Honda Dio 125 కొనబోతున్నారా? స్టాండర్డ్, X ఎడిషన్, DLX వేరియంట్ల ధరలు, ఫీచర్లు పూర్తి వివరాలు

హోండా డియో 125 స్కూటర్ రెండు వేరియంట్లు & ఒక స్పెషల్ ఎడిషన్‌లో అందుబాటులో ఉంది. స్టాండర్డ్, X ఎడిషన్, DLX మోడళ్ల ధరలు, ఫీచర్లు, హైదరాబాద్ ఆన్ రోడ్ ధరల వివరాలు తెలుసుకోండి.

హోండా డియో 125 స్కూటర్‌ వేరియంట్లు, ధరలు ఇవే - ఏ మోడల్‌లో ఏ ఫీచర్లు ఉన్నాయో తెలుసా?

Source : Social Media

Show Quick Read

Key points generated by AI, verified by newsroom

• హోండా డియో 125 స్పోర్టీ డిజైన్, 123.9cc ఇంజిన్‌తో వస్తుంది.
• స్టాండర్డ్ వేరియంట్ ఇంజిన్ స్టార్ట్/స్టాప్, డిస్క్ బ్రేక్ కలిగి ఉంది.
• X-ఎడిషన్ డ్యూయల్ టోన్, రెడ్ వీల్స్‌తో మరింత స్టైలిష్‌గా ఉంటుంది.
• DLX వేరియంట్ కీలెస్ ఇగ్నిషన్, బ్లూటూత్ కనెక్టివిటీతో వస్తుంది.

Honda Dio 125 price India: తెలుగు రాష్ట్రాల్లో, యువతలో మంచి క్రేజ్ ఉన్న స్కూటర్లలో Honda Dio 125 ఒకటి. స్పోర్టీ డిజైన్, ఆకర్షణీయమైన కలర్ ఆప్షన్లు, హోండా నమ్మకం - ఇవన్నీ కలిసిన ఈ స్కూటర్‌ను కుటుంబ వినియోగానికి కూడా సరిపోయేలా రూపొందించారు.

ఈ స్కూటర్ Honda Activa 125 ప్లాట్‌ఫామ్ ఆధారంగా తయారైంది. అయితే డిజైన్, స్టైలింగ్ మాత్రం పూర్తిగా స్పోర్టీగా ఉండేలా రూపొందించారు. ప్రస్తుతం Honda Dio 125 రెండు ప్రధాన వేరియంట్లు & ఒక ప్రత్యేక ఎడిషన్‌లో అందుబాటులో ఉంది. ఇప్పుడు వాటి ధరలు, ఫీచర్లు ఏమిటో చూద్దాం.

స్టాండర్డ్ (Standard) వేరియంట్

Honda Dio 125లో స్టాండర్డ్ వేరియంట్ బేసిక్ మోడల్. అయితే ఫీచర్ల విషయంలో ఇది కూడా మంచి స్థాయిలో ఉంటుంది.

ఈ స్కూటర్‌లో 123.9cc సింగిల్ సిలిండర్, ఎయిర్ కూల్డ్ ఇంజిన్ ఉంటుంది. ఈ ఇంజిన్ 8.3 hp పవర్ & 10.5 Nm టార్క్ ఉత్పత్తి చేస్తుంది. ఇదే ఇంజిన్ Activa 125లో కూడా ఉపయోగిస్తున్నారు.

స్టాండర్డ్ వేరియంట్‌లో కూడా కొన్ని ఉపయోగకరమైన ఫీచర్లు ఉన్నాయి. వాటిలో

ఇంజిన్ స్టార్ట్/స్టాప్ టెక్నాలజీ

ఫ్రంట్ డిస్క్ బ్రేక్

4.3 అంగుళాల కలర్ TFT డిస్‌ప్లే

అయితే ఈ వేరియంట్‌లో బ్లూటూత్ కనెక్టివిటీ ఉండదు.

ఈ మోడల్ మొత్తం ఆరు కలర్ ఆప్షన్లలో అందుబాటులో ఉంటుంది. అవి గ్రే, గ్రే/బ్లాక్, బ్లాక్, బ్లూ, యెల్లో & రెడ్.

ధర: ఎక్స్ షోరూమ్ ధర సుమారు రూ.86,733; హైదరాబాద్ ఆన్ రోడ్ ధర: సుమారు రూ.1,16,200

X ఎడిషన్ (X-edition)

Honda Dio 125లో X ఎడిషన్ ఒక ప్రత్యేక స్టైల్ వేరియంట్. ఫీచర్లు & ఇంజిన్ పరంగా ఇది స్టాండర్డ్ వేరియంట్‌తో దాదాపు ఒకేలా ఉంటుంది.

అయితే దీనిలో ముఖ్యమైన తేడా డిజైన్ & కలర్ స్కీమ్. ఈ వేరియంట్‌లో.... డ్యూయల్ టోన్ పెయింట్ స్కీమ్ , రెడ్ కలర్ అలాయ్ వీల్స్ లాంటివి ఇచ్చారు. దీంతో స్కూటర్ మరింత స్పోర్టీగా కనిపిస్తుంది.

ధర: ఎక్స్ షోరూమ్ ధర సుమారు రూ.87,733; ఇది స్టాండర్డ్ వేరియంట్‌తో పోలిస్తే రూ.1,000 ఎక్కువ.

హైదరాబాద్ ఆన్ రోడ్ ధర: సుమారు రూ.1,17,339

DLX వేరియంట్

Honda Dio 125లో DLX వేరియంట్ టాప్ మోడల్. ఈ వేరియంట్‌లో కొన్ని అదనపు ఫీచర్లు అందుబాటులో ఉంటాయి.

ఈ వేరియంట్‌లో ముఖ్యంగా...

కీలెస్ ఇగ్నిషన్ సిస్టమ్

TFT డిస్‌ప్లేకు బ్లూటూత్ కనెక్టివిటీ లాంటివి అందిస్తారు. దీంతో మొబైల్ నోటిఫికేషన్లు వంటి ఫీచర్లు ఉపయోగించుకోవచ్చు.

అయితే ఈ మోడల్‌లో కిక్ స్టార్టర్ ఉండదు. ఇది కేవలం ఎలక్ట్రిక్ స్టార్ట్‌తో మాత్రమే వస్తుంది.

ధర: ఎక్స్ షోరూమ్ ధర సుమారు రూ.93,062

ఇది Dio 125 లైనప్‌లో అత్యంత ఖరీదైన వేరియంట్.

మొత్తానికి, Honda Dio 125 స్కూటర్‌ స్టైలిష్ డిజైన్‌తో పాటు మంచి ఫీచర్లను అందించే మోడల్‌గా నిలుస్తోంది. స్టాండర్డ్ వేరియంట్ బడ్జెట్ వినియోగదారులకు సరిపోతే, X ఎడిషన్ స్టైలిష్ లుక్ కోరుకునేవారికి బాగుంటుంది. ఇక DLX వేరియంట్ మాత్రం బ్లూటూత్ కనెక్టివిటీ, కీలెస్ ఫీచర్లు కోరుకునే వారికి సరైన ఎంపికగా చెప్పవచ్చు.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.

మరిన్ని చదవండి

హీరో గ్లామర్ 125, హోండా షైన్ 125లో ఇంజిన్ పనితీరు పరంగా ఎక్కువ శక్తివంతమైనది ఏదీ?

ఈ నెలలో Honda కారు కొనేవాళ్లకు భారీ ఆఫర్లు - హైదరాబాద్, విజయవాడలో ఎంత లాభం?