TS Inter Results 2026 2nd Year: తెలంగాణ ఇంటర్ సెకండియర్‌లో 70.58 శాతం పాస్.. ఒక్క క్లిక్‌తో రిజల్ట్స్ పొందండి

TS Inter Results 2026 2nd Year: తెలంగాణలో ఇంటర్ సెకండియర్ రిజల్ట్స్ విడుదలయ్యాయి. విద్యార్థులు https://tgbie.cgg.gov.in లో, ABP Desam వెబ్‌సైట్ లో ఇంటర్ ఫలితాలు ఈజీగా చెక్ చేసుకునే వీలుంది.

తెలంగాణ ఇంటర్ సెకండియర్ రిజల్ట్స్

Source : Meta AI

తెలంగాణలో ఇంటర్మీడియట్ పరీక్షల ఫలితాలు వచ్చేశాయి. ఏప్రిల్ 12వ తేదీ (ఆదివారం) ఉదయం 11:00 గంటలకు ఇంటర్ ఫలితాలు విడుదల చేశారు.  హైదరాబాద్‌లోని టీజీబీఐఈ కార్యాలయంలో జరిగే ఈ కార్యక్రమంలో ప్రభుత్వ పబ్లిక్ అఫైర్స్ అడ్వైజర్ కె. కేశవ రావు, విద్యాశాఖ సెక్రటరీ, బోర్డు వైస్ చైర్‌పర్సన్ యోగితా రానా కలిసి జనరల్, వొకేషనల్ స్ట్రీమ్ ఫలితాలను విడుదల చేశారు. ఫలితాల కోసం వాట్సాప్ నెంబర్ సైతం ఏర్పాటు చేసినట్లు  తెలంగాణ బోర్డ్ ఆఫ్ ఇంటర్మీడియట్ ఎడ్యుకేషన్ (TGBIE) తెలిపింది.  ఇంటర్ రిజల్ట్స్ కోసం క్లిక్ చేయండి 

ఇంటర్ సెకండియర్ లో 70.58 శాతం మంది విద్యార్థులు పాసయ్యారు. ఇంటర్ సెకండియర్ లో 4,11,474 మంది జనరల్ విద్యార్థులు పరీక్షలు రాయగా 3,11,112 మంది పాసయ్యారు. బాలికలు 1,74,136  మంది పాస్ కాగా, బాలురు 136976 మంది ఉత్తీర్ణత సాధించారు. వొకేషనల్ లో  42458 మందిలో 30872 మంది విద్యార్థులు పాసయ్యారు. జనరల్‌లో 75.61 మంది పాస్ కాగా, ఒకేషనల్‌లో 72.71 శాతం మంది పాసయ్యారని అధికారులు తెలిపారు.

ఈ ఏడాది ఫిబ్రవరి 25 నుండి మార్చి 18 వరకు జరిగిన పరీక్షలకు రాష్ట్రవ్యాప్తంగా సుమారు 9.9 లక్షల మంది విద్యార్థులు హాజరయ్యారు. ఇందులో ఇంటర్ సెకండియర్ పరీక్షలను 5.07 లక్షల మంది విద్యార్థులు రాశారు. విద్యార్థులు ఉత్తీర్ణత సాధించాలంటే ప్రతి సబ్జెక్టులోనూ కనీసం 35 శాతం మార్కులు సాధించాలి. ఇంటర్ ఫలితాల విడుదల అనంతరం విద్యార్థులు బోర్డు అధికారిక వెబ్‌సైట్లను సంప్రదించి తమ స్కోర్ కార్డులను చూసుకోవచ్చు.  https://tgbie.in/result.html 

ఇక వాట్సాప్‌లోనే ఇంటర్ ఫలితాలు

బోర్డ్ ఆఫ్ ఇంటర్మీడియట్ ఎడ్యుకేషన్ ఫలితాల కోసం విద్యార్థులు వెబ్‌సైట్ల వెంట పరుగులు తీయాల్సిన అవసరం లేదు. ఇప్పుడు మీ వాట్సాప్ (WhatsApp) ద్వారా ఇంటర్ విద్యార్థులు ఫలితాలు చెక్ చేసుకోవచ్చు. కేవలం నిమిషాల్లో ఫలితాలు తెలుసుకోవడానికి 

స్టెప్ బై స్టెప్ ప్రాసెస్ ఇదే..

1. నెంబర్ సేవ్ చేసుకోండి: మొదట మీ మొబైల్‌లో 8096958096 అనే నెంబర్‌ను సేవ్ చేసి పెట్టుకోండి.

2. హాయ్ అని మెసేజ్ చేయండి: మీ వాట్సాప్ ఓపెన్ చేసి, పైన సేవ్ చేసిన నెంబర్‌కు Hi అని మెసేజ్ పంపండి.

3. సర్వీస్ మెనూ: వెంటనే మీకు ఒక రిప్లై వస్తుంది. అందులో ఉన్న మెనూలో BIE Exams Results అనే ఆప్షన్‌ను ఎంచుకోండి.

4. హాల్ టికెట్ వివరాలు: ఆ తర్వాత ఒక పేజీ ఓపెన్ అవుతుంది. అక్కడ మీ హాల్ టికెట్ నెంబర్‌ను నమోదు చేయాలి.

5. స్ట్రీమ్, సంవత్సరం: మీరు First Year, లేదా Second Year ఫలితాలు కోరుకుంటున్నారో సెలెక్ట్ చేయాలి. అలాగే మీ స్ట్రీమ్ (General లేదా Vocational) ఆప్షన్‌ను ఎంచుకోవాలి.

6. ఫలితాల డౌన్‌లోడ్: వివరాలన్నీ పూర్తి చేసిన తర్వాత Submit బటన్ నొక్కగానే మీ రిజల్ట్స్ స్క్రీన్‌పై కనిపిస్తాయి. రిజల్ట్‌ను పీడీఎఫ్ రూపంలో డౌన్‌‌లోడ్ చేసుకుని ఫ్యూచర్ అవసరాల కోసం ప్రింటౌట్ తీసుకోవడం మంచిది.

మరిన్ని చదవండి

తెలంగాణ ఇంటర్ సప్లిమెంటరీ పరీక్షల షెడ్యూలు వచ్చేసింది.. రీకౌంటింగ్, రీవెరిఫికేషన్ ప్రకియ వివరాలు

ఇంటర్ సెకండియర్ ఫలితాల్లో టాప్ లేపిన మేడ్చల్.. చివరి స్థానంలో ఏ జిల్లా..