓపెనింగ్ ఫీచర్ అందిస్తున్నారు. Savvy Pro వేరియంట్లో మాత్రమే ఈ సౌకర్యం లభిస్తుంది.
ఈ కారులో 143 హెచ్పీ శక్తిమంతమైన 1.5 లీటర్ టర్బో పెట్రోల్ ఇంజిన్ పనిచేస్తుంది. పెద్ద ఫ్యామిలీ కోసం మంచి స్పేస్ కావాలనుకునే వారికి ఇది మంచి ఎంపిక. హైదరాబాద్, విజయవాడ మార్కెట్లో కూడా ఇదే ఎక్స్-షోరూమ్ ధరలు ఉంటాయి.
3) ఎంజీ విండ్సర్ ఎలక్ట్రిక్
ఎక్స్-షోరూమ్ ధర: రూ. 18.49 లక్షలు
ఈ జాబితాలో ఉన్న ఏకైక నాన్-SUV మోడల్ ఇదే. విండ్సర్ ఎలక్ట్రిక్ కారు సెంట్రల్ టచ్స్క్రీన్ ద్వారా టెయిల్గేట్ ఎంతవరకు ఓపెన్ కావాలో మీరు సెట్ చేసుకోవచ్చు. టైట్ పార్కింగ్ స్పేస్లలో ఇది చాలా ఉపయోగపడుతుంది.
136 హెచ్పీ మోటార్, 52.9 కిలోవాట్ బ్యాటరీ ప్యాక్తో వచ్చే Essence Pro వేరియంట్లో ఈ ఫీచర్ అందిస్తున్నారు. హైదరాబాద్, విజయవాడలో ఎక్స్-షోరూమ్ ధర రూ. 18.49 లక్షలు.
2) టాటా కర్వ్ | కర్వ్ ఎలక్ట్రిక్
ఎక్స్-షోరూమ్ ధర: రూ. 17.16 లక్షలు - రూ. 18.73 లక్షలు | ఎలక్ట్రిక్: రూ. 21.99 లక్షలు - రూ. 22.24 లక్షలు
టాటా కర్వ్ టాప్ వేరియంట్లలో జెశ్చర్ కంట్రోల్ పవర్డ్ టెయిల్గేట్ అందిస్తున్నారు. Accomplished+ A, డార్క్ ఎడిషన్లలో ఈ ఫీచర్ లభిస్తుంది.
125 హెచ్పీ 1.2 లీటర్ టర్బో పెట్రోల్ ఇంజిన్, 118 హెచ్పీ 1.5 లీటర్ డీజిల్ ఇంజిన్ ఎంపికలు ఉన్నాయి. కర్వ్ ఎలక్ట్రిక్లో 55 కిలోవాట్ బ్యాటరీ ప్యాక్తో 167 హెచ్పీ శక్తిమంతమైన మోటార్ పనిచేస్తుంది.
హైదరాబాద్, విజయవాడలో కూడా ఈ ఎక్స్-షోరూమ్ ధరలు రూ. 17.16 లక్షలు - రూ. 18.73 లక్షలు.
1) మారుతి విక్టోరిస్
ఎక్స్-షోరూమ్ ధర: రూ. 13.72 లక్షలు - రూ. 19.99 లక్షలు
ప్రస్తుతం పవర్డ్ టెయిల్గేట్ ఫీచర్తో లభించే అత్యంత తక్కువ ధర కారు మారుతి విక్టోరిస్. జెశ్చర్ కంట్రోల్ టెయిల్గేట్ ZXI, ZXI (O), ZXI+, ZXI+ (O) వేరియంట్లలో అందిస్తున్నారు.
1.5 లీటర్ 103 హెచ్పీ మైల్డ్ హైబ్రిడ్ పెట్రోల్ ఇంజిన్, 116 హెచ్పీ స్ట్రాంగ్ హైబ్రిడ్ ఎంపికలు ఉన్నాయి. అలాగే 88 హెచ్పీ పెట్రోల్-CNG ఆప్షన్ కూడా అందిస్తున్నారు. బూట్ స్పేస్ వివరాలు ఇంకా వెల్లడించలేదు.
హైదరాబాద్, విజయవాడలో కూడా ఇదే ఎక్స్-షోరూమ్ ధరలు రూ. 13.72 లక్షలు - రూ. 19.99 లక్షలు.
ఇప్పుడు, పవర్డ్ టెయిల్గేట్ ఫీచర్ కోసం లగ్జరీ కారు కొనాల్సిన అవసరం లేదు. ఫ్యామిలీతో ట్రిప్లకు వెళ్లేవారికి, రోజువారీ వినియోగంలో సౌకర్యం కోరుకునేవారికి ఈ ఫీచర్ చాలా ఉపయోగపడుతుంది. మీరు కొత్త కారు కొనాలని ప్లాన్ చేస్తే, ఈ ఫీచర్ ఉన్న మోడళ్లను కూడా ఒకసారి పరిశీలించండి.
కాలు ఆడిస్తే చాలు... డిక్కీ ఓపెన్ అయ్యే ఈ కార్లు నిజంగా మీ రోజువారీ జీవితాన్ని సౌకర్యంగా మార్చేస్తాయి!
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
