APSRTC: ఏపీఎస్ఆర్టీసీ ప్రయాణికులకు గుడ్ న్యూస్.. మీకోసం ఇచ్చిన పండగ ఆఫర్ ఇదే

ఏపీఎస్ఆర్టీసీ ప్రయాణికులకు శుభవార్త అందింది. ముందస్తు రిజర్వేషన్ల గడువును పెంచారు. 

ప్రతీకాత్మక చిత్రం

ఏపీఎస్ఆర్టీసీలో ఇక దూర ప్రాంత ప్రయాణికులకు ముందస్తు రిజర్వేషన్ గడువును పెంచారు. ముందస్తు రిజర్వేషన్ 60 రోజులకు పెంచుతున్నట్టు ఆర్టీసీ ఎండీ ద్వారకా తిరుమలరావు చెప్పారు. డిసెంబర్ 2 నుంచి ఈ మార్పులు అమ్మల్లోకి రానున్నాయి. ప్రయాణానికి 30 రోజుల ముందు బస్సుల్లో సీట్లు రిజర్వేషన్ చేసుకునే అవకాశం ఉంది. అయితే గురువారం నుంచి.. 60 రోజుల ముందు నుంచి సీట్లు రిజర్వేషన్ చేసుకునే సదుపాయం కల్పించింది ఏపీఎస్ఆర్టీసీ. 

క్రిస్మస్, సంక్రాంతి పండగల కారణంగా.. ఏపీఎస్ఆర్టీసీ ఈ నిర్ణయం తీసుకుంది. పండగ సీజన్ లో ప్రయాణికుల రద్దీ ఎక్కువగా ఉంటుందని తెలిపింది. హైదరాబాద్, బెంగళూరు, చెన్నై లాంటి ప్రాంతాల మధ్య తిరిగే బస్సులతోపాటు.. రాష్ట్రంలోని పలు ప్రాంతాల మధ్య తిరిగే బస్సులకు ఇది వర్తిస్తుంది.

ఏపీఎస్ఆర్టీసీ పండుగ సీజన్లో ప్రయాణికులకు ఇది మంచి అవకాశం కానుంది. ముఖ్యంగా అడ్వాన్స్ టికెట్ల బుకింగ్స్ చేసుకునే వారికి దీనితో ప్రయోజనం. పండుగ సీజన్ కారణంగా టికెట్స్ దొరుకుతాయో.. లేదోననుకునే.. వారికి ఇది ఎంతో ఉపయోగం. ప్రయాణికులు ఇప్పటినుంచే టికెట్లకు ఎగబడే అవకాశముంది.

కరోనా కారణంగా జనం ప్రయాణాలు చేసేందుకు రెండేళ్లుగా ఇష్టపడలేదు. ఈ ప్రభావం ఆర్టీసీ మీద ఎక్కువగానే పడింది.  ఈ సంవత్సరం దసరా సీజన్ లో నష్టాల నుంచి కాస్త కోలుకుంది ఆర్టీసీ. సంక్రాంతి సమయానికి కొవిడ్ భయం తగ్గి..  ప్రయాణికుల రద్దీ పెరిగే అవకాశం ఉందని ఆర్టీసీ అంచనా వేస్తోంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి