Vizianagaram News : గోడ నుంచి బయటపడ్డ పురాతన లాకర్, వాటా కోసం ఓనర్ తో కూలీలు వాగ్వాదం!

Vizianagaram News : రాజాంలో ఓ పురాతన ఇంట్లో ఇనుప లాకర్ బయటపడింది. ఈ లాకర్ లో బంగారం ఉన్నట్లు ప్రచారం జరుగుతోంది. అయితే అందులో ఏంలేదని యజమాని అంటున్నారు.

రాజాంలో బయటపడ్డ లాకర్

Vizianagaram News : విజయనగరంజిల్లా రాజాంలో లాకర్ కలకలం రేపుతోంది. ఆ లాకర్ భారీగా బంగారం ఉందని ప్రచారం జరుగుతోంది. రాజాంలో ఒక పురాతన ఇల్లును కూల్చేటప్పుడు గోడ నుంచి పెద్ద ఐరన్ లాకర్ బాక్స్ బయటపడింది. బయట పడ్డ ఐరన్ లాకర్ బాక్స్ మాది అంటూ కూలీలుకు ఇంటి ఓనర్ మధ్య వాగ్వాదం జరిగింది. ఆ బాక్స్ లో కిలోలు కొద్ది బంగారు ఉన్నట్టు ప్రచారం జరుగుతోంది.  ఆ ఐరన్ లాకర్ లో ఏంలేదని ఇంటి ఓనర్ అంటున్నారు. లాకర్ ఓపెన్ చెయ్యలేకపోతున్నామని ఇంటి ఓనర్ రామలింగం చెబుతున్నారు. ఆ ఇంటిని తక్కువ రేటుకు ఇవ్వలేదని వేరే వ్యక్తి బంగారం లాకర్ అని ప్రచారం చేశాడని రామలింగం అంటున్నారు. ఐరన్ లాకర్ బాక్స్ దొరకడం వాస్తవమే కానీ ఇంతవరకు ఓపెన్ చెయ్యలేదని ఇంటి ఓనర్ రామలింగం  తెలిపారు. 

రెండు కేజీల బంగారం! 

అయితే ఈ లాకర్ విషయంలో కూలీలు, యజమాని మధ్య వివాదం తలెత్తింది. లాకర్ పగులగొట్టి అందులోని బంగారంలో తమకు వాటా ఇవ్వాలని కూలీలు కోరుతున్నారు. యజమాని మాత్రం లాకర్‌లో ఏంలేదని చెబుతున్నారు. కూలీలు మాత్రం లాకర్ లో రెండు కేజీల బంగారం ఉందని చెబుతున్నారు. ఈ వ్యవహారంపై పోలీసులు దర్యాప్తు చేస్తున్నారు.  ఈ లాకర్‌కు సంబంధించి ఇంకా పూర్తి వివరాలు తెలియాల్సి ఉంది.