Ganesh Immersion Live Updates: జగిత్యాల గణేష్ నిమజ్జనంలో అపశ్రుతి.. నీళ్లలో పడిపోయిన మున్సిపల్ ఛైర్మన్

ఖైరతాబాద్ గణేశ్ నిమజ్జనం పూర్తయింది. హూస్సేన్ సాగర్ లో మహా గణపతిని నిమజ్జనం చేశారు.

Background

నిమజ్జనం కోసం తరలివచ్చే  భక్తులకు ఎలాంటి ఇబ్బందులు జరగకుండా ఏర్పాట్లు చేశారు అధికారులు. గణపతుల నిమజ్జనాల కోసం ట్యాంక్‌బండ్‌పై భారీ ఏర్పాట్లు చేశారు. ఈసారి ట్యాంక్‌బండ్‌పై 40 క్రేన్ల ద్వారా లంబోదరుడి ప్రతిమలు నిమజ్జనం చేయనున్నారు. ఖైరతాబాద్‌ గణనాథుడిని క్రేన్‌ నంబర్‌ 4 దగ్గర నిమజ్జనం చేశారు.

18:45 PM (IST)  •  19 Sep 2021

జగిత్యాల: నీళ్లలో పడిపోయిన మున్సిపల్ ఛైర్మన్

జగిత్యాల జిల్లా చింత కుంట చెరువులో గణేష్ నిమజ్జనం చేసే సమయములో ప్రమాదం చోటు చేసుకుంది. జగిత్యాల మున్సిపల్ ఛైర్మన్ అదుపుతప్పి చెరువులో పడిపోయారు. మున్సిపల్ చైర్మన్‌తో సహా మరో ముగ్గురు కూడా చెరువులో పడిపోయారు. వెంటనే స్పందించిన స్థానికులు గజ ఈతగాళ్లతో వారికి కాపాడి బయటికి తీసుకొచ్చారు.

15:24 PM (IST)  •  19 Sep 2021

హుస్సేన్‌సాగర్‌లో ఖైరతాబాద్‌ మహాగణపతి నిమజ్జనం

ఖైరతాబాద్‌ మహారుద్ర గణపతి నిమజ్జనం పూర్తైంది. హుస్సేన్‌సాగర్‌లో ఖైరతాబాద్‌ మహాగణపతి నిమజ్జనం చేశారు. భారీ క్రేన్ సహాయంతో మహాగణపతి నిమజ్జనం జరిగింది.