Mahindra Scorpio N: కొత్త మహీంద్రా స్కార్పియో లాంచ్ అయ్యేది అప్పుడే - ప్రకటించిన కంపెనీ!

మహీంద్రా తన కొత్త స్కార్పియోను రివీల్ చేసింది. దీనికి ‘స్కార్పియో-ఎన్’ అని పేరు పెట్టింది. జూన్ 27వ తేదీన దీన్ని లాంచ్ చేయనున్నారు.

మహీంద్రా కొత్త స్కార్పియో మే 27వ తేదీన లాంచ్ కానుంది. (Image Credit: Scorpio)

మహీంద్రా ఎట్టకేలకు తన కొత్త స్కార్పియోను రివీల్ చేసింది. దీనికి ‘స్కార్పియో-ఎన్’ అని పేరు పెట్టారు. ఈ కొత్త ఎస్‌యూవీ జూన్ 27వ తేదీన లాంచ్ కానుంది. దీని లుక్ చూడటానికి ఎక్స్‌యూవీ700 తరహాలో ఉంది. కొత్త లోగోను కూడా ఇందులో చూడవచ్చు. ఈ కారును కొత్త ప్లాట్‌ఫాంపై రూపొందించారు. దీని ఎక్స్‌టీరియర్, ఇంటీరియర్ చాలా కొత్తగా ఉన్నాయి.

దీని లుక్ కూడా చాలా మోడర్న్‌గా ఉండనుంది. టఫ్ ఎస్‌యూవీ తరహాలో దీన్ని డిజైన్ చేశారు. కొత్త హెడ్‌లైన్స్, కొత్త గ్రిల్, క్రోమ్ అవుట్ లైన్ ఇందులో ఉన్నాయి. ఈ కారు గ్రౌండ్ క్లియరెన్స్ కూడా ఎక్కువగా ఉండనుంది. ప్రస్తుతం ఉన్న స్కార్పియో లాగానే దీంట్లో కూడా ఆఫ్ రోడ్ టఫ్ నెస్ కనిపించింది.

స్కార్పియో-ఎన్ ఇంటీరియర్లు కూడా చాలా కొత్తగా ఉన్నాయి. ఎక్స్‌యూవీ700 నుంచి ఇన్‌స్పైర్ అయినట్లు కనిపిస్తుంది. అందులో ఉపయోగించిన టెక్నాలజీనే ఇందులో కూడా అందించారు. పెద్ద టచ్‌స్క్రీన్, ప్రీమియం ఫీచర్లు ఈ కొత్త స్కార్పియోలో ఉన్నాయి. దీంతోపాటు స్పేస్‌పై కూడా మహీంద్రా ఈసారి దృష్టి పెట్టింది.

ప్రస్తుత తరం మోడల్ కంటే ఎక్కువ స్పేస్ ఇందులో ఉంది. పెట్రోల్, డీజిల్ ఇంజిన్లలో దీన్ని కొనుగోలు చేయవచ్చు. ఎక్స్‌యూవీ700 కంటే కొంచెం తక్కువ పవర్ అవుట్‌పుట్‌ను ఇవి అందిస్తాయని తెలుస్తోంది. మాన్యువల్, ఆటోమేటిక్ గేర్ బాక్స్ ఆప్షన్లు ఇందులో ఉండనున్నాయి.

థార్ తరహాలోనే దీనికి కూడా ఆఫ్ రోడ్ సామర్థ్యం ఎంతో కీలకం. లాంచ్ దగ్గరపడేకొద్దీ మరిన్ని వివరాలు తెలిసే అవకాశం ఉంది. 4x4 సామర్థ్యంతో లగ్జరియస్ టెక్నాలజీ కూడా ఉన్న అతి కొద్ది కాంపాక్ట్ ఎస్‌యూవీల్లో ఈ కొత్త స్కార్పియో కూడా నిలవనుంది. వినియోగదారులను ఆకర్షించడంలో కీలకమైన అంశం ఇదే.

 

 

 

 

 

View this post on Instagram

 

 

 

 

 

 

 

 

 

 

 

A post shared by Mahindra Scorpio (@mahindra.scorpio.official)