Holidays Extended: తెలంగాణలో విద్యాసంస్థలకు సెలవులు పొడిగింపు

తెలంగాణలో విద్యాసంస్థలకు సెలవులు పొడిగించాలని ప్రభుత్వం నిర్ణయించింది. కొవిడ్ కేసులు పెరుగుతున్న నేపథ్యంలో ఈ నిర్ణయం తీసుకుంది. ప్రభుత్వం ఈ నెల 8వ తేదీన ప్రకటించిన సంక్రాంతి సెలవులు నేటితో ముగియనున్నాయి. అయితే రాష్ట్రంలో కొవిడ్ కేసులు క్రమంగా పెరుగుతున్న నేపథ్యంలో సెలవులు పొడిగించాలని విద్యాశాఖకు వైద్యారోగ్యశాఖ సిఫారసు చేసింది. ఈ మేరకు ఈ నెల 30వరకు సెలవులు పొడిగిస్తూ సీఎస్ సోమేశ్ కుమార్ ఉత్తర్వులు జారీ చేశారు.