Ambati Rayudu Reveals Dhoni’s Secret | సీఎస్‌కే డ్రెస్సింగ్ రూమ్ సీక్రెట్స్ | ABP Desam

చెన్నై సూపర్ కింగ్స్ మాజీ ప్లేయర్ అంబటి రాయుడు ధోనీ గురించి ఆసక్తికర విషయాలు పంచుకున్నాడు. ధోనీ తనను సరదాగా టిన్ రూఫ్ అని పిలిచేవాడని రాయుడు తెలిపాడు. మైదానంలో అంపైర్లతో వాగ్వాదానికి దిగే తన అలవాటుపై ధోనీ ఒకసారి క్లాస్ తీసుకున్న విషయాన్ని గుర్తుచేసుకున్నాడు.

"వైడ్ లేదా నో-బాల్ విషయంలో నేను అంపైర్లతో గొడవ పడుతుంటే, ధోనీ నన్ను మందలించాడు. 'నువ్వు కేవలం బ్యాటింగ్‌పై దృష్టి పెట్టు, అనవసరంగా చేతులు ఊపుతూ గొడవ పడకు.. మనకు ఫెయిర్ ప్లే పాయింట్లు తగ్గుతాయి' అని హెచ్చరించాడు. కానీ అదే ఏడాది రాజస్థాన్ రాయల్స్‌తో జరిగిన మ్యాచ్‌లో నో-బాల్ వివాదంపై ధోనీనే స్వయంగా మైదానంలోకి దూసుకొచ్చి అంపైర్లతో వాదించాడు. నా వల్ల జట్టుకు ఫెయిర్ ప్లే పాయింట్లు తగ్గలేదు కానీ, ధోనీ వల్ల మాత్రం తగ్గాయి" అని రాయుడు నవ్వుతూ చెప్పుకొచ్చాడు.

ధోనీతో ఉన్న అనుబంధం, సీఎస్‌కే డ్రెస్సింగ్ రూమ్ విషయాల గురించి రాయుడు చెప్పిన ఈ ముచ్చట్లు ఇప్పుడు సోషల్ మీడియాలో తెగ వైరల్ అవుతున్నాయి.