![ABP Premium](https://cdn.abplive.com/imagebank/Premium-ad-Icon.png)
Jasprit Bumrah Bowling vs Pak | Ind vs Pak మ్యాచ్ లో బుమ్రానే హీరో | T20 World Cup 2024 | ABP Desam
ఆల్మోస్ట్ పాకిస్థాన్ మ్యాచ్ నిన్న. ప్రతిష్ఠాత్మక టీ20 వరల్డ్ కప్ మ్యాచ్. అందులోనూ అన్నింటి కంటే హై ఇచ్చే ఇండియా పాకిస్థాన్ మ్యాచ్. రైవల్రీ అంటే మాదేరా అన్నట్లు ఎప్పుడూ సాగే ఈ మ్యాచ్ లో ఈ సారి పిచ్ రెండు టీమ్స్ ను పేకాడేసింది. అసలే కోతి పైగా కల్లు తాగినట్లు...అసలే పిచ్చి పిచ్చి టర్నింగ్ పిచ్ లు...పైగా వర్షం పడింది. ఇక మనోళ్ల తిప్పలు చూడాలి. హిట్ మ్యాను రోహిత్, కింగ్ కొహ్లీ నుంచి మొదలుపెట్టి ఆఖర్లో అర్ష్ దీప్ వరకూ అందరూ నానా ఇబ్బందులూ పడి 120 పెట్టారు. ఇప్పుడు ఈ టార్గెట్ ను టీ20ల్లో బౌలర్లు కాపాడాలి అంట. మన అర్ష్ దీప్, మన సిరాజ్ బాగానే వేశారు కానీ వికెట్లు పడటం లేదు. అదిగో ఆ టైమ్ లో వచ్చాడు హీరో. అరర్రర్రే ఏమన్నా బౌలింగా అది. వాళ్ల ఏకైక బ్యాటింగ్ దిగ్గజం బాబర్ ఆజమ్ ను ఔట్ చేసి ఇండియాకు ఫస్ట్ బ్రేక్ త్రూ ఇచ్చింది బుమ్రానే. 5ఓవర్లలో బుమ్రా వేసిన బాల్ ఎడ్జ్ తీసుకుంటే సూర్యు స్లిప్ లో అద్భుతమైన క్యాచ్ పట్టాడు. అక్కడ మొదలు బుమ్రాను కొట్టడం కాదు అసలు బ్యాట్ కి బాల్ చేయటం కూడా గగనమైపోయింది పాక్ బ్యాటర్లకు. మళ్లీ పది ఓవర్ల తర్వాత బౌలింగ్ వచ్చిన బూమ్ బూమ్ ఈసారి తనకు తాను పోరాట యోధుడినని బిల్డప్ ఇచ్చుకునే మహ్మద్ రిజ్వాన్ వికెట్ తీశాడు. మాములుగా కాదు. బుమ్రా వేసిన ఆ యార్కర్ లెంగ్త్ బాల్ ని స్లాగ్ చేద్దామనుకున్న సదరు పోరాట యోధుడు క్లీన్ బౌల్డ్ అయ్యాడు. ఆ తర్వాత 19 ఓవర్ బౌలింగ్ చేసి మూడంటే మూడు పరుగులు ఇచ్చి ఇఫ్తికార్ అహ్మద్ వికెట్ తీశాడు. ఇకంతే మ్యాచ్ భారత్ చేతుల్లోకి వచ్చేసింది. అర్ష్ దీప్ ఆఖరి ఓవర్లో బాదించుకున్నా కూడా టీమిండియానే గెలిచింది. నాలుగు ఓవర్లలో కేవలం 14పరుగులు మాత్రమే ఇచ్చి బుమ్రా తీసిన మూడు వికెట్లు ఈ మ్యాచ్ ను భారత్ వైపు తిప్పేశాయి. అద్భుతమైన బౌలింగ్ తో అనూహ్యంగా టీమిండియాను గెలిపించిన జస్ ప్రీత్ బుమ్రాకే మ్యాన్ ఆఫ్ ది మ్యాచ్ అవార్డు కూడా దక్కింది.
![T20 World CUP 2024 Team of The Tournament | 12 మందితో కూడిన టీమ్ ను ప్రకటించిన ఐసీసీ | ABP Desam](https://feeds.abplive.com/onecms/images/uploaded-images/2024/06/30/3126c759dd56e1bce8c951bfe222b9651719757059783936_original.jpg?impolicy=abp_cdn&imwidth=470)
![Surya Kumar Yadav Catch Controversy | T20 World Cup 2024| సూర్య స్టన్నింగ్ క్యాచ్ పై కొత్త అనుమానాలు](https://feeds.abplive.com/onecms/images/uploaded-images/2024/06/30/a06d315e8e5995290f8e1be376f594ba1719729590340854_original.jpg?impolicy=abp_cdn&imwidth=100)
![Rahul Dravid About Team India Victory | T20 World Cup 2024 | కోచ్ పదవి పోయిందంటూ ద్రవిడ్ కామెంట్స్](https://feeds.abplive.com/onecms/images/uploaded-images/2024/07/01/bef3fa10caace581e2f0f0e6fec0886b1719803159323767_original.jpeg?impolicy=abp_cdn&imwidth=100)
![BCCI Announce Rs 125 crore prize money | T20 World Cup2024 గెలిచిన టీం ఇండియాకు భారీ నజరానా | ABP](https://feeds.abplive.com/onecms/images/uploaded-images/2024/07/01/771533223904c6679e1054416e30fd7e1719800817309767_original.jpeg?impolicy=abp_cdn&imwidth=100)
![Jasprit Bumrah Player of the Tournament award | T20 World Cup 2024 లో బుమ్రానే మన బౌలింగ్ బలం | ABP](https://feeds.abplive.com/onecms/images/uploaded-images/2024/06/30/9968f1e3bfa726bf2463a9fa7ff8fd601719738948187310_original.jpeg?impolicy=abp_cdn&imwidth=100)
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)