Vijayawada News : విద్యార్థిని కాలితో తన్నిన లెక్చరర్, కాలేజీ ప్రిన్సిపల్ కు ఇంటర్ బోర్డు నోటీసులు

Vijayawada News : విద్యార్థిని లెక్చరర్ కాలితో తన్నిన ఘటనపై ఇంటర్ బోర్డు సీరియస్ అయింది. కాలేజీ ప్రిన్సిపల్ కు నోటీసులు జారీ చేసింది.

విద్యార్థిని తీవ్రంగా కొట్టిన లెక్చరర్

Vijayawada News : కార్పొరేట్ క‌ళాశాల‌ల ఆగడాలు రోజురోజుకు శృతిమించిపోతున్నాయి. వేలాది రూపాయ‌లు ఫీజులు వ‌సూలు చేయ‌డ‌మే కాకుండా విద్యార్థుల ప‌ట్ల దురుసుగా ప్రవ‌ర్తిస్తున్నార‌న్న ఆరోప‌ణ‌లు వ‌స్తున్నాయి. చ‌క్కటి విద్యా బుద్ధులు చెప్పాల్సిన గురువులే కాలితో విద్యార్థిని త‌న్నడం వివాదాస్పదంగా మారింది. విజయవాడలోని ఓ ప్రైవేట్ క‌ళాశాల‌లో జ‌రిగిన ఈ ఘ‌ట‌న వైర‌ల్‌గా మారింది. ఈ లెక్చర‌ర్‌పై చ‌ర్యలు తీసుకోవాల‌ని ప‌లువురు కోరుతున్నారు.

What kind of teaching is this & what this lecturer is trying to teach students!

Sri Chaitanya Junior College- Tadigadapa,Vijayawada,AP.

Dear @rashtrapatibhvn @PMOIndia @EduMinOfIndia @hrw kindly address & save students from such kind of Teachers/Lecturers

Thank you. pic.twitter.com/MrZjYBQYXT

— Raja Reddy Gaddam (@gaddamrajareddy) September 17, 2022

అసలేం జరిగింది? 

విజయవాడలోని ఓ ప్రైవేట్ కాలేజీలో విద్యార్థిని లెక్చరర్ తీవ్రంగా కొడుతున్న వీడియో వైరల్ అయ్యింది. విద్యార్థిని చెంపలపై కొట్టిన లెక్చరర్ ఆగ్రహంతో కాలితో కూడా తన్నారు. ఈ వీడియో వైరల్ అవ్వడంతో పెద్ద చర్చకు దారి తీసింది. క్లాస్‌ లో మాట్లాడాడని విద్యార్థిని లెక్చరర్ చెంపలు వాయించడంతో పాటు, కాలితో తన్నిన ఘటన శుక్రవారం వైరల్‌అయింది. ఈ ఘటన ఏపీ ఇంటర్మీడియెట్ బోర్డు వరకు చేరింది. దీంతో ఇంటర్‌ బోర్డ్‌ సీరియస్ అయింది. కాలేజీ నిర్వహకులకు ఏపీ ఇంటర్‌ బోర్డు జాయింట్‌ సెక్రటరీ షోకాజ్‌ నోటీసులు జారీచేశారు. 

కాలేజీకి షోకాజ్ నోటీసు 

ఈ ఘటనతో కాలేజి గుర్తింపు ఎందుకు రద్దు చేయకూడదో ఐదు రోజుల్లోగా వివరణ ఇవ్వాలని ఇంటర్ బోర్డు నోటీసులో తెలిపింది. ఈ విషయమై ఇంటర్ బోర్డు విద్యామండలి జాయింట్ సెక్రటరీ జీఎస్ఆర్ కృష్ణారావు మాట్లాడుతూ... విద్యార్థిని లెక్చరర్ తీవ్రంగా కొట్టిన వీడియోపై ఇంటర్మీడియట్ బోర్డుకు ఫిర్యాదు అందిందన్నారు. లెక్చలర్ రవికుమార్, ప్రిన్సిపాల్ వద్ద ఈ ఘటనకు సంబంధించి వివరాలు తీసుకున్నామన్నారు. ఎన్టీఆర్ జిల్లా విద్యాశాఖాధికారి సీఎస్ఎన్ రెడ్డి, ఆర్ఐవో రవికుమార్, చైల్డ్ లైన్ అధికారులు విచారణ చేశారని తెలిపారు. చట్టపరంగా అన్ని చర్యలు తీసుకుంటామన్నారు. ఈ ఘటనపై ప్రైవేట్ కాలేజీకి షోకాజ్ నోటీస్ ఇచ్చామన్నారు. నిర్వాహకులు సరైన వివరణ ఇవ్వకపోతే గుర్తింపు రద్దు చేస్తామని స్పష్టం చేశారు. పొక్సో చట్టం ప్రకారం  చర్యలు తీసుకుంటామని కృష్ణారావు వెల్లడించారు. ఏ కారణంతో చేసినా ఇలాంటి చర్యలు ఉపేక్షించబోమని హెచ్చరించారు. ఈ ఘటనపై నెటిజన్లు మండిపడుతున్నారు. లెక్చరర్ పై చర్యలు తీసుకోవాలని డిమాండ్ చేస్తున్నారు. సీఎం జగన్, ఏపీ సీఎంవోను టాగ్ చేస్తూ వైరల్ వీడియో రీట్వీట్లు చేస్తున్నారు.