Sanju Samson India vs Zimbabwe T20 World Cup | సంజూ శాంసన్ అదిరిపోయే కంబ్యాక్
టీమిండియా ఓపెనర్ సంజూ శాంసన్పై ( Sanju Samson ) నెటిజన్లు ప్రశంసలు కురిపిస్తున్నారు. థ్యాంక్యూ సంజూ అంటూ కామెంట్స్ పెడుతున్నారు. ఐసీసీ టీ20 ప్రపంచకప్ 2026లో ( T20 World Cup 2026 ) భాగంగా చెన్నై వేదికగా జింబాబ్వేతో జరిగిన మ్యాచ్లో సంజూ శాంసన్ అదిరిపోయే ఆరంభాన్ని అందించాడు. 15 బంతుల్లో ఫోర్, 2 సిక్స్లతో 24 పరుగులే చేసినా.. గత ఐదు మ్యాచ్ల్లో టీమిండియాకు దక్కని ఆరంభాన్ని అందించాడు.
ముఖ్యంగా డకౌట్ల బాధ నుంచి టీమిండియాను గట్టెక్కించాడు. ఈ మ్యాచ్కు ముందు జరిగిన ఐదు మ్యాచ్ల్లో నాలుగు సార్లు ఓపెనర్లు డకౌటయ్యారు. ఇందులో అభిషేక్ శర్మ ( Abhishek Sharma ) మూడు సార్లు డకౌటైతే.. సౌతాఫ్రికాతో మ్యాచ్లో ఇషాన్ కిషన్ ( Ishan Kishan ) సున్నాకే వెనుదిరిగాడు. ఈ మ్యాచ్లో సంజూ శాంసన్ బాధ్యత తీసుకోని ఆడడంతో, అభిషేక్ శర్మ క్రీజులో సెట్ అయ్యేందుకు కాస్త సమయం లభించింది. ఆ తర్వాత అభిషేక్ చెలరేగడంతో తొలి వికెట్కు 3.4 ఓవర్లలోనే 48 పరుగుల భాగస్వామ్యం లభించింది.
ఈ టోర్నీలోని పవర్ ప్లేలో లెఫ్ట్ హ్యాండ్ బ్యాటర్లు అయిన ఇషాన్, అభిషేక్, తిలక్లకు ఆఫ్ స్పిన్నర్లతో బౌలింగ్ చేయించడం ద్వారా పరుగులు చేయకుండా కట్టడి చేసారు ప్రత్యర్థ్ది బౌలర్లు. దాంతో రైట్ హ్యాండ్ బ్యాటరైన శాంసన్ను ఆడించడం మంచింది అని భావించింది టీమిండియా మేనేజ్మెంట్. అందులో భాగంగానే రింకూ సింగ్ను తప్పించి సంజూను ఓపెనర్గా ఆడించింది.
టాప్ హెడ్ లైన్స్
ట్రెండింగ్ వార్తలు
