Mla Balakrishna : ఒక్క ఛాన్స్ ఇచ్చినందుకే ఈ తిప్పలు, వైసీపీ గుడిని గుడిలో లింగాన్ని మింగేస్తుంది - ఎమ్మెల్యే బాలకృష్ణ
Mla Balakrishna : వైసీపీకి ఒక్క ఛాన్స్ ఇచ్చినందుకు అన్ని వర్గాల ప్రజలు ఇబ్బందులకు గురి అవుతున్నారని ఎమ్మెల్యే బాలకృష్ణ ఆరోపించారు. వైసీపీ ప్రభుత్వం గుడిని గుడిలో ఉన్న లింగాన్ని మింగేస్తుందని విమర్శించారు.
Mla Balakrishna : గుంటూరు జిల్లా తెనాలిలో ఎన్టీఆర్ శతజయంతి వేడుకలలో ఎమ్మెల్యే బాలకృష్ణ పాల్గొన్నారు. బాలకృష్ణ మాట్లాడుతూ ఒక్కసారి ఛాన్స్ ఇచ్చినందుకు రాష్ట్రంలో అన్ని వర్గాలు ఇబ్బంది పడుతున్నాయన్నారు. గతానికి ప్రస్తుత ప్రభుత్వానికి తేడా ఏమిటో ఒకసారి గుర్తు చేసుకోవాలన్నారు. ఓటు సక్రమంగా వేస్తేనే గుడి, బడి ఉంటాయన్నారు. వైసీపీ ప్రభుత్వం గుడిని గుడిలో ఉన్న లింగాన్ని మింగేస్తుందని ఆరోపించారు. తెలుగు జాతి చైతన్యానికి ఎన్టీఆర్ విశ్వరూపం అన్న బాలకృష్ణ, కలియుగ పురుషుడు ఎన్టీఆర్ అని కొనియాడారు. తెనాలిలో ఎన్టీఆర్ శతజయంతి వేడుకలు ఘనంగా నిర్వహించుకోవడం చాలా ఆనందంగా ఉందన్నారు. ఎన్టీఆర్ శతజయంతిలో గౌరవ అధ్యక్షులుగా పిలవటం తనతో ప్రారంభించటం తన అదృష్టం అన్నారు. ఎన్టీఆర్ నిర్మించిన థియేటర్ లో కార్యక్రమాలు చెయ్యటం చాలా ఆనందం వ్యక్తం చేశారు.
ఎన్టీఆర్ కు మరణం లేదు
రాజకీయాల్లో విప్లవం తెచ్చిన వ్యక్తి ఎన్టీఆర్
ఈ కార్యక్రమంలో మాజీ మంత్రి నక్కా ఆనందబాబు పాల్గొన్నారు. తెనాలిలో ఎన్టీఆర్ శతజయంతి ఉత్సవాలు జరపడం అదృష్టంగా భావిస్తున్నానన్నారు. కూడు, గూడు, గుడ్డ, నినాదంతో రాజకీయాల్లో తనదైన ముద్ర వేసి గుర్తింపు తెచ్చిన వ్యక్తి ఎన్టీఆర్ అన్నారు. బాలకృష్ణ రావటం ఆయన చేతుల మీద కార్యక్రమం ప్రారంభించటం అదృష్టంగా భావిస్తున్నానన్నారు. రాజకీయాల్లో విప్లవం తెచ్చిన మహోన్నత వ్యక్తి ఎన్టీఆర్ అన్నారు. రాజకీయాల్లో ఎన్టీఆర్ అడుగుజాడల్లో నడుస్తూ మరింత ముందుకు వెళ్తామన్నారు.
టాప్ హెడ్ లైన్స్
ట్రెండింగ్ వార్తలు
