Ind vs Pak Asia Cup 2025 Match | పాకిస్తాన్‌ని చిత్తుగా ఓడించబోతున్న టీమిండియా | ABP Desam

ఆసియా కప్ 2025 సీజన్లో భారత్, పాకిస్తాన్ తొలిసారి తలపడబోతున్నాయి. సెప్టెంబర్ 14న ఈ రెండు జట్ల మధ్య జరపబోతున్న మ్యాచ్ కోసం ఫ్యాన్స్ ఎంతో ఆత్రుతగా ఎదురు చూస్తున్నారు. పెహల్గామ్ ఎటాక్, ఆపరేషన్ సింధూర్ తర్వాత ఇండియా, పాకిస్తాన్ మ్యాచ్ జరగడానికే వీల్లేదన్న ఫ్యాన్స్ కూడా.. ఇప్పుడు ఎలాగైనా ఈ మ్యాచ్‌లో పాకిస్తాన్‌ని ఇండియా చిత్తుగా ఓడించి బుద్ధి చెప్పాలని బలంగా కోరుకుంటున్నారు. అటు పాకిస్తాన్ ఫ్యాన్స్ కూడా ఇండియా టీమ్‌ని ఓడించి పగ తీర్చుకోవాలని పట్టుదలగా ఉన్నారు. అంటే రెండు దేశాల ఫ్యాన్స్.. ఈ మ్యాచ్‌‌ని.. జస్ట్ క్రికెట్ మ్యాచ్‌లా కాకుండా ఓ యుద్దంలా ఫీల్ అవుతున్నారన్నమాట. అయితే ఒక్కసారి రెండు టీమ్‌ల మధ్య క్రికెట్ హిస్టరీ చూసుకున్నా.. లేదంటే ఫామ్ పరంగా అంచనా వేసినా.. పాకిస్తాన్‌కి టీమిండియా ఇంకోసారి చుక్కలు చూపించబోతోందని, చిత్తు చిత్తుగా ఓడించి చక్రాల కుర్చీలో ఇంటికి పంపించబోతోందని అర్థమవుతోంది. నిజానికి ఈ టోర్నీకే టీమిండియా హాట్ ఫేవరేట్‌. ఒకవైపు టీ20ల్లో టీమిండియా వరల్డ్ ఛాంపియన్‌గా ఉండగా.. పాకిస్థాన్ 8వ స్థానంలో ఉంది. అంతేకాకుండా పాక్‌లో సీనియర్ ఆటగాళ్లు ఒక్కళ్లు కూడా లేరు. ఆ జట్టు పూర్తిగా కుర్రాళ్లతో ఉంది. మరోవైపు భారత్.. వరల్డ్ బెస్ట్ టీ20 ప్లేయర్లతో భీకరంగా కనిపిస్తోంది. దానికి తోడు సియా కప్ , టీ20 ప్రపంచకప్, వన్డే ప్రపంచకప్.. ఏదీ తీసుకున్నా పాక్‌పై భారత్‌దే పై చేయి. ముఖ్యంగా ఆసియా కప్‌లో పాకిస్తాన్‌పై భారత్‌‌దే పూర్తి ఆధిపత్యం. 1984లో ఈ టోర్నీ మొదలైనప్పటి నుంచి అన్ని సీజన్లలో కలిపి భారత్, జట్లు 18 సార్లు తలపడగా.. భారత్ 10 సార్లు గెలిస్తే.. పాకిస్థాన్ 6 సార్లు గెలిచింది. రెండు మ్యాచ్‌ల్లో ఫలితం రాలేదు. ఇక టీ20 ఫార్మాట్లో 3 సార్లు తలపడగా.. భారత్ రెండు సార్లు.. పాకిస్థాన్ ఒకసారి గెలిచింది. ఈ లెక్కల్ని బట్టే.. ఈ సారి సీజన్లో కూడా పాకిస్తాన్‌కి టీమిండియా చుక్కలు చూపించడం పక్కా అనిపిస్తోంది. అయితే టీ20 ఫార్మాట్‌లో ఏ జట్టును తక్కువ అంచనా వేయలేం. అంతేకాకుండా భారత్-పాక్ మ్యాచ్ అంటే భారీ ఒత్తిడి ఉంటుంది. మరి ఆ ఒత్తిడిని తట్టుకుని నిలబడగలిగిన జట్టే చివరికి విజయం సాధిస్తుంది. మరి మీరేం అంటారు? ఈ మ్యాచ్‌లో టీమిండయా గెలిచే ఛాన్స్ ఉందంటారా..? కామెంట్ చేసి చెప్పండి.