క్రెటా, సియెరాను ఢీకొట్టడానికి వస్తున్న నిస్సాన్ కైట్ SUV! ఫస్ట్ లుక్ ఎలా ఉందో చూశారా?
Creta, Sierraకు Nissan Kait SUV గట్టి పోటీ ఇస్తుంది. స్టైలిష్ డిజైన్, మంచి ఫీచర్లతో వస్తుంది. లాంచ్ వివరాలు ఇక్కడ ఉన్నాయి.
Nissan తన కొత్త కాంపాక్ట్ SUV అయిన Nissan Kaitను ఇటీవల బ్రెజిల్‌లోని సావో పాలోలో జరిగిన ఒక ప్రత్యేక కార్యక్రమంలో తొలిసారిగా ఆవిష్కరించింది. ఈ SUV ఉత్పత్తి బ్రెజిల్‌లోని Nissan Resende ప్లాంట్‌లో ప్రారంభమైంది. 2026 నుంచి 20కిపైగా దేశాలకు దీనిని ఎగుమతి చేయాలని కంపెనీ యోచిస్తోంది. అంతర్జాతీయ మార్కెట్‌లో ఈ SUV Volkswagen Terra, Fiat Pulse, Renault Kardian, Hyundai Creta, Chevrolet Tracker వంటి కార్లకు పోటీ ఇవ్వనుంది. భారతదేశంలో ఇది ఎప్పుడు లాంచ్ లాంటి వివరాలు ప్రస్తుతానికి కంపెనీ ఎక్కడా వెల్లడించలేదు.
భారత్‌లో లాంచ్ కోసం Nissan ఎలాంటి సన్నాహాలు చేస్తోంది?
భారత్‌ మార్కెట్‌లోకి వచ్చేందుకు Nissan తన వ్యూహాన్ని పునఃరూపకల్పన చేస్తోంది. కంపెనీ 3వ తరం Renault Duster ప్లాట్‌ఫామ్‌పై కొత్త C-సెగ్మెంట్ SUVని రూపొందించే పనిలో ఉంది, ఈ ఏడాది ప్రారంభంలో భారత్‌ మార్కెట్‌లోకి విడుదల చేయవచ్చని సమాచారం. ఈ SUV కొత్త Dusterకు చెందిన ఇంజిన్, ఫీచర్లను షేర్‌ చేసుకుంటోంది. కానీ దాని డిజైన్ పూర్తిగా భిన్నంగా ఉండబోతోంది. చూడటానికి చాలా కొత్తగా ఉంటుంది. Nissan Magnite, Kait SUVల డిజైన్ ఛాయలు ఇందులో కనిపించవచ్చని ఆటోమొబైల్‌ మార్కెట్ నిపుణులు అంచనా వేస్తున్నారు. అయితే ప్రస్తుతం భారతదేశంలో Nissan Kait లాంచ్‌పై అధికారికంగా ఎలాంటి సమాచారం లేదు.
స్థలం విషయంలో Nissan Kait ఎలా ఉంది?
Nissan Kait SUV పరిమాణం దీనిని ఒక పర్ఫెక్ట్ కాంపాక్ట్ SUVగా మారుస్తుంది. దీని పొడవు 4.30 మీటర్లు, వెడల్పు 1.76 మీటర్లు, వీల్‌బేస్ 2.62 మీటర్లు. ఇది 432 లీటర్ల పెద్ద బూట్ స్పేస్‌ను అందిస్తుంది, ఇది కుటుంబ వినియోగదారులకు మంచి ఆప్షన్‌గా మారవచ్చని అంచనా వేస్తున్నారు. దీని క్యాబిన్‌లో మంచి హెడ్‌రూమ్, లెగ్‌రూమ్ లభిస్తుందని కంపెనీ పేర్కొంది, ఇది లాంగ్ జర్నీలకు సౌకర్యవంతంగా ఉంటుందని అంటున్నారు. ఈ SUV పాత Kicks Play ప్లాట్‌ఫామ్‌పై ఆధారపడి ఉంది, కానీ దాని లుక్, ఫీల్ పూర్తిగా అప్డేట్ చేస్తున్నారు.
డిజైన్‌లో అప్డేట్, స్పోర్టీ లుక్ కనిపిస్తుంది
Nissan Kait డిజైన్ చాలా ఆధునికంగా, స్పోర్టీగా కనిపిస్తుంది. దీని ముందు భాగంలో LED హెడ్‌లైట్లు, షార్ప్ LED DRLలు ఇచ్చారు. గ్రిల్ కొత్త స్లాట్ డిజైన్‌తో అందించారు. ఇది SUVకి శక్తివంతమైన రూపాన్ని ఇస్తుంది. ముందు బంపర్‌లో వైడ్ ఎయిర్ ఇన్‌టేక్ ఇచ్చారు. సైడ్ ప్రొఫైల్‌లో గుండ్రని వీల్ ఆర్చ్‌లు, బలమైన అల్లాయ్ వీల్స్, రూఫ్ రైల్స్ SUVని మస్కులర్‌గా చేస్తాయి. ORVMలు, కొన్ని డిజైన్ ఎలిమెంట్స్ Kicks Play నుంచి ప్రేరణ పొందినట్లు కనిపిస్తాయి.
ఫీచర్లు, టెక్నాలజీలో ప్రత్యేకతలు ఏమిటి?
Nissan Kait SUV గ్లోబల్ మార్కెట్‌లో నాలుగు ట్రిమ్‌లలో విడుదల విడుదల చేయనున్నారు. ఇందులో 9 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ ఉంటుంది, ఇది వైర్‌లెస్ ఆండ్రాయిడ్ ఆటో, ఆపిల్ కార్‌ప్లేకి మద్దతు ఇస్తుంది. దీనితోపాటు 7 అంగుళాల డిజిటల్ ఇన్‌స్ట్రుమెంట్ క్లస్టర్, వైర్‌లెస్ ఫోన్ ఛార్జర్, డిజిటల్, ఆటోమేటిక్ AC, క్రూయిజ్ కంట్రోల్, 360 డిగ్రీ కెమెరా, ADAS టెక్నాలజీ వంటి ఫీచర్లు ఇచ్చారు. భద్రత, టెక్నాలజీ విషయంలో ఈ SUV చాలా బలంగా కనిపిస్తుంది.
ఇంజిన్- మైలేజ్
Nissan Kaitలో 1.6 లీటర్ల నాచురల్లీ ఆస్పిరేటెడ్ ఫ్లెక్స్-ఫ్యూయల్ ఇంజిన్ ఇచ్చారు. ఈ ఇంజిన్ పెట్రోల్‌పై 110 bhp పవర్, 146 Nm టార్క్‌ను అందిస్తుంది, అయితే ఇథనాల్‌పై పవర్ 113 bhp, టార్క్ 149 Nm అవుతుంది. ఇందులో CVT గేర్‌బాక్స్ ఉంటుంది. కంపెనీ ప్రకారం, ఈ SUV నగరంలో సుమారు 11 కిలోమీటర్లు ప్రతి లీటర్‌కు మైలేజ్ ఇవ్వగలదు.
టాప్ హెడ్ లైన్స్
ట్రెండింగ్ వార్తలు
