కంఫర్ట్, మంచి మైలేజ్తో పాటు రోడ్పై ప్రత్యేకంగా కనిపించాలా? సెల్టోస్ & సఫారిలో నిపుణుల ఎంపిక ఇదే
కియా సెల్టోస్ HTX IVT & టాటా సఫారి అడ్వెంచర్ X ప్లస్ మధ్య ఏ SUV కొనాలనే సందేహమా? కంఫర్ట్, వెనుక సీటు అనుభవం, మైలేజ్, రోడ్ ప్రెజెన్స్ ఆధారంగా నిపుణుల విశ్లేషణ తెలుసుకోండి.
Kia Seltos HTX IVT vs Tata Safari Adventure X Plus: కంఫర్ట్, వెనుక సీటు సౌకర్యం, మంచి మైలేజ్ & ఆకట్టుకునే రోడ్ ప్రెజెన్స్ కోరుకునే వారు SUV కొనుగోలు సమయంలో కియా సెల్టోస్ HTX IVT & టాటా సఫారి అడ్వెంచర్ X ప్లస్ మధ్య ఎక్కువగా అయోమయానికి గురవుతుంటారు. ఈ రెండు మోడళ్ల మధ్య సుమారు రూ.2.5 లక్షల ధర తేడా ఉండటంతో ఏది డబ్బుకు ఎక్కువ విలువ ఇస్తుందనే ప్రశ్న సహజంగానే వస్తుంది. అయితే మీ అవసరాలను బట్టి చూస్తే ఈ రెండింటిలో ఒక మోడల్ స్పష్టమైన ఆధిక్యాన్ని చూపుతోంది.
కియా సెల్టోస్ HTX IVT
మీ ప్రాధాన్యతలు మొత్తం కంఫర్ట్, ముఖ్యంగా వెనుక సీటు ప్రయాణ సౌకర్యం, సరైన ఇంధన సామర్థ్యం & మంచి రోడ్ ప్రెజెన్స్ అయితే కియా సెల్టోస్ HTX IVT ఉత్తమ ఎంపికగా నిపుణులు సూచిస్తున్నారు. ఇది మిడ్సైజ్ SUV సెగ్మెంట్లో బ్యాలెన్స్డ్ ప్యాకేజీగా గుర్తింపు పొందింది. నగరంలో రోజువారీ డ్రైవింగ్కు అనువైన IVT ఆటోమేటిక్ ట్రాన్స్మిషన్ వల్ల ట్రాఫిక్లో డ్రైవింగ్ చాలా సులభంగా ఉంటుంది. అదే సమయంలో ఇంధన వినియోగం కూడా సమంజసమైన స్థాయిలో ఉంటుంది.
సెల్టోస్లోని సస్పెన్షన్ సెటప్ ప్రయాణికులకు సౌకర్యవంతమైన రైడ్ను అందిస్తుంది. వెనుక సీటు విశాలంగా ఉండటంతో పాటు సీట్లకు మంచి సపోర్ట్ లభిస్తుంది. దీర్ఘ ప్రయాణాల్లో కూడా వెనుక కూర్చునే వారికి అలసట తక్కువగా ఉంటుంది. ఇంటీరియర్ నాణ్యత కూడా ప్రీమియం స్థాయిలో ఉండటంతో ప్రతి ప్రయాణం మరింత ఆనందంగా అనిపిస్తుంది.
ఇది కూడా చదవండి: వర్షాకాలంలో మీ డ్రీమ్ బైక్ పాడవకుండా ఎలా కాపాడుకోవాలి?
రోడ్ ప్రెజెన్స్ విషయంలో కూడా సెల్టోస్ ఏమాత్రం తగ్గదు. ఆధునిక డిజైన్, స్టైలిష్ ఫ్రంట్ గ్రిల్, ఆకర్షణీయమైన లైటింగ్ ఎలిమెంట్స్ కారణంగా రోడ్డుపై ప్రత్యేకంగా కనిపిస్తుంది. అదే సమయంలో పరిమాణం మరీ పెద్దగా లేకపోవడం వల్ల నగరంలో పార్కింగ్ చేయడం & ఇరుకైన రోడ్లలో డ్రైవ్ చేయడం కూడా సులభంగా ఉంటుంది.
టాటా సఫారి అడ్వెంచర్ X ప్లస్
మరోవైపు.. టాటా సఫారి అడ్వెంచర్ X ప్లస్ పూర్తి భిన్నమైన SUV. ఇది మూడు వరుసల సీట్లతో వచ్చే పెద్ద SUV కావడంతో రోడ్డుపై మరింత భారీగా కనిపిస్తుంది. డ్రైవింగ్ పొజిషన్ కూడా ఎత్తుగా ఉండటంతో రోడ్డును స్పష్టంగా గమనించే అవకాశం ఉంటుంది. తరచూ పెద్ద కుటుంబంతో ప్రయాణించే వారు లేదా హైవేపై ఎక్కువ దూరాలు వెళ్లే వారికి ఇది మంచి ఎంపికగా చెప్పవచ్చు.
అయితే సఫారి పరిమాణం పెద్దదిగా ఉండటం వల్ల నగరంలో నడపడం కొంత కష్టంగా అనిపించవచ్చు. నిర్వహణ ఖర్చులు కూడా సెల్టోస్తో పోలిస్తే ఎక్కువగా ఉండే అవకాశం ఉంది. అంతేకాకుండా మీకు మూడో వరుస సీట్లు అవసరం లేకపోతే సఫారి అందించే అదనపు స్థలం పూర్తిగా ఉపయోగపడకపోవచ్చు.
ఇది కూడా చదవండి: అథర్ రిజ్టా, బజాజ్ చేతక్కు కొత్త పోటీ - సింపుల్ 'అరైవ్' ఎలక్ట్రిక్ స్కూటర్ గురించి ఆసక్తికర వివరాలు
ధర పరంగా కూడా సెల్టోస్కు స్పష్టమైన ప్రయోజనం ఉంది. ఈ రెండు SUVల మధ్య ఉన్న సుమారు రూ.2.5 లక్షల తేడాను ఆదా చేసి, అవసరమైతే సెల్టోస్లో మరిన్ని ఫీచర్లతో కూడిన వేరియంట్ను ఎంచుకోవచ్చు, లేదా బీమా, యాక్సెసరీస్, నిర్వహణ వంటి ఇతర యాజమాన్య ఖర్చులకు వినియోగించుకోవచ్చు.
మొత్తం మీద కంఫర్ట్, వెనుక సీటు అనుభవం, సరైన మైలేజ్, ప్రీమియం క్యాబిన్ & రోజువారీ వినియోగానికి అనువైన డ్రైవింగ్ అనుభవం కోరుకునే వారికి కియా సెల్టోస్ HTX IVT అత్యంత సమతుల్యమైన ఎంపికగా నిలుస్తుంది. రోడ్ ప్రెజెన్స్లో సఫారి కొంత ముందున్నప్పటికీ, మీ అవసరాలకు సరిపోయే అన్ని అంశాలను సమగ్రంగా పరిశీలిస్తే సెల్టోస్ కొనుగోలు చేయడం మరింత తెలివైన నిర్ణయంగా నిపుణులు సూచిస్తున్నారు.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
