Zodiac Signs : ఈ 4 రాశులవారు జీవితంలో ప్రతిక్షణాన్ని ఆస్వాదిస్తారు - మీరున్నారా ఇందులో!

Astrology: కొందరు చిన్న చిన్న విషయాలకు బాధపడిపోతుంటారు..మరికొందరు ప్రతిక్షణాన్ని ఆనందిస్తారు. ఈ స్వభావం మీ జన్మరాశిపై ఆధారపడి ఉంటుందంటారు జ్యోతిష్య శాస్త్ర పండితులు..

Astrology (Image Credit: Pinterest)

Source : Pinterest

Zodiac Signs : సంతోషంగా ఉండాలని ఎవరికి ఉండదు చెప్పండి..కానీ చుట్టూ ఉండే పరిస్థితులు, వ్యక్తిత్వం, ఆలోచనా విధానం.. వీటన్నింటి ప్రభావం తప్పనిసరిగా ఉంటుంది.

ఎన్ని సమస్యలు ఎదురైనా చిరునవ్వుతో వాటిని అధిగమించి ప్రతిక్షణాన్ని ఆస్వాదించేవారు కొందరు..

చిన్న చిన్న సమస్యలకు కూడా కుంగిపోయి మరింత బాధలోకి కూరుకుపోయేవారు ఇంకొందరు...

ప్రస్తుతం ఉన్న సంతోష క్షణాలను ఆస్వాదించకుండా భవిష్యత్ లో ఏమైనా ఇబ్బందులు వస్తాయనే భావనలో మరికొందరు..

ఈ ఆలోచన  మీ జన్మరాశిపై ఆధారపడి ఉంటాయంటారు జ్యోతిష్య శాస్త్ర పండితులు. అయితే వచ్చే ఇబ్బందులు ఎలాగూ రాకమానవు.. ఏం జరుగుతుందో అని ప్రతిక్షణం ఆలోచిస్తూ బాధపడుతూ జీవించేకన్నా ఈ క్షణం సంతోషంగా ఉన్నామా లేదా అని ఆలోచించేవారిలో ఈ రాశులవారున్నారు...

మేష రాశి

అగ్నికి సంకేతం అయిన మేషరాశివారు ఎప్పుడూ ఉత్సాహంగా ఉంటారు.  సాహోసపేతంగా వ్యవహరిస్తారు. వీరికి జీవతం అంటే ఓ అన్వేషణ. ఎదురైన ప్రతిక్షణం ఓ పాఠంగానే భావిస్తారు. పాతవస్తువులు అగ్నికి ఆహుతైనట్టే..పాత విషయాలను ఎక్కడికక్కడ వదిలేసి ముందుకుసాగిపోతారు. కొత్త విషయాలు తెలుసుకోవడం థ్రిల్లింగ్ గా భావిస్తారు. హడావుడిగా ఉన్నట్టు కనిపిస్తారు కానీ జీవితంలో ప్రతిక్షణం ఆస్వాదిస్తారు. వీళ్లకు బాధలు ఉండవా అంటే ఉంటాయ్..కానీ దేన్నీ మనసుకి తీసుకోరు. బాధపడినా కొద్దిసేపే. 

సింహ రాశి

సింహరాశి వారికి జీవితం పట్ల అసమానమైన అభిరుచి ఉంటుంది. ఈ రాశికి అధిపతి సూర్యుడు..అందుకు తగ్గట్టే వీరిలో సహజమైన తేజస్సు ఉంటుంది. తమ జీవితం ఎప్పుడూ వెలుగులో ఉన్నట్టే భావిస్తారు. అదే పాజిటివ్ ఎనర్జీతో ముందుకుసాగిపోతారు. విలాసవంతంగా ఉన్నా, చిన్న చిన్న విషయాలను అయినా ఒకేలా ఆనందిస్తారు. ప్రతిక్షణాన్ని ఆస్వాదిస్తారు...ప్రతి సంఘటనను మరపురాని అనుభూతిగా భావిస్తారు. వీరిలో ఉండే నాయకత్వ లక్షణాలు..రాజు ఎక్కడున్నా రాజే అనేలా ఉంటారు. గడిచిన కాలాన్ని తిరిగి తెచ్చుకోలేం..అందుకే ప్రతిక్షణం సంతోషంగా ఉండాలన్నదే వీరి భావన

ధనుస్సు రాశి

అగ్నికి సంకేతం అయిన ధనస్సు రాశివారు జీవితంలో స్వేచ్ఛను కోరుకుంటారు..పక్షిలా విహరించాలి అనుకుంటారు. అందేకే ప్రయాణాలను ఆస్వాదిస్తారు. సాహసాలు చేయడం అంటే మహాసరదా. జీవితంపై ఎప్పుడూ ఆశావద ధృక్పథాన్ని కలిగిఉంటారు..అందుకే ప్రతిక్షణాన్ని ఆస్వాదిస్తారు. ఈ రాశికి అధిపతి బృహస్పతి..అందుకే వీరికి సహజంగా తెలివితేటలు ఎక్కువ. రేపు ఏం జరుగుతుందో అనే భావన కాకుండా ఈ క్షణాన్ని ఎలా అందంగా మలుచుకోవాలో ఆలోచిస్తారు. చేసే ప్రతిపనిలో వీరి ప్రత్యేకత ఉంటుంది. జీవితంలో ఏ జరిగినా స్వీకరించేందుకు సిద్ధంగా ఉంటారు. 

మీనరాశి

మీన రాశి నీటికి సంకేతం. వీరిలో అంతర్ దృష్టి ఎక్కువ. కలలు కంటారు, వాటిని నిజం చేసుకుంటారు. తమ చుట్టూఉండే వ్యక్తులపట్ల, పరిసరాల పట్ల సున్నితంగా ఉంటారు. నిశ్శబ్ధ క్షణాల్లో ఆనందాన్ని వెతుక్కుంటారు. గడిచిన ఒక్క క్షణాన్ని కూడా తిరిగి తీసుకురాలేం... రేపు ఏం జరుగుతుందో ఊహించలేం..ఈ క్షణాన్ని ఆస్వాదించాలి అనే ఆలోచనతో ఉంటారు. అందుకే మీనరాశివారు ఎప్పుడూ సంతోషంగా కనిపిస్తారు. అదే సమయంలో భవిష్యత్ ని అందంగా మలుచుకోవడంలోనూ సక్సెస్ అవుతారు.  

Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.