Sara Ali Khan Kedarnath : కేదార్‌నాథ్ టెంపుల్ ఎంట్రీ - హీరోయిన్ సారా అలీ ఖాన్ అఫిడవిట్ ఇవ్వాల్సిందే!

Sara Ali Khan : బాలీవుడ్ హీరోయిన్ సారా అలీ ఖాన్ ఇకపై కేదార్‌నాథ్, బద్రీనాథ్ ఆలయాలను సందర్శించాలంటే అఫిడవిట్ సమర్పించాల్సి ఉంటుంది. తాజాగా ఆలయ కమిటీ కీలక నిర్ణయం తీసుకుంది.

కేదార్‌నాథ్ ఆలయ ఎంట్రీపై కీలక నిర్ణయం

Source : https://www.instagram.com/p/DUxhTdwifcD/?hl=en&img_index=1

Sara Ali Khan Entry Banned Without Affadavit In Kedarnath Temple : బాలీవుడ్ హీరోయిన్ సారా అలీ ఖాన్ ఎంత భక్తితో ఉంటారో మనందరికీ తెలిసిందే. ఓ వైపు మూవీస్ చేస్తూనే మరోవైపు ఆధ్యాత్మిక ప్రయాణాలు చేస్తూ తన ఇన్ స్టాలో ఆ ఫోటోలు షేర్ చేసుకుంటుంటారు. ముఖ్యంగా కేదార్‌నాథ్ ఆలయంతో ఆమెకు ప్రత్యేక అనుబంధం ఉంది.

తన ఫస్ట్ మూవీ 'కేదార్‌నాథ్' షూటింగ్ నుంచి ఆమె ప్రతీ ఏడాది కేదార్‌నాథ్, అమర్‌నాథ్, కాశీ విశ్వనాథ్ వంటి పుణ్యక్షేత్రాలను దర్శించుకుంటుంటారు. 2023లో సామాన్య భక్తురాలిగా అమర్నాథ్ యాత్రలోనూ ఆమె పాల్గొన్నారు. ఈ ప్రయాణాన్ని ఆమె సోషల్ మీడియాలో షేర్ చేసుకున్నారు.

అఫిడవిట్ తప్పనిసరి

ఇకపై సారా అలీ ఖాన్ కేదార్‌నాథ్ దర్శించాలంటే తప్పకుండా అఫిడవిట్ సమర్పించాల్సి ఉంటుంది. ఈ మేరకు ఆలయం యాజమాన్యం హిందూయేతరులు ఆలయంలోకి ప్రవేశించాలంటే... తమకు సనాతన ధర్మంపై విశ్వాసం ఉందని ప్రకటించి అఫిడవిట్ ఇవ్వాలని తెలిపింది. మంగళవారం జరిగిన చార్ ధామ్ యాత్ర పత్రికా సమావేశంలో సనాతన వాదులు కాని వారికి ఆలయంలోకి ప్రవేశం నిషేధించినట్లు బద్రీనాథ్ కేదార్‌నాథ్ ఆలయ కమిటీ స్పష్టం చేసింది. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sara Ali Khan (@saraalikhan95)

'అలా అయితేనే ఎంట్రీ'

సనాతన ధర్మాన్ని విశ్వసించే ప్రతీ ఒక్కరూ సనాతనియేనని అన్నారు బీకేటీసీ అధ్యక్షుడు హేమంత్ ద్వివేది. ఆలయంలోకి ప్రవేశం కల్పించే ముందు, తాను సనాతని అని పేర్కొంటూ బాలీవుడ్ హీరోయిన్ సారా అలీ ఖాన్ అఫిడవిట్ సమర్పించాల్సి ఉంటుందన్నారు. 'సారా అలీ ఖాన్ కూడా తనకు సనాతన ధర్మంపై విశ్వాసం ఉందని ప్రకటించి... మాకు అఫిడవిట్ ఇస్తే మేము ఆమెను సందర్శించడానికి అనుమతి ఇస్తాం.' అని చెప్పారు. మరి దీనిపై ఆమె ఎలా రియాక్ట్ అవుతారో తెలియాల్సి ఉంది.

మరిన్ని చదవండి

పొలిటికల్ ఎంట్రీపై హీరో నారా రోహిత్ ఫస్ట్ రియాక్షన్ - ఏం చెప్పారంటే?