SA vs BAN Match Highlights | సఫారీలపై తృటిలో విజయం కోల్పోయిన బంగ్లాదేశ్ | T20 World Cup 2024 | ABP

 పాపం బంగ్లాదేశ్ ఫ్యాన్స్ నాగిని డ్యాన్స్ చేద్దామనుకుని ఆల్మోస్ట్ ఫిక్స్ అయిపోయారు. ఎందుకంటే వాళ్లు మ్యాచ్ గెలిచేది సౌతాఫ్రికా మీద. అది కూడా టీ20 వరల్డ్ కప్ లాంటి పెద్ద ఈవెంట్ లో. బంగ్లాదేశ్ బౌలర్ల అద్భుత పోరాటంతో సౌతాఫ్రికా లాంటి స్ట్రాంగ్ బ్యాటింగ్ ఉన్న టీమ్ కుదేలైంది. కేవలం 113పరుగులకే పరిమితమైంది. హెన్రిచ్ క్లాసెన్ 46పరుగులు చేసి కాపాడాడు కాబట్టి సరిపోయింది కానీ లేదంటే వరస్ట్ గా ఉండేది సౌతాఫ్రికా పొజిషన్. 114 పరుగుల టార్గెట్ తో బరిలోకి దిగిన బంగ్లాదేశ్ టాప్ ఆర్డర్ మొత్తం సౌతాఫ్రికాలానే విఫలమైనా..మిడిల్ ఆర్డర్ లో తాహిద్ హ్రిదయ్,మహ్మదుల్లా ఆదుకున్నారు. ఆల్మోస్ట్ ఎండింగ్ కి తీసుకువచ్చేశారు. గెలవాలంటే ఇక ఆఖరి మూడు ఓవర్లలో 20పరుగులు చేస్తే చాలు చేతిలో ఆరువికెట్లు ఉన్నాయి. అలాంటి టైమ్ లో ఆల్మోస్ట్ విక్టరీ మనదే అనుకుని ఫిక్స్ అయిపోయిన బంగ్లా నుంచి మ్యాచ్ ను లాగేసుకుంది సౌతాఫ్రికా. రబాడా వేసిన 18వ ఓవర్ బంగ్లా బతుకుల్ని మార్చేసింది. మ్యాచ్ గెలిపించే ఊపు మీదున్న తాహిద్ హ్రిదయ్ వికెట్ తీయటంతో పాటు ఆ ఓవర్ లో రబాడా రెండు పరుగులు ఇవ్వటం తో బంగ్లాదేశ్ అనుకోకుండా ఒత్తిడిలో కూరుకుపోయింది. ఇక గెలవాలంటే ఆఖరి రెండు బంతుల్లో ఆరు పరుగులు చేయాలన్నప్పుడు మహ్మదుల్లా భారీ షాట్ కొట్టాడు. చూడటానికి సిక్స్ వెళ్లిపోయిందనే బంగ్లా ఫ్యాన్స్ లో ఆశలు రేపింది. కానీ బౌండరీ దగ్గర మార్ క్రమ్ అద్భుతమైన క్యాచ్ పట్టుకోవటంతో బంగ్లా పులుల కథ ముగిసిపోయింది. నాలుగు పరుగుల తేడాతో జస్ట్ ఓటమిని మూటగట్టుకుంది. గ్రూప్ D లో సౌతాఫ్రికా మూడు మ్యాచులు గెలిచి సూపర్ 8 కి అర్హత సాధించింది.