ఈ నెలలో Honda City, Elevate, Amaze కొనేవాళ్లకు భారీ బెనిఫిట్స్ - ₹1.97 లక్షల వరకు డిస్కౌంట్
Honda మార్చి 2026లో City, Elevate, Amaze కార్లపై ₹1.97 లక్షల వరకు బెనిఫిట్స్ అందిస్తోంది. హైదరాబాద్, విజయవాడ ఎక్స్-షోరూమ్ ధరలు, వేరియంట్ వారీ ఆఫర్ల వివరాలను తెలుసుకోండి.
Honda City March Offer: జపాన్ కార్ల తయారీ సంస్థ Honda Cars India, ఈ నెలలో (మార్చి 2026) తన మొత్తం మోడల్ లైనప్పై ఆకర్షణీయమైన ఆఫర్లను ప్రకటించింది. Honda City, Honda Elevate, Honda Amaze మోడళ్లపై గరిష్టంగా ₹1.97 లక్షల వరకు ప్రయోజనాలు అందిస్తోంది. క్యాష్ డిస్కౌంట్, ఎక్స్చేంజ్ లేదా స్క్రాపేజ్ బెనిఫిట్, లాయల్టీ బోనస్ వంటి ఆఫర్లు ఇందులో ఉన్నాయి. అయితే నగరం, వేరియంట్, స్టాక్ అందుబాటు ఆధారంగా ఆఫర్లు మారుతాయి కాబట్టి హైదరాబాద్, విజయవాడ డీలర్ వద్ద ఖచ్చితమైన వివరాలు తెలుసుకోవడం మంచిది.
Honda City - గరిష్టంగా ₹1.97 లక్షల వరకు లాభం
మార్చి నెలలో Honda కార్లలో అత్యధిక బెనిఫిట్ అందిస్తున్న మోడల్ City e HEV హైబ్రిడ్ వేరియంట్. దీనిపై గరిష్టంగా ₹1.97 లక్షల వరకు ఆఫర్ లభిస్తుంది. ఈ హైబ్రిడ్ సెడాన్లో 1.5 లీటర్ శక్తిమంతమైన స్ట్రాంగ్ హైబ్రిడ్ పవర్ట్రెయిన్ ఇస్తారు. ఇది 126 hp పవర్ ఉత్పత్తి చేస్తుంది. e CVT ఆటోమేటిక్ గేర్బాక్స్తో అందుతుంది.
City హైబ్రిడ్ ఎక్స్-షోరూమ్ ధర భారత్లో సుమారు ₹20 లక్షల నుంచి ప్రారంభమవుతుంది.
పెట్రోల్ వేరియంట్ల విషయానికి వస్తే, గరిష్టంగా ₹1.56 లక్షల వరకు బెనిఫిట్స్ ఉన్నాయి. 1.5 లీటర్ నేచురల్ ఆస్పిరేటెడ్ పెట్రోల్ ఇంజిన్ 121 hp పవర్ ఇస్తుంది. 6 స్పీడ్ మాన్యువల్ లేదా CVT ఆప్షన్ ఉంటుంది.
City పెట్రోల్ ఎక్స్-షోరూమ్ ధర ₹11.95 లక్షల నుంచి ₹16.15 లక్షల వరకు ఉంది.
Honda Elevate - ₹1.81 లక్షల వరకు డిస్కౌంట్
మిడ్ సైజ్ SUV సెగ్మెంట్లో పోటీ పడుతున్న Elevate పై కూడా మంచి ఆఫర్లు ఉన్నాయి. మార్చి నెలలో గరిష్టంగా ₹1.81 లక్షల వరకు లాభం పొందొచ్చు.
ఈ SUVలో 1.5 లీటర్ పెట్రోల్ ఇంజిన్ 121 hp పవర్ ఇస్తుంది. మాన్యువల్, CVT గేర్బాక్స్ ఆప్షన్లు ఉన్నాయి. అయితే Elevate లో హైబ్రిడ్ ఆప్షన్ లేదు.
Elevate ఎక్స్-షోరూమ్ ధర ₹11.6 లక్షల నుంచి ₹16.25 లక్షల వరకు ఉంది.
Honda Amaze - ₹68,000 వరకు ఆఫర్
Honda ప్రస్తుతం రెండో తరం, మూడో తరం Amaze మోడళ్లను ఒకేసారి విక్రయిస్తోంది. పాత మోడల్పై గరిష్టంగా ₹68,000 వరకు బెనిఫిట్స్ ఉన్నాయి. ప్రెష్ Amaze మోడల్పై గరిష్టంగా ₹57,000 వరకు ఆఫర్లు అందుబాటులో ఉన్నాయి.
ఈ రెండు మోడళ్లలో కూడా 1.2 లీటర్ పెట్రోల్ ఇంజిన్ 90 hp పవర్ ఇస్తుంది. 5 స్పీడ్ మాన్యువల్ లేదా CVT ఆప్షన్ ఉంటుంది.
ప్రస్తుత Amaze ఎక్స్-షోరూమ్ ధర ₹7.47 లక్షల నుంచి ₹10 లక్షల వరకు ఉంది. పాత మోడల్ ధర ₹6.98 లక్షల నుంచి ₹7.8 లక్షల వరకు ఉంది.
తెలుగు రాష్ట్రాల యూజర్లకు ఇదేనా మంచి సమయం?
హైదరాబాద్, వరంగల్, విజయవాడ, విశాఖ వంటి తెలుగు నగరాల్లో హోండా కారు కొనుగోలు చేయాలనుకునే వారికి ఇది మంచి అవకాశం. ముఖ్యంగా City హైబ్రిడ్పై భారీ డిస్కౌంట్ ఉండటం ఆకర్షణీయమైన అంశం. SUV కొనాలనుకునేవారికి Elevate మంచి ఆప్షన్. తక్కువ బడ్జెట్ సెడాన్ కావాలంటే Amaze సరైన ఎంపిక.
కార్ కొనుగోలు ముందు డీలర్ను సంప్రదించి ఖచ్చితమైన ఆన్-రోడ్ ధర, బీమా, రిజిస్ట్రేషన్ ఖర్చులు తెలుసుకుని నిర్ణయం తీసుకోవడం మంచిది.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
