లీటర్కు 56km మైలేజ్, భారీ స్టోరేజ్ ఇస్తున్న Suzuki Burgman Street - కానీ ఈ రెండు లోపాలు నిరాశపరుస్తాయి!
కొత్త సుజుకి బర్గ్మన్ స్ట్రీట్ 125 స్కూటర్ స్టైలిష్ డిజైన్, 56 కి.మీ. వరకు మైలేజ్, 24.6 లీటర్ల స్టోరేజ్తో ఆకట్టుకుంటోంది. అయితే ABS లేకపోవడం, స్టార్ట్-స్టాప్ టెక్నాలజీ లేకపోవడం మైనస్లుగా మారాయి.
Suzuki Burgman Street Price And Features: భారత మార్కెట్లో ప్రీమియం 125cc స్కూటర్లలో సుజుకి బర్గ్మన్ స్ట్రీట్కు ప్రత్యేక గుర్తింపు ఉంది. తాజాగా ఎనిమిదేళ్ల తర్వాత ఈ స్కూటర్కు భారీ అప్డేట్ ఇచ్చిన సుజుకి, కొత్త డిజైన్, పెద్ద స్టోరేజ్ స్పేస్, TFT డిస్ప్లే వంటి ఫీచర్లతో మరింత ఆకర్షణీయంగా మార్చింది. అయితే కొన్ని కీలక ఫీచర్లను తొలగించడం కూడా చర్చనీయాంశమైంది. మరి కొత్త బర్గ్మన్ స్ట్రీట్ కొనడానికి ఉన్న ప్రధాన కారణాలు ఏమిటి? ఏ అంశాలు నిరాశపరుస్తాయి? తెలుసుకుందాం.
కొనడానికి 3 ప్రధాన కారణాలు
ఆకర్షణీయమైన డిజైన్ & భారీ స్టోరేజ్
పాత మోడల్తో పోలిస్తే కొత్త బర్గ్మన్ స్ట్రీట్ మరింత స్టైలిష్గా కనిపిస్తోంది. షార్ప్ డిజైన్, కొత్త హెడ్ల్యాంప్, మెరుగైన ప్రొపోర్షన్స్ స్కూటర్కు ప్రీమియం లుక్ తీసుకొచ్చాయి. ఫ్యూయల్ ఫిల్లర్ను బయట భాగంలో ఏర్పాటు చేయడం రోజువారీ వినియోగంలో సౌకర్యాన్ని పెంచింది.
24.6 లీటర్ల అండర్సీట్ స్టోరేజ్ ఈ స్కూటర్లో ప్రధాన ఆకర్షణ. ఇందులో రెండు ఫుల్ ఫేస్ హెల్మెట్లు కూడా సులభంగా పెట్టుకోవచ్చు. ముందు భాగంలో రెండు స్టోరేజ్ కంపార్ట్మెంట్లు, USB ఛార్జింగ్ పోర్ట్, అదనపు స్టోరేజ్ బాక్స్ అందుబాటులో ఉన్నాయి. టాప్ వేరియంట్లో కీ లెస్ ఇగ్నిషన్, TFT డిస్ప్లే, బ్లూటూత్ కనెక్టివిటీ, నావిగేషన్ & కాల్ నోటిఫికేషన్లు కూడా లభిస్తాయి.
అద్భుతమైన మైలేజ్తో స్మూత్ ఇంజిన్
124cc ఇంజిన్ బర్గ్మన్ స్ట్రీట్కు ఎప్పటి నుంచో ప్రధాన బలం. ఈ కంపెనీ, తాజా వెర్షన్లో కూడా అదే బలాన్ని కొనసాగింది. గరిష్ట పవర్ సంఖ్యలను పెంచకపోయినా, నగర ప్రయాణాలకు అనుకూలంగా పవర్ డెలివరీని మెరుగుపరిచింది.
10 నుంచి 90 కిలోమీటర్ల వేగం మధ్య ఇంజిన్ చాలా స్మూత్గా పనిచేస్తుంది. వేగంగా వెళ్లాలన్నా ఇంజిన్పై ఎక్కువ ఒత్తిడి పడదు. మైలేజ్ విషయంలో కూడా మంచి ఫలితాలు కనిపించాయి. సిటీ రైడింగ్లో లీటర్కు 50.1 కిలోమీటర్లు, హైవేపై 56.6 కిలోమీటర్లు, సాధారణ వినియోగంలో 53 కిలోమీటర్లకు పైగా మైలేజ్ అందించినట్లు పరీక్షల్లో తేలింది.
ట్రాఫిక్లో సులభమైన రైడింగ్
పెద్ద బాడీ, ఎక్కువ వీల్బేస్ ఉన్నప్పటికీ ట్రాఫిక్లో ఈ స్కూటర్ చాలా తేలికగా అనిపిస్తుంది. యూ-టర్న్ల సమయంలో హ్యాండిల్ మోకాళ్లకు తగలదు. 775 మిల్లీమీటర్ల సీట్ హైట్ కారణంగా చాలా మంది రైడర్లు రెండు కాళ్లను నేలపై సులభంగా ఉంచగలరు. దీంతో రద్దీ రోడ్లలో కూడా స్కూటర్ను సులభంగా నడపవచ్చు. సిటీ యూజర్లకు ఇది పెద్ద ప్లస్ పాయింట్గా చెప్పొచ్చు.
ఇది కూడా చదవండి: లక్ష రూపాయల లోపే సీఎన్జీ బైక్! ట్యాంక్ ఫుల్ చేస్తే 300 కిలోమీటర్లు చూడాల్సిన పని లేదు!
కొనకుండా ఆగడానికి 2 ప్రధాన కారణాలు
స్టార్ట్-స్టాప్ టెక్నాలజీ లేదు
పాత బర్గ్మన్ EXలో ఉన్న సైలెంట్ స్టార్ట్ & ఆటో స్టార్ట్-స్టాప్ టెక్నాలజీని కొత్త బర్గ్మన్ స్ట్రీట్లో తొలగించారు. ప్రస్తుతం ఆ ఫీచర్లు కావాలంటే పాత ప్లాట్ఫామ్పై ఆధారపడిన EX వేరియంట్ను ఎంచుకోవాల్సి ఉంటుంది. 125cc సెగ్మెంట్లో ఈ టెక్నాలజీ క్రమంగా సాధారణంగా మారుతున్న నేపథ్యంలో కొత్త మోడల్లో లేకపోవడం కొంత నిరాశ కలిగించే అంశం.
ABS లేకపోవడం
కొత్త బర్గ్మన్ స్ట్రీట్లో అత్యంత పెద్ద లోపం ABS లేకపోవడమే. సింగిల్ ఛానల్ ABS ఆప్షన్ కూడా అందుబాటులో లేదు. ముఖ్యంగా ఈ ధర స్థాయిలో ఇది పెద్ద మైనస్గా మారింది. ఆశ్చర్యకరమైన విషయం ఏమిటంటే, బర్గ్మన్ కంటే తక్కువ ధరలో లభించే సుజుకి యాక్సెస్ టాప్ వేరియంట్లలో ABS అందుబాటులో ఉంది. ప్రీమియం స్కూటర్గా మార్కెటింగ్ చేస్తున్న బర్గ్మన్లో ఈ ఫీచర్ లేకపోవడాన్ని చాలామంది వినియోగదారులు ప్రశ్నించే అవకాశం ఉంది.
ఇది కూడా చదవండి: Aprilia Tuono 457 స్పెషల్ ఎడిషన్ లాంచ్ - 457cc ట్విన్ సిలిండర్ ఇంజిన్తో కొత్త అప్డేట్స్
ధర ఎంత?
కొత్త సుజుకి బర్గ్మన్ స్ట్రీట్ ఎక్స్షోరూమ్ ధర రూ.1.02 లక్షల నుంచి రూ.1.13 లక్షల వరకు ఉంది.
హైదరాబాద్ ఆన్రోడ్ ధరలు (సుమారుగా):
బర్గ్మన్ స్ట్రీట్ రైడ్ కనెక్ట్ ఎడిషన్ – రూ.1.19 లక్షలు
బర్గ్మన్ స్ట్రీట్ రైడ్ కనెక్ట్ TFT ఎడిషన్ – రూ.1.32 లక్షలు
రెండు తెలుగు రాష్ట్రాల్లోని ఇతర నగరాల్లో కూడా కాస్త అటుఇటుగా ఇవే ధరలు ఉన్నాయి.
ఫైనల్గా కొనొచ్చా?
స్టైలిష్ డిజైన్, అద్భుతమైన మైలేజ్, భారీ స్టోరేజ్, నగర ట్రాఫిక్లో సులభమైన రైడింగ్ కోరుకునే వారికి కొత్త సుజుకి బర్గ్మన్ స్ట్రీట్ మంచి ఎంపికగా నిలుస్తుంది. అయితే ABS & స్టార్ట్-స్టాప్ టెక్నాలజీ తప్పనిసరిగా కావాలనుకునే వారు ఇతర ప్రత్యామ్నాయాలను కూడా పరిశీలించడం మంచిది.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
