Most Selling Bikes: ప్రతినెలా అత్యధికంగా అమ్ముడవుతున్న బైక్స్.. గరిష్టంగా 70 కి.మీ మైలేజ్, వాటి ధరలిలా
Most Selling Bikes: భారత్లో Hero, Bajaj, TVS తో పాటు Honda కంపెనీల మోటార్సైకిల్ మోడళ్లు అందుబాటులో ఉన్నాయి. ఈ బైక్లు ప్రత్యేకంగా రోజువారీ వినియోగం కోసం రూపొందించారు.
పెట్రోల్ ధరలు పెరిగితే మన ఖర్చులు పెరుగుతాయి. కనుక సామాన్యులు తక్కువ ధర, మెరుగైన మైలేజీ, తక్కువ మెయింటెనెన్స్ ఉన్న బైకులను కొంటున్నారు. వినియోగదారుల అవసరాలకు అనుగుణంగా భారత మార్కెట్లో హీరో స్ప్లెండర్, హెచ్ఎఫ్ డీలక్స్, బజాజ్ ప్లాటినా వంటి పలు మోడళ్లు అందుబాటులో ఉన్నాయి. ఇవి ప్రతి నెలా అత్యధిక విక్రయాలతో దూసుకుపోతున్నాయి. బడ్జెట్ ధరలో లీటరుకు 60 నుండి 70 కిలోమీటర్ల పైగా మైలేజీని ఇచ్చే ఈ బైకులు రోజువారీ రాకపోకలకు అత్యంత అనుకూలమైన ఎంపికలుగా ఉన్నాయి.
బజాజ్ ప్లాటినా (Bajaj Platina 100)
బజాజ్ ప్లాటినా 100 (Bajaj Platina 100) అధిక మైలేజీ ఇచ్చే బైకులలో ఒకటి. అధిక మైలేజీ కారణంగా విక్రయాల్లో ఎప్పుడూ టాప్ జాబితాలో ఉంటుంది. బజాజ్ ప్లాటినా దాదాపు 73 kmpl వరకు మైలేజీని ఇస్తుంది. ఇది అత్యంత పొదుపైన ఆప్షన్లలో ఒకటిగా చెప్పవచ్చు. దీని సాధారణ డిజైన్, తక్కువ బరువు సిటీలోని రద్దీ రోడ్లపై సైతం డ్రైవింగ్ సులభతరం చేస్తుంది.
హీరో స్ప్లెండర్ ప్లస్ (Hero Splendor Plus)
ఈ జాబితాలో మరో బైక్ హీరో స్ప్లెండర్ ప్లస్ (Hero Splendor Plus). దేశంలోనే అత్యధికంగా అమ్ముడవుతున్న బైక్ ఇది. ఈ బైక్ ధర సుమారు 73,410 రూపాయల నుండి ప్రారంభమవుతుంది. ఆయా రాష్ట్రాలు, నగరాలను బట్టి ధరలో వ్యత్యాసం ఉంటుంది. ఇది దాదాపు లీటరుకు 60 కిలోమీటర్ల వరకు మైలేజీని ఇస్తుంది.
హీరో కంపెనీకి చెందిన రెండవ స్ప్లెండర్ బైక్ స్ప్లెండర్ ప్లస్ ఎక్స్టెక్ (Splendor Plus Xtec) కూడా ఈ బెస్ట్ జాబితాలో ఉంది. దీని ఎక్స్ షోరూమ్ ధర 79, 705 రూపాయల నుండి ప్రారంభమవుతుంది. ప్లస్ ఎక్స్టెక్ సైతం 60 కిలోమీటర్ల వరకు మైలేజీని ఇస్తుంది.
హీరో హెచ్ఎఫ్ డీలక్స్ (Hero HF Deluxe)
ఈ జాబితాలో తర్వాత పేరు హీరో హెచ్ఎఫ్ డీలక్స్ (Hero HF Deluxe) బైక్. దీని ధర కేవలం 56 వేల నుండి ప్రారంభమవుతుంది. హెచ్ఎఫ్ డీలక్స్ దాదాపు 65 kmpl వరకు మైలేజీని ఇవ్వగలదు. హీరో మోటోకార్ప్ నుండి రెండవ అత్యధికంగా అమ్ముడవుతున్న బైకుగా నిలిచింది.
హోండా షైన్ 100, హోండా ఎస్పీ 125
పైన తెలిపిన బైకులే కాకుండా అధిక మైలేజీ ఇచ్చే వాటిలో హోండా షైన్ 100 (Honda Shine 100), హోండా ఎస్పీ 125 (Honda SP 125) వంటి బైకులు ఉన్నాయి. ఇవి కాస్త ధర ఎక్కువ. కనుక ఎక్కువ పవర్తో వస్తాయి. సుమారు 55 నుంచి 65 kmpl వరకు మైలేజీని ఇస్తాయి. హోండా షైన్ ఎక్స్ షోరూమ్ ధర రూ. 79,757 కాగా, హోండా ఎస్పీ 125 బైక్ ధర రూ. 88,528గా ఉంది. ఆయా నగరాల్లో ధరలలో కొంచెం వ్యత్యాసం ఉంటుంది.
టీవీఎస్ రైడర్ 125 (TVS Raider 125)
మీరు కొంచెం స్టైల్, ఫీచర్లను కోరుకుంటే టీవీఎస్ రైడర్ 125 (TVS Raider 125) కూడా మీకు మంచి ఆప్షన్. ఈ బైక్ ధర రూ. 81,950 వరకు ఉంటుంది. ఒక లీటర్ పెట్రోలుతో మీరు 55– 56 కిలోమీటర్ల వరకు వెళ్లవచ్చు. ఈ బైక్ అటు మైలేజీతో పాటు ఇటు ధరను బ్యాలెన్స్ చేసి కస్టమర్లలో నమ్మకాన్ని పెంచుతోంది.
టాప్ హెడ్ లైన్స్
ట్రెండింగ్ వార్తలు
