TVS Radeon 110: తక్కువ ధరలో అదిరిపోయే మైలేజ్ బైక్! EMI, ఫీచర్స్, ఆన్ రోడ్ ధర తెలుసుకోండి
TVS Radeon 110: ఈ బైక్ ట్యాంక్లో 10 లీటర్ల పెట్రోల్ పడుతుంది. దీని మైలేజ్ లీటర్కు 73 కి.మీ.గా ARAI సర్టిపై చేసింది. ఈ లెక్కన, ట్యాంక్ నింపితే ఈ బైక్ను 700 km పైగా ఈజీగా నడపవచ్చు.
TVS Radeon 110 Price, Mileage And Features In Telugu: భారతీయ రోడ్ల మీద చాలా TVS మోటార్ బైక్లు & స్కూటర్లు చక్కర్లు కొడుతున్నాయి. వీటిలో TVS రేడియాన్ 110 ఒకటి. స్టైలిష్ డిజైన్ &కామన్ కోరుకునే మంచి మైలేజీతో ఈ బండి బాగా పాపులర్ అయింది. ఆఫీస్/ కాలేజీకి వెళ్లడానికి లేదా మరేదైనా పని కోసం డైలీ అప్ & డౌన్ చేయడానికి టీవీఎస్ రేడియాన్ 110 బైక్ బాగా ఉపయోగపడుతుంది. ఈ బండి ఇచ్చే మైలేజ్తో మీకు చాలా డబ్బు ఆదా
అవుతుంది.
TVS మోటార్ కంపెనీ, రేడియాన్ 110 బైక్ను నాలుగు వేరియంట్లలో అమ్ముతోంది. వాటిలో రేడియాన్ ఆల్-బ్లాక్ ఎడిషన్ (TVS Radeon All Black Edition) ఒకటి. మిగిలిన వేరియంట్లు - రేడియాన్ డ్రమ్, రేడియాన్ డిజిటల్-డ్రమ్, రేడియాన్ డిజిటల్-డిస్క్.
రేడియాన్ ఆల్-బ్లాక్ ఎడిషన్ ధర
TVS Radeon ఆల్-బ్లాక్ ఎడిషన్ ఎక్స్-షోరూమ్ ధర (TVS Radeon 110 ex-showroom price) కేవలం 72,758 రూపాయలు. తెలుగు నగరాల్లో ఈ బండి కొనాలంటే RTO కోసం రూ. 10,231, ఇన్సూరెన్స్ కోసం రూ. 6,468, ఇతర ఖర్చుల కోసం దాదాపు రూ. 4,200 చెల్లించాలి. ఇవన్నీ కలుపుకుని ఈ బండి ఆన్-రోడ్ ప్రైస్ (TVS Radeon 110 on-road price) 93,549 రూపాయలు అవుతుంది.
TVS Radeon ఆల్-బ్లాక్ ఎడిషన్ను కొనడానికి మీ దగ్గర ఫుల్ అమౌంట్ లేకపోయినా, తెలుగు నగరాల్లోని ఏ షోరూమ్లోనైనా కేవలం రూ. 18,000 వేలు (డౌన్ పేమెంట్) చెల్లించి కొనుగోలు చేయవచ్చు. ఇది పోను, మిగిలిన రూ. 75,549 మీకు బ్యాంక్ లోన్ ఇస్తుంది. ఈ లోన్ మీద బ్యాంక్ 9% వడ్డీ రేటు వసూలు చేస్తుందని అనుకుందాం. ఇప్పుడు ఫైనాన్స్ ప్లాన్ చూద్దాం.
టీవీఎస్ రేడియాన్ ఫైనాన్స్ ప్లాన్ - లోన్ మొత్తం రూ. 75,549; వడ్డీ రేటు 9 శాతం (ఉదాహరణకు)
4 సంవత్సరాల్లో తిరిగి తీర్చేలా ఈ రుణం తీసుకుంటే మీరు నెలకు రూ. 2,489 EMI చెల్లించాలి
3 సంవత్సరాల లోన్ టెన్యూర్ ఎంచుకుంటే మీరు నెలకు రూ. 3,180 EMI చెల్లించాలి
2 సంవత్సరాల రుణ కాలపరిమితి పెట్టుకుంటే మీరు నెలకు రూ. 4,568 EMI చెల్లించాలి
TVS Radeon 109.7cc ఎయిర్-కూల్డ్, సింగిల్-సిలిండర్ ఇంజిన్తో నడుస్తుంది. ఈ ఇంజిన్ 7,350 rpm వద్ద 8.08 bhp పవర్ను పొందుతుంది & 4,500 rpm వద్ద 8.7 Nm గరిష్ట టార్క్ను జనరేట్ చేస్తుంది. ఈ బైక్ ఇంజిన్ 4-స్పీడ్ గేర్బాక్స్తో కనెక్టయి ఉంటుంది. రేడియన్ 110 అన్ని వేరియంట్లలో 18-అంగుళాల అల్లాయ్ వీల్స్ ఇచ్చారు. ఈ బైక్లో కంబైన్డ్ బ్రేకింగ్ సిస్టమ్ (CBS) కూడా ఉంది.
రేడియాన్ ఆల్-బ్లాక్ ఎడిషన్ మైలేజీ
TVS Radeon 110 కోసం ARAI క్లెయిమ్ చేసిన మైలేజ్ లీటరుకు 73 km. ఈ బైక్ ఇంధన ట్యాంక్ సామర్థ్యం 10 లీటర్లు. అంటే, ట్యాంక్ ఫుల్ చేసి ఈ బైకును 730 కిలోమీటర్ల వరకు సులభంగా నడపవచ్చు. మీరు రోజుకు సగటున 50 కిలోమీటర్ల వరకు బండిని నడుపుతారు అనుకుంటే, ఒకసారి ట్యాంక్ ఫుల్ చేసిన తర్వాత దాదాపు 15 రోజులు పెట్రోల్ బంకు వైపు వెళ్లక్కరలేదు. అంటే, కేవలం 2 సార్లు ట్యాంక్ ఫుల్ చేయించి నెల మొత్తం వాడుకోవచ్చు.
టాప్ హెడ్ లైన్స్
ట్రెండింగ్ వార్తలు
