Honda Activa 125 vs Suzuki Access 125: హోండా యాక్టివా 125 vs సుజుకి యాక్సెస్‌ 125లో కింగ్ ఎవరు? సిటీ రైడర్లకు ఏది మంచిది?

Honda Activa 125 vs Suzuki Access 125: స్కూటర్‌లు ఎవరైనా కొనాలనే ఆలోచన వస్తే మొదటి మైండ్‌లో వచ్చే పేరు యాక్టివా, ఆ తర్వాత యాక్సస్‌. మరి ఈ రెండింటిలో ఏది బెటర్, సిటీ డ్రైవింగ్‌కు ఏది మంచిదో చూద్దాం.

హోండా యాక్టివా 125 vs సుజుకి యాక్సెస్‌ 125; 125cc స్కూటర్ల సంగ్రామంలో కింగ్ ఎవరు?

Source : Social Media

Show Quick Read

Key points generated by AI, verified by newsroom

• ధరలో సుజుకి యాక్సెస్ 125, హోండా యాక్టివా 125 కంటే చౌక.
• ఇంజిన్, పనితీరు: యాక్టివా 125 స్మూత్, యాక్సెస్ 125 పికప్ బాగుంది.
• మైలేజీలో యాక్టివా 125 స్వల్పంగా ముందు, యాక్సెస్ 125 కూడా పోటీ ఇస్తుంది.
• ఫీచర్లు, స్టోరేజ్: యాక్సెస్ 125 స్టోరేజ్, యాక్టివా 125 H-smart ఫీచర్ అందిస్తున్నాయి.
• ఐదేళ్ల ఖర్చు, నిర్వహణలో హోండా యాక్టివా 125 లాభదాయకం.

Honda Activa 125 vs Suzuki Access 125: భారతీయ రోడ్లపై స్కూటర్ల ఆధిపత్యం గురించి మాట్లాడితే, అందరికీ ముందుగా గుర్తొచ్చే పేర్లు హోండా యాక్టివా, సుజుకి యాక్సెస్‌. ముఖ్యంగా 125cc విభాగంలో ఈ రెండు మోడల్స్‌ దశాబ్దాలుగా తిరుగులేని దిగ్గజాలుగా కొనసాగుతున్నాయి. 2026 నాటికి నగర ప్రయాణాలకు అనువైన ఫీచర్లు, మెరుగైన మైలేజ్, అత్యాధునిక సాంకేతికతతో ఈ రెండు స్కూటర్లు వినియోగదారులను ఆకట్టుకుంటున్నాయి. అయితే కొత్త వాహనాన్ని కొనేముందు ఏది ఆర్థికంగా లాభదాయకం? ఏది మెరుగైన పనితీరును కనబరుస్తుంది? ఒక్కసారి పరిశీలిద్దాం...

ధరల్లో ఎవరిది పైచేయి?

ధర విషయంలో సుజుకి యాక్సెస్‌ 125 తన దూకుడును ప్రదర్శిస్తోంది. సుజుకి యాక్సెస్‌ 125 ఎక్స్‌ షోరూమ్‌ ధర సుమారు 80, 643 నుంచి ప్రారంభమవుతుంది. హోండా యాక్టివా 125 ప్రారంభ ధర 92, 297 రూపాయలుగా ఉంది. 

హైదరాబాద్‌లో ఆన్‌రోడ్‌ ధరలను పరిశీలిస్తే... సుజుకి యాక్సెస్‌ 125 బేస్ వేరియంట్‌ సుమారు 1,09,056కి లభిస్తుండగా, హోండా యాక్టివా 125 బేస్‌ వేరియంట్‌ 1,13,583కి అందుబాటులో ఉంది. అంటే ప్రారంభస్థాయిలో సుజుకి యాక్సెస్‌ సుమారు పదివేల నుంచి 12వేల వరకు తక్కువ ధరతో ఎంట్రీ లెవల్‌ కొనుగోలుదారులను ఆకర్షిస్తోంది. హోండా యాక్టివా 125 మొత్తం 3 వేరియంట్లలో సుజుకి యాక్సెస్‌ 125 మొత్తం ఆరు వేరియంట్లలో లభిస్తున్నాయి. 

ఇంజన్, పనితీరు; స్మూత్‌నెస్ vs పికప్‌

టెక్నికల్‌గా ఈ రెండు స్కూటర్లు దాదాపు సమానమైన శక్తిని కలిగి ఉన్నాయి. హోండా యాక్టివా 125లో 123.92 సీసీ ఇంజిన‌ ఉండగా, సుజుకి యాక్సెస్‌ 125లో 124cc ఇంజన్ అమర్చారు. రెండు స్కూటర్లు కూడా 6500 rpm వద్ద 8.3 గరిష్ట శక్తిని ఉత్పత్తి చేస్తాయి. 

అయితే టార్క్‌ విషయంలో స్వల్ప తేడాలు ఉన్నాయి. హోండా యాక్టివా 124 10.5Nm టార్క్‌ను అందిస్తుండగా, సుజుకి యాక్సెస్‌ 125 10.2Nm టార్క్‌ను అందిస్తుంది. 

హోండా ఇంజన్ అత్యంత స్మూత్‌గా, రిఫైన్డ్‌గా ఉంటుంది. ఇందులోఉన్న సైలెంట్‌ స్టార్‌ టెక్నాలజీ స్టార్టింగ్‌ సమయంలో ఎటువంటి శబ్దం రాకుండా చేస్తుంది. సుజుకి యాక్సెస్‌ 125 దాని వేగవంతమైన పికప్‌, ఎక్సలరేషన్‌కు ప్రసిద్ధి చెందింది. రెండు స్కూటర్లు కూడా గరిష్టంగా గంటకు 90కిలోమీటర్ల వేగంతో ప్రయాణించగలవు. 

లీటర్‌కు ఎన్ని కిలోమీటర్ల మైలేజీ ఇస్తున్నాయి?

నగర ప్రయాణాల్లో మైలేజీ అత్యంత కీలకం. హోండా యాక్టివా 125 ఇక్కడ స్వల్పంగా ముందంజలో ఉంది. హోండా తన ఇడ్లింగ్‌ స్టాప్‌ సిస్టమ‌ కారణంగా సిటీలో 45-50kmpl రియల్‌- వరల్డ్‌ మైలేజీని ఇస్తుంది. సుజుకి యాక్సెస్‌ 125 తన SEPటెక్నాలీతో 42-47 kmp వరకు మైలేజీని అందిస్తోంది. 

లెటెస్ట్ టెక్నాలజీలో టాప్ ఎవరు?

నేటి తరం వాహనదారులకు అవసరమైన అన్ని  అధునిక ఫీచర్లను ఈ రెండు కంపెనీలు అందిస్తున్నాయి. రెండు స్కూటర్ల టాప్ వేరియంట్లలో TFT స్క్రీన్‌, బ్లూటూత్‌ కనెక్టివిటీ ఉన్నాయి. హోండాలో రోడ్‌ సింక్‌ ఫీచర్‌ ఉండగా, సుజుకిలో కాల్స్‌ SMS అలర్ట్స్‌ వంటి బ్లూటూత్‌ ఫీచర్లు ఉన్నాయి. ఇక్కడ సుజుకి యాక్సెస్‌ 125 స్పష్టమైన విజేతగా చెప్పవచ్చు. ఇందులో 24.4 లీటర్ల భారీ అండర్ సీట్ సటోరేజ్‌ ఉంది. అదే హోండా యాక్టివా 125లో కేవలం 18 లీటర్ల మాత్రమే ఉంది. హోండా తన టాప్ వేరియంట్‌లో H-smart అనే కీలెస్ ఎంట్రీ, లాక్ ఫీచర్ అందిస్తోంది. రెండు స్కూటర్లలోనూ కాంబీ బ్రేక్ సిస్టమ్‌, సైడ్‌ స్టాండ్‌ ఇంజన్‌ కట్‌ ఆఫ్ వంటి ఫీచర్స్ ఉన్నాయి. 

నిర్వహణ- వారంటీ విషయంలో ఏది బెటర్ 

హోండా తన సర్వీస్‌ నెట్‌వర్క్ , వారంటీ విషయంలో నమ్మకాన్ని కలిగి ఉంది. హోండా 3 ఏళ్లు లేదా 36వేల కిలోమీటర్లకు వారంటీ ఇస్తుండగా, సుజుకి 2 ఏళ్లు లేదా 24వేల కిలోమీటర్లకు మాత్రమే వారంటీ ఇస్తోంది. హోండా 3 ఉచిత సర్వీస్‌లు ఇస్తే, సుజుకి 4 ఉచిత సర్వీస్‌లు అందిస్తోంది. సగటు వార్షిక మెయింటెనెన్స్‌ ఖర్‌చు 1500 నుంచి 2500 మధ్య ఉంటుంది. 

ఐదేళ్ల ఓనర్‌ షిప్ ఖర్చు

ఒక వాహనం కొన్న తర్వాత ఐదేళ్ల పాటు అయ్యే ఖర్చును లెక్కిస్తే అంటే సుమారు 50వేల కిలోమీటర్లు ప్రయాణించారని అనుకుంటే... హోండా యాక్టివా 125 మరింత లాభదాయకంగా ఉంటుంది. హోండాకు ఉన్న మెరుగైన మైలేజీ, అధిక రీసేల్‌ వాల్యూ వల్ల, ఐదేళ్ల తర్వాత నికర ఖర్చు సుమారు 1, 38, 732 రూపాయలు అవుతుంది. అదే సుజుకి యాక్సెస్‌ 125కి 1,52, 084 రూపాయలుగా ఉంది. అంటే హోండా యాక్టివా 125 వల్ల దీర్ఘకాలంలో సుమారు 13, 352 రూపాయలు ఆదా అవుతుంది. 

ఏ వర్గానికి ఏది సరిపోతుంది?

సిటీ, ఫ్యామిలీ కోసం హోండా యాక్టివా 125 మంచి ఆప్షన్. దీని స్మాత్‌ ఇంజన్, మంచి మైలేజ్‌, సర్వీస్‌ నెట్‌వర్క్ వీళ్లకు సరిగా సరిపోతుంది. యువత, హైవేలో ప్రయాణించే వాళ్లకు సుజుకి యాక్సెస్‌ 25 మేలైంది. అధిక పికప్‌, స్లైలిష్‌లుక్‌, లార్జ్‌స్టోరేజ్‌, స్పీడ్‌ ఎక్సీడింగ్‌ అలర్ట్‌ వంటి ఫీచర్లు యువతను ఆకట్టుకుంటాయి. 

మరిన్ని చదవండి

వాడకంలోనే కాదు, రీసేల్‌ విలువలోనూ టాప్‌: రూ.లక్ష లోపు బెస్ట్‌ టూ వీలర్లు

TVS Orbiter ఎలక్ట్రిక్‌ స్కూటర్‌ కొనాలా? కొనొద్దా? - ప్లస్‌లు, మైనస్‌లతో మీ కోసం పూర్తి విశ్లేషణ