News
News
X

KCR - Prakash Raj: ప్రకాశ్‌రాజ్‌‌కు కేసీఆర్ బంపర్ ఆఫర్? ముంబయి టూర్‌లో అందుకే అలా జరిగిందా?

Prakash Raj News: కేసీఆర్ ముంబయి పర్యటనలో నటుడు ప్రకాశ్‌ రాజ్‌ అందరి దృష్టిని ఆకర్షించారు. ఆయన ముందు నుంచి బీజేపీకి వ్యతిరేకంగా గళం విప్పే సంగతి అందరికీ తెలిసిందే.

FOLLOW US: 

Hyderabad News: జాతీయ రాజకీయాలు లక్ష్యంగా ముందుకు సాగుతున్న ముఖ్యమంత్రి కేసీఆర్ ఇటీవలి ముంబయి పర్యటనలో ఆసక్తికరంగా నటుడు ప్రకాశ్ రాజ్ కనిపించిన సంగతి తెలిసిందే. ముఖ్యమంత్రి ముంబయిలో హోటల్‌కు వెళ్లినప్పటి నుంచి అక్కడ జరిపిన సమావేశాలు, తిరిగి పయనం అయ్యే వరకూ ప్రకాశ్ రాజ్ వారితోనే ఉన్నారు. ఈ పరిణామం ఆసక్తికర చర్చకు దారి తీస్తోంది. జాతీయ రాజకీయాల కోసం కేసీఆర్ ప్రత్యేకమైన నాయకులతో కొత్త బృందాన్ని రూపొందిస్తున్నారు. ఆ టీమ్‌లో ప్రకాశ్ రాజ్ కీలక పాత్ర పోషిస్తారని తెలుస్తోంది. ముంబయి పర్యటన సందర్భంగానే ఈ విషయంలో బలమైన సంకేతాలు వచ్చాయి.

కేసీఆర్ ముంబయి పర్యటనలో నటుడు ప్రకాశ్‌ రాజ్‌ అందరి దృష్టిని ఆకర్షించారు. ఆయన ముందు నుంచి బీజేపీకి వ్యతిరేకంగా గళం విప్పే సంగతి అందరికీ తెలిసిందే. బెంగళూరులో ప్రముఖ జర్నలిస్టు గౌరీ లంకేశ్ దారుణ హత్య తర్వాత కేంద్రం తీరును ప్రకాశ్ విపరీతంగా తప్పుబడుతూ వస్తున్నారు. అదే సమయంలో చాలా సందర్భాల్లో టీఆర్ఎస్ పార్టీపై మక్కువ చూపారు. తెలంగాణలో కేసీఆర్, కేటీఆర్ నాయకత్వం గురించి ప్రస్తావించారు. వారు డైనమిక్ లీడర్స్ అంటూ కొనియాడేవారు. 

అంతేకాక, ప్రకాశ్ రాజ్‌కు జాతీయ రాజకీయాలపై అవగాహన ఉండడం, ఇంగ్లీష్, హిందీ, తెలుగుతో పాటు కన్నడ, తమిళ భాషలపై మంచి పట్టు ఉన్నందున ఆయన సేవలను వినియోగించుకోవాలని కేసీఆర్‌ భావిస్తున్నట్లు సమాచారం. అందుకే జాతీయ రాజకీయాల కోసం ఏర్పాటు చేస్తున్న ఈ బృందంలో ఆయనకు చోటు కల్పించవచ్చని భావిస్తున్నారు. అందులో భాగంగా టీఆర్ఎస్ తరపున ఆయనకు రాజ్యసభ స్థానానికి కూడా ఎంపిక చేయవచ్చని తెలుస్తోంది.

త్వర‌లో తెలంగాణలో 3 రాజ్యస‌భ స్థానాల‌కు ఎన్నిక‌ల నోటిఫికేష‌న్ వెలువ‌డుతుంది. వాటిలో ఒక స్థానంలో ప్రకాశ్ రాజ్‌కు కేటాయిస్తే, జాతీయ స్థాయిలో కమలం వైఖ‌రిని ఎండ‌గ‌ట్టేందుకు అవ‌కాశం ఉంటుంద‌నే అభిప్రాయం వ్యక్తం అవుతోంది. ఇప్పటికే బండ ప్రకాశ్‌ రాజీనామాతో ఒక రాజ్యసభ స్థానం ఖాళీగా ఉండగా, జూన్‌లో మరో ఇద్దరు డీ శ్రీనివాస్, కెప్టెన్ లక్ష్మీకాంతరావుల పదవీకాలం ముగియనుంది. ఎలాగూ ఈ మూడు స్థానాలు టీఆర్ఎస్‌కే దక్కనున్నాయి. ఇందులో ఒక స్థానాన్ని ప్రకాశ్‌ రాజ్‌కు ఇచ్చే ఆలోచనలో గులాబీ బాస్‌ ఉన్నట్లు టీఆర్ఎస్‌ పార్టీలో జోరుగా చర్చ సాగుతోంది.

Published at : 22 Feb 2022 09:32 AM (IST) Tags: Prakash raj cm kcr TRS News Prakash Raj Rajyasabha Ticket TRS National Team Prakash Raj with KCR

సంబంధిత కథనాలు

Telangana Cabinet :  ఆగస్టు 15 నుంచి పది లక్షల మంది కొత్తగా సామాజిక పెన్షన్లు - తెలంగాణ కేబినెట్ భేటీలో కీలక నిర్ణయాలు !

Telangana Cabinet : ఆగస్టు 15 నుంచి పది లక్షల మంది కొత్తగా సామాజిక పెన్షన్లు - తెలంగాణ కేబినెట్ భేటీలో కీలక నిర్ణయాలు !

Breaking News Live Telugu Updates: ఆగస్టు 15 నుంచి తెలంగాణలో పింఛన్ల జాతర- మరో పది లక్షలకు క్యాబినెట్ ఆమోదం

Breaking News Live Telugu Updates: ఆగస్టు 15 నుంచి తెలంగాణలో పింఛన్ల జాతర- మరో పది లక్షలకు క్యాబినెట్ ఆమోదం

What's App Calls Cheating : అందమైన అమ్మాయి వాట్సప్ వీడియో కాల్ చేస్తే, మీకు చిక్కులే!

What's App Calls Cheating : అందమైన అమ్మాయి వాట్సప్ వీడియో కాల్ చేస్తే, మీకు చిక్కులే!

TS EAMCET Results 2022 : రేపు తెలంగాణ ఎంసెట్,ఈసెట్ ఫలితాలు విడుదల

TS EAMCET Results 2022 : రేపు తెలంగాణ ఎంసెట్,ఈసెట్ ఫలితాలు విడుదల

Karimnagar Gandhi: కరీంనగర్ గాంధీ బోయినపల్లి వెంకట రామారావు గురించి మీకు తెలుసా?

Karimnagar Gandhi: కరీంనగర్ గాంధీ బోయినపల్లి వెంకట రామారావు గురించి మీకు తెలుసా?

టాప్ స్టోరీస్

టార్గెట్‌ లోకేష్ వ్యూహంలో వైఎస్‌ఆర్‌సీపీ విజయం సాధిస్తుందా?

టార్గెట్‌ లోకేష్ వ్యూహంలో వైఎస్‌ఆర్‌సీపీ విజయం సాధిస్తుందా?

‘వాంటెడ్ పండుగాడ్’ ట్రైలర్ - ఎవ్వడూ కరెక్టుగా లేడుగా!

‘వాంటెడ్ పండుగాడ్’ ట్రైలర్ - ఎవ్వడూ కరెక్టుగా లేడుగా!

కొత్త ఎంజీ హెక్టార్ ఫస్ట్ లుక్ వచ్చేసింది - ఎలా ఉందో చూశారా?

కొత్త ఎంజీ హెక్టార్ ఫస్ట్ లుక్ వచ్చేసింది - ఎలా ఉందో చూశారా?

Bihar: బిహార్‌లో ఈ అనూహ్య మార్పు వెనక ఆమె హస్తం ఉందా? నితీష్ మనసు ఉన్నట్టుండి ఎలా మారింది?

Bihar: బిహార్‌లో ఈ అనూహ్య మార్పు వెనక ఆమె హస్తం ఉందా? నితీష్ మనసు ఉన్నట్టుండి ఎలా మారింది?