అన్వేషించండి

Honda ZR-V Review: మైలేజ్‌లో అద్భుతం, డ్రైవింగ్‌లో బెస్ట్.. అధిక ధర Honda ZR-Vకు మైనస్ అవుతుందా..

Q: హోండా ZR-V ఇంజిన్ వివరాలు మరియు మైలేజ్ ఎంత?

హోండా ZR-V 2.0-లీటర్ స్ట్రాంగ్-హైబ్రిడ్ ఇంజిన్ను కలిగి ఉంది, ఇది 181 bhp పవర్ మరియు 315 Nm టార్క్ను ఉత్పత్తి చేస్తుంది. కంపెనీ 22.7 కి.మీ మైలేజ్ క్లెయిమ్ చేయగా, నిజ ప్రపంచంలో 16-18 కి.మీ మైలేజ్ ఇస్తుంది.

Q: హోండా ZR-Vలో ఏయే ఫీచర్లు లేవు?

హోండా ZR-V చిన్న మరియు ప్రాథమిక టచ్స్క్రీన్ సిస్టమ్ను కలిగి ఉంది. ఇందులో వెంటిలేటెడ్ సీట్లు మరియు సన్రూఫ్ వంటి ముఖ్యమైన ఫీచర్లు లేవు.

Honda ZR-V Review in Telugu: హోండా కంపెనీ భారత మార్కెట్లోకి ZR-V హైబ్రిడ్ SUVని తెస్తోంది. ఇది 181 BHP పవర్, 22.7 కి.మీ మైలేజ్‌తో ఆకట్టుకున్నా, అధిక ధర దీనికి పెద్ద ఇబ్బందిగా మారవచ్చు.

Written By : Shankar Dukanam | Updated at : 24 Jul 2026 03:00 PM (IST)

Honda ZR V Review Telugu Hybrid SUV With High Fuel Efficiency Know Pros Cons Honda ZR-V Review: మైలేజ్‌లో అద్భుతం, డ్రైవింగ్‌లో బెస్ట్.. అధిక ధర Honda ZR-Vకు మైనస్ అవుతుందా..

Honda ZR-V మైలేజ్‌లో అద్భుతం, డ్రైవింగ్‌లో బెస్ట్

Source : Honda ZR V

Show Quick Read

Key points generated by AI, verified by newsroom

హోండా ZR-V హైబ్రిడ్ SUV CBU మార్గంలో భారత్‌లోకి వస్తుంది.
181 bhp శక్తివంతమైన ఇంజిన్ 22.7 కిమీ మైలేజ్ అందిస్తుంది.
స్పోర్టీ డ్రైవింగ్, ప్రీమియం ఫినిషింగ్ వాహనానికి ప్రత్యేక ఆకర్షణ.
అధిక ధర, కొన్ని ఫీచర్ల లోపం అమ్మకాలకు సవాలు.

జపాన్‌కు చెందిన ఆటోమొబైల్ దిగ్గజం హోండా మార్కెట్ భారత్‌లోనూ చాలా పెద్దది. అయినప్పటికీ కంపెనీ సివిక్, సిఆర్-వి మోడల్స్ నిలిపివేయాల్సి వచ్చింది. అయితే, హోండా మరోసారి ప్రీమియం సెగ్మెంట్‌లో పట్టును నిలుపుకునేందుకు ప్రయత్నిస్తోంది. కంపెనీ భారత్‌లో తన కొత్త ఫ్లాగ్‌షిప్ హైబ్రిడ్ SUV హోండా ZR-V ని CBU అంటే ఇంపోర్టెడ్ విధానం ద్వారా లిమిటెడ్ కార్లను ప్రవేశపెడుతోంది.

ట్రాక్‌పై టెస్టింగ్ సమయంలో మోండా జెడ్‌ఆర్ వీ (Honda ZR V) కార్ తన డ్రైవింగ్ డైనమిక్స్, ప్రీమియం ఫినిషింగ్, అద్భుతమైన మైలేజ్‌తో ఎంతో ఆకట్టుకుంది. అయితే, ఇంపోర్టెడ్ మోడల్ కావడం వల్ల దీని ధర ఎక్కువగా ఉండనుంది. దాంతోపాటు కొన్ని ఫీచర్ల లోపం అమ్మకాల్లో దీనికి కొంత సవాలుగా మారవచ్చు. హోండా ఈ పవర్‌ఫుల్ కార్ ఫీచర్లు, విశేషాలు ఇక్కడ అందిస్తున్నాం.

181 BHP పవర్‌ఫుల్ హైబ్రిడ్ ఇంజిన్

హోండా ZR-V లో 2.0-లీటర్ స్ట్రాంగ్-హైబ్రిడ్ ఇంజిన్ ఇచ్చారు. ఇది పెట్రోల్ ఇంజిన్, రెండు ఎలక్ట్రిక్ మోటార్లతో కలిసి 181 bhp పవర్, 315 Nm టార్క్‌ను జనరేట్ చేస్తుంది. ఈ కార్ పూర్తిగా EV మోడ్‌లో స్టార్ట్ అవ్వడం ప్లస్ పాయింట్. స్పీడ్ అందుకోగానే ఇంజిన్ ఎలాంటి జెర్క్ లేకుండా పవర్‌ను అందిస్తుంది. ఇది 22.7 కిలోమీటర్‌తో అద్భుతమైన మైలేజ్ ఇస్తుందని హోండా కంపెనీ క్లెయిమ్ చేస్తోంది. రియల్ వరల్డ్ కండిషన్‌లో కారు 16 నుండి 18 కి.మీ మైలేజ్ ఇస్తుందని గుర్తించారు.

స్పోర్టీ డ్రైవింగ్, క్విక్ రెస్పాన్స్

హోండా ఈ కార్ డ్రైవింగ్ చేయడానికి కస్టమర్లు ఇష్టపడతారు. లో-స్లగ్ డ్రైవింగ్ పొజిషన్, సూపర్‌కార్ల లాంటి మెటల్ ప్యాడిల్ షిఫ్టర్లు దీని స్టీరింగ్ ను ప్రత్యేకంగా చేస్తాయి. eCVT గేర్‌బాక్స్ డ్రైవ్ చేసినప్పుడు చాలా స్మూత్, క్విక్ రెస్పాన్స్ ఇస్తుంది. దీని స్టీరింగ్ వీల్ తేలికగా ఉన్నప్పటికీ మలుపుల వద్ద బెస్ట్ అనిపిస్తుంది. కారు సైజులో పెద్దదిగా ఉన్నప్పటికీ ఎక్కువ బరువు అనిపించదు. టర్నింగ్‌లలో కూడా దీని రోడ్ గ్రిప్, హ్యాండ్లింగ్ బ్యాలెన్స్‌డ్‌గా ఉంటాయి.

ఫీచర్లు, క్యాబిన్‌ మైనస్ అవుతాయా..

లుక్స్ పరంగా హోండా ZR-V ఫ్రంట్ చూస్తే ప్రీమియం రోడ్ ప్రెజెన్స్ లభిస్తుంది. ఆల్-బ్లాక్ ఇంటీరియర్, ఫినిషింగ్ క్వాలిటీ చాలా రిచ్‌గా ఫీలవుతారు. దీని అతిపెద్ద బలహీనత దీని చిన్న, బేసిక్ టచ్‌స్క్రీన్ సిస్టమ్ ఇచ్చారు. ఇందులో వెంటిలేటెడ్ సీట్లు, సన్‌రూఫ్ ఫీచర్లు ఇవ్వలేదు. బూట్ స్పేస్‌లో ఆటో- క్లోజ్ బటన్ వంటి కొన్ని ప్రాక్టికల్ ఫీచర్లు ఇచ్చారు. ఇవి లగేజ్ తీసేటప్పుడు హెల్ప్ అవుతాయి.

Also Read: హైరైడర్ హైబ్రిడ్‌ & డస్టర్ టర్బో DCT కంపారిజన్‌ - లాంగ్‌టర్మ్‌లో ఎక్కువ లాభం ఇచ్చేది ఏ కారు?

సవాలుగా మారుతున్న దీని ధర

CBU మార్గం ద్వారా రావడం వల్ల ఈ SUV పై భారీ పన్నులు కస్టమర్లపై పడతాయి. దీని ఎక్స్-షోరూమ్ అంచనా ధర 40 లక్షల నుండి 45 లక్షల మధ్య ఉండవచ్చు. ఈ ధరల వద్ద దీనికి స్కోడా కోడియాక్, జీప్ మెరిడియన్ వంటి పెద్ద SUVలతో పోటీ తప్పదు. ఆ కార్లు హోండా కంటే ఎక్కువ ఫీచర్లు, 7 సీటర్ స్పేస్‌ను అందిస్తాయి. తన పవర్‌ఫుల్ లుక్స్, హోండా క్వాలిటీ, రికార్డు స్థాయి మైలేజ్ పై కొందరు కార్ లవర్స్‌ను తనవైపు తిప్పుకోవడంలో ఖచ్చితంగా విజయం సాధిస్తుంది.

మరిన్ని చదవండి

హైడ్రోజన్‌తో నడిచే రైలు మాదిరిగానే కార్లు, బస్‌లు, టూవీలర్స్‌ వస్తాయా? సీఎన్జీతో పోల్చుకుంటే వ్యత్యాసం ఏంటీ?

పెట్రోల్ టెన్షన్‌కు చెక్, 2026లో అత్యధిక మైలేజ్ ఇచ్చే స్కూటర్లు ఇవే

Frequently Asked Questions

హోండా ZR-V భారతదేశంలో ఎలా ప్రవేశపెట్టబడుతోంది?

హోండా ZR-Vని CBU (పూర్తిగా నిర్మించిన యూనిట్) దిగుమతి విధానం ద్వారా పరిమిత సంఖ్యలో కార్లను భారతదేశంలోకి ప్రవేశపెట్టబడుతోంది. ప్రీమియం సెగ్మెంట్‌లో పట్టును నిలుపుకోవడానికి ఇది ఒక ప్రయత్నం.

హోండా ZR-V ఇంజిన్ వివరాలు మరియు మైలేజ్ ఎంత?

హోండా ZR-V 2.0-లీటర్ స్ట్రాంగ్-హైబ్రిడ్ ఇంజిన్‌ను కలిగి ఉంది, ఇది 181 bhp పవర్ మరియు 315 Nm టార్క్‌ను ఉత్పత్తి చేస్తుంది. కంపెనీ 22.7 కి.మీ మైలేజ్ క్లెయిమ్ చేయగా, నిజ ప్రపంచంలో 16-18 కి.మీ మైలేజ్ ఇస్తుంది.

హోండా ZR-V అంచనా ధర ఎంత మరియు దాని ప్రధాన సవాళ్లు ఏమిటి?

CBU దిగుమతి కారణంగా హోండా ZR-V అంచనా ఎక్స్-షోరూమ్ ధర 40-45 లక్షల మధ్య ఉండవచ్చు. అధిక ధర మరియు కొన్ని ఫీచర్ల లోపం దాని అమ్మకాలకు సవాలుగా మారవచ్చు.

హోండా ZR-Vలో ఏయే ఫీచర్లు లేవు?

హోండా ZR-V చిన్న మరియు ప్రాథమిక టచ్‌స్క్రీన్ సిస్టమ్‌ను కలిగి ఉంది. ఇందులో వెంటిలేటెడ్ సీట్లు మరియు సన్‌రూఫ్ వంటి ముఖ్యమైన ఫీచర్లు లేవు.

About the author Shankar Dukanam

జర్నలిజంలో గత పదేళ్లుగా పనిచేస్తున్నారు. గత దశాబ్దకాలంలో పలు ప్రముఖ తెలుగు మీడియా సంస్థలలో పనిచేసిన అనుభవం ఆయనకు ఉంది. ఏపీ, తెలంగాణ, జాతీయ, అంతర్జాతీయ, రాజకీయ, వర్తమాన అంశాలపై కథనాలు అందిస్తారు. గ్రాడ్యుయేషన్ పూర్తయ్యాక జర్నలిజం కోర్సు పూర్తిచేసి కెరీర్‌గా ఎంచుకున్నారు. నేషనల్ మీడియాకు చెందిన పలు తెలుగు మీడియా సంస్థలలో సీనియర్ కంటెంట్ రైటర్‌గా సేవలు అందించారు. జర్నలిజంలో వందేళ్లకు పైగా చరిత్ర ఉన్న ఆనంద్ బజార్ పత్రిక నెట్‌వర్క్ (ABP Network)కు చెందిన తెలుగు డిజిటల్ మీడియా ఏబీపీ దేశంలో గత నాలుగేళ్ల నుంచి న్యూస్ ప్రొడ్యూసర్‌గా పనిచేస్తున్నారు.

Published at : 24 Jul 2026 03:00 PM (IST)

Tags :

Honda Car Review SUV Automobile News