India vs England 2nd Semi Final: ఇంగ్లాండ్ వర్సెస్ భారత్ ప్లేయింగ్ ఎలెవన్, పిచ్ రిపోర్ట్.. ఆ 5 ప్లేయర్లతో డేంజర్!
India vs England, 2nd Semi-Final: 2026 టీ20 ప్రపంచ కప్లో రెండో సెమీఫైనల్ ఈరోజు భారత్, ఇంగ్లాండ్ మధ్య జరగనుంది. ఈ మ్యాచ్లో గెలిచిన జట్టు మార్చి 8న న్యూజిలాండ్తో ఫైనల్ ఆడుతుంది.
ముంబై: టీ20 వరల్డ్ కప్ రెండో సెమీఫైనల్లో భారత్, ఇంగ్లాండ్ జట్లు ముంబైలోని వాంఖడే స్టేడియంలో తలపడనున్నాయి. సాయంత్రం ఆరున్నర గంటలకు టాస్ పడనుండగా, 7 గంటలకు మ్యాచ్ ప్రారంభమవుతుంది. ఈ మ్యాచ్లో గెలిచిన జట్టు మార్చి 8న జరగనున్న ఫైనల్లో న్యూజిలాండ్తో తలపడుతుంది.
2022 టీ20 వరల్డ్ కప్ సెమీఫైనల్లో ఇంగ్లాండ్ జట్టు భారత్ను ఓడించింది. అప్పట్లో ఇంగ్లీష్ జట్టు ఏకంగా 10 వికెట్ల తేడాతో విజయం సాధించి, ఆపై ఫైనల్ గెలిచి ఛాంపియన్ అయింది. ఇప్పుడు ఇండియాకు ఆ లెక్క సరిచేసే అవకాశం వచ్చింది. అయితే, ఇంగ్లాండ్ జట్టు సైతం పటిష్టంగా కనిపిస్తోంది. నేటి రాత్రి జరగనున్న మ్యాచ్ హోరాహోరీగా జరగనుంది.
వాంఖడే స్టేడియం పిచ్ రిపోర్ట్
ముంబైలోని వాంఖడే పిచ్ సాధారణంగా బ్యాటర్లకు అనుకూలం. కానీ ఈసారి భారత్ - ఇంగ్లాండ్ సెమీఫైనల్ మ్యాచ్ పిచ్పై కొంచెం గడ్డి కనిపిస్తోంది. అయినప్పటికీ, ఇండియా బౌలింగ్ కోచ్ మోర్నీ మోర్కెల్ హై స్కోరింగ్ మ్యాచ్ జరుగుతుందని భావిస్తున్నారు. ఇదే స్టేడియంలో ఏడాది క్రితం ఇంగ్లాండ్పై అభిషేక్ శర్మ అద్భుతమైన సెంచరీ సాధించాడు. ఈ మ్యాచులో అభిషేక్ రాణిస్తే ఇంగ్లాండ్ బౌలర్లకు చిక్కులు తప్పవు.
లైవ్ స్ట్రీమింగ్ వివరాలు
భారత్, ఇంగ్లాండ్ సెమీఫైనల్ మ్యాచ్ను టీవీలో స్టార్ స్పోర్ట్స్ నెట్వర్క్ ఛానళ్లలో లైవ్ చూడవచ్చు. ఇక మొబైల్లో మ్యాచ్ చూడాలనుకునే ప్రేక్షకులు జియోస్టార్ (JioStar) యాప్లో మ్యాచ్ వీక్షించవచ్చు. హిందీ, ఇంగ్లీష్తో పాటు పలు భాషల్లో కామెంటరీని ఆస్వాదించవచ్చు.
భారత తుది జట్టు (అంచనా): అభిషేక్ శర్మ, సంజు శాంసన్ (వికెట్ కీపర్), ఇషాన్ కిషన్, సూర్యకుమార్ యాదవ్ (కెప్టెన్), తిలక్ వర్మ, శివమ్ దూబే, హార్దిక్ పాండ్యా, అక్షర్ పటేల్, జస్ప్రీత్ బుమ్రా, అర్ష్దీప్ సింగ్, వరుణ్ చక్రవర్తి.
ఇంగ్లాండ్ తుది జట్టు (అంచనా): ఫిల్ సాల్ట్, జోస్ బట్లర్ (వికెట్ కీపర్), హ్యారీ బ్రూక్ (కెప్టెన్), టామ్ బాంటన్, జాకబ్ బెథెల్, సామ్ కర్రాన్, విల్ జాక్స్, జేమీ ఓవర్టన్, లియామ్ డాసన్, జోఫ్రా ఆర్చర్, ఆదిల్ రషీద్.
హ్యారీ బ్రూక్: ఇంగ్లాండ్ బ్యాటర్ హ్యారీ బ్రూక్ ఈ టోర్నమెంట్లో ఫామ్లో ఉన్నాడు. ప్రశాంతంగా ఉండి పరుగులు చేయడమే అతని బలం. బ్రూక్ వేగవంతమైన, తెలివైన బ్యాటింగ్ చేయడంలో దిట్ట. భారత బౌలర్లు అతనిపై ప్రత్యేక వ్యూహాన్ని రచించాల్సి ఉంటుంది.
జోఫ్రా ఆర్చర్: ఇంగ్లాండ్ ఫాస్ట్ బౌలర్ జోఫ్రా ఆర్చర్ ఏ జట్టుకైనా ప్రమాదకారే. ఈ వరల్డ్ కప్లో అతను ఖచ్చితమైన బౌలింగ్తో బ్యాటర్లను ఇబ్బంది పెట్టాడు. కొత్త బంతితో స్వింగ్, డెత్ ఓవర్లలో యార్కర్లు వేయగల సామర్థ్యం భారత్ టాప్ ఆర్డర్కు సవాలుగా మారవచ్చు.
విల్ జాక్స్: ఇంగ్లాండ్ జట్టులో అత్యంత దూకుడుగా ఆడే ఆటగాళ్లలో ఒకడు. అతడి ఆఫ్ స్పిన్ కూడా జట్టుకు ఉపయోగకరం. భారత్ మిడిల్ ఆర్డర్లో పలువురు ఎడమచేతి వాటం బ్యాటర్లు ఉన్నారు. వారిని అడ్డుకోవడంలో జాక్స్ బౌలింగ్ కీలక పాత్ర పోషించవచ్చు.
ఆదిల్ రషీద్ ఇంగ్లాండ్ అనుభవజ్ఞుడైన లెగ్ స్పిన్నర్ ఆదిల్ రషీద్ భారత్పై ప్రభావవంతంగా ఉన్నాడు. మిడిల్ ఓవర్లలో అతను పరుగులు కంట్రోల్ చేస్తాడు. వికెట్లు తీసి భారత బ్యాటర్లకు పెద్ద సవాలుగా మారవచ్చు.
ఫిల్ సాల్ట్: ఇంగ్లాండ్ ఓపెనర్ ఫిల్ సాల్ట్ కుదురుకుంటే మ్యాచ్ గమనాన్ని మార్చగలడు. అధిక స్ట్రైక్ రేట్తో బ్యాటింగ్ చేస్తాడు. పవర్ప్లేలో పెద్ద షాట్లు ఆడతాడు. వాంఖడే వంటి బ్యాటింగ్కు అనుకూల స్టేడియంలో సాల్ట్ బ్యాట్ గనుక బ్యాట్ ఝుళిపిస్తే భారత బౌలర్లకు కష్టాలు తప్పవు.
టాప్ హెడ్ లైన్స్
ట్రెండింగ్ వార్తలు
