సింగరేణిని తగలబెట్టాలని, మిలిటెంట్ యాక్టివిటీ చేయాలని బాల్క సుమన్ చేసిన వ్యాఖ్యలపై ఫిర్యాదు రావడంతో నాంపల్లి పోలీసులు ఆయన్ను అరెస్టు చేశారు. దీనిపై పలు స్టేషన్లలో కేసులు నమోదయ్యాయి.
అన్వేషించండి
Balka Suman Arrested: బీఆర్ఎస్ మాజీ ఎమ్మెల్యే బాల్క సుమన్ అరెస్టు- సింగరేణిపై వివాదాస్పద వ్యాఖ్యల కేసులో చర్యలు
Balka Suman Arrested: సింగరేణిపై వివాదాస్పద వ్యాఖ్యల కేసులో బీఆర్ఎస్ మాజీ ఎమ్మెల్యే బాల్క సుమన్ను పోలీసులు అరెస్టు చేశారు. తెలంగాణ భవన్లో హైడ్రామా అనంతరం ఆయనను అదుపులోకి తీసుకున్నారు.
బీఆర్ఎస్ మాజీ ఎమ్మెల్యే బాల్క సుమన్ అరెస్టు
Source : Social Media
- సింగరేణిని తగలబెట్టాలని, మిలిటెంట్ చర్యలకు పిలుపునిచ్చిన మాజీ ఎమ్మెల్యే అరెస్ట్.
- తెలంగాణ భవన్ కేంద్రంగా హైడ్రామా, పోలీసుల అరెస్టుతో ఉద్రిక్తతలు.
- ప్రభుత్వ ఆస్తుల విధ్వంసానికి ప్రేరేపించారంటూ కఠిన సెక్షన్ల కింద కేసు నమోదు.
- కక్ష సాధింపు చర్యలని, జైలుకు వెళ్లడం కొత్తకాదని అరెస్ట్ పై బాల్క సుమన్ స్పందన.
Balka Suman Arrested: తెలంగాణ రాజకీయాల్లో మరో కీలక మలుపు. బీఆర్ఎస్ మాజీ ఎమ్మెల్యే బాల్క సుమన్ను నాంపల్లి పోలీసులు అరెస్టు చేశారు. అరెస్టు సమయంలో తెలంగాణ భవన్ కేంద్రంగా హైడ్రామా సాగింది. తీవ్ర ఉద్రిక్తత మధ్య ఆయన్ని నాంపల్లి పోలీసులు అరెస్టు చేసి స్టేషన్కు తరలించారు. సింగరేణిని తగలబెట్టాలని, మిలిటెంట్ యాక్టివిటీ చేయాలని చేసిన కామెంట్స్ తీవ్ర దుమారం రేపాయి. దీంతో ఆయనపై పలు స్టేషన్స్లో కేసులు నమోదు అయ్యాయి.
సింగరేణి బొగ్గు గని కార్మికుల సమావేశంలో బాల్క సుమన్ చేసిన కొన్ని వ్యాఖ్యలు ఇప్పుడు ఆయన అరెస్టుకు దారి తీశాయి. సింగరేణిని తగులబెట్టండి... మిలిటెంట్ యాక్టివిటీ చేయాలి. డబ్బులు కావాలంటే ఆఫీస్లను తగలబెట్టాలని పిలుపునిచ్చారు. ఈ కామెంట్స్పై ఆనంద్ అనే వ్యక్తి ఫిర్యాదు చేయడంతో నాంపల్లి పోలీసులు కేసు నమోదు చేశారు. ఈ ఫిర్యాదు ఆధారంగా 326(g), 351(3), 353(1)(b), r/w 61(2)(a), BNS4 PDPPA వంటి కఠిన సెక్షన్ల కింద కేసులు నమోదు చేశారు.
బాల్క సుమన్ అరెస్ట్. నాంపల్లి పోలీస్ స్టేషన్ కి తరలింపు pic.twitter.com/LIkLrAzeqj
— Tharun Reddy (@Tarunkethireddy) May 30, 2026
మిలిటెంట్ వ్యాఖ్యలు చేసిన తర్వాత ఆయన అరెస్టు ఖాయమని ప్రచారం జరిగింది. దీంతో బాల్క సుమన్ గత మూడు రోజులుగా తెలంగాణ భవన్నే తన ఆవాసంగా మార్చుకున్నారు. ఆయన బయటకు రాగానే అరెస్టు చేయాలని పోలీసులు వ్యూహం రచించారు. భవన్ వెలుపల భారీగా పోలీసులు మోహరించారు. లోపల బీఆర్ఎస్ కార్యకర్తలు, లాయర్లు పోలీసులతో వాగ్వాదానికి దిగారు. పోలీస్ గో బ్యాక్ అంటూ కార్యకర్తల నినాదాలతో ఆ ప్రాంతమంతా హోరెత్తింది. నోటీసులు ఇవ్వకుండా ఎలా అరెస్టు చేస్తారని బీఆర్ఎస్ లీగర్ సెల్ ప్రశ్నించగా, నాన్బెయిల్బుల్ కేసులు కాబట్టి నోటీసులు అవసరం లేదని పోలీసులు చెబుతున్నారు.
అరెస్టుకు కొద్ది నిమిషాల ముందు బాల్క సుమన్ మీడియా ముందు తన గళాన్ని గట్టిగానే వినిపించారు. ప్రభుత్వం చేస్తున్న మోసాలను, సింగరేణిలో జరుగుతున్న కుంభకోణాలను ప్రశ్నిస్తున్నందుకు తనపై కక్ష సాధింపు చర్యలకు దిగుతున్నారని ఆరోపించారు. తెలంగాణ ఉద్యమ సమయంలో తనపై 250కిపైగా కేసులు ఉన్నాయని, జైలుకు వెళ్లడం తనకు కొత్త కాదని స్పష్టం చేశారు. సీఎం రేవంత్ రెడ్డి, మంత్రి వివేక్ కలిసి కుట్రపూరితంగా తనను జైలుకు పంపి పైశాచికానందం పొందాలని చూస్తున్నారని విమర్శించారు. సింగరేణిలో వందల కోట్ల స్కాములు జరుగుతున్నాయని, వారసత్వ ఉద్యోగాల విషయంలో ప్రభుత్వం మాట తప్పిందని ఆయన దుయ్యబట్టారు.
ఉద్యమకారుడు ఎవరితో భయపడడు 🔥
— Ibrahim Khan (@IbrahimKhanHyd) May 30, 2026
స్వచ్ఛందంగా నాంపల్లి
పోలీసులకు లొంగిపోయిన
మాజీ ఎమ్మెల్యే బాల్క సుమన్..@balkasumantrs pic.twitter.com/LQQ6F1HqUq
పోలీసులు నమోదు చేసిన సెక్షన్లు అత్యంత కఠినమైనవి. ముఖ్యంగా ప్రభుత్వ ఆస్తుల విధ్వంసానికి ప్రేరేపించడం వంటి సెక్షన్ల వల్ల పదేళ్ల వరకు శిక్ష పడే అవకాశం ఉందని సమాచారం. బీఆర్ఎస్ లాయర్లు మాత్రం ఇవన్నీ అక్రమ కేసులని, బెయిల్ కోసం హైకోర్టును ఆశ్రయిస్తామని చెప్పారు.
Frequently Asked Questions
బాల్క సుమన్ను ఎందుకు అరెస్టు చేశారు?
బాల్క సుమన్పై ఏ సెక్షన్ల కింద కేసులు నమోదు చేశారు?
ఆనంద్ అనే వ్యక్తి ఫిర్యాదు ఆధారంగా 326(g), 351(3), 353(1)(b), r/w 61(2)(a), BNS4 PDPPA వంటి కఠిన సెక్షన్ల కింద పోలీసులు కేసులు నమోదు చేశారు.
అరెస్టుకు ముందు బాల్క సుమన్ ఏమని ఆరోపించారు?
ప్రభుత్వం చేస్తున్న మోసాలను, సింగరేణిలో జరుగుతున్న కుంభకోణాలను ప్రశ్నిస్తున్నందుకు తనపై కక్ష సాధింపు చర్యలకు దిగుతున్నారని బాల్క సుమన్ ఆరోపించారు. సీఎం రేవంత్ రెడ్డి, మంత్రి వివేక్ కలిసి కుట్రపూరితంగా తనను జైలుకు పంపాలని చూస్తున్నారని విమర్శించారు.
పోలీసులు నమోదు చేసిన సెక్షన్లకు ఎంతవరకు శిక్ష పడే అవకాశం ఉంది?
ప్రభుత్వ ఆస్తుల విధ్వంసానికి ప్రేరేపించడం వంటి సెక్షన్ల వల్ల పదేళ్ల వరకు శిక్ష పడే అవకాశం ఉందని సమాచారం. అయితే, బీఆర్ఎస్ లాయర్లు ఇవన్నీ అక్రమ కేసులని, బెయిల్ కోసం హైకోర్టును ఆశ్రయిస్తామని తెలిపారు.
Advertisement
టాప్ హెడ్ లైన్స్
హైదరాబాద్
రాజమండ్రి రూరల్ నియోజకవర్గ నేతలతో జగన్ సమావేశం
హైదరాబాద్
ఐటీ రాజధానిలో ట్రాఫిక్ నరకం - కేబీఆర్ వన్-వే, గచ్చిబౌలి గుంతల రోడ్లు - అలవాటు చేసుకోవాల్సిందేనా?
హైదరాబాద్
రబ్బరు చెప్పులతో వచ్చి వేల కోట్లు సంపాదించలేదు.. 22ఏ భూముల వివాదంపై పొంగులేటి కీలక వ్యాఖ్యలు
హైదరాబాద్
మహారాష్ట్రలో ఛత్రపతి శివాజీ ఎలాగో.. తెలంగాణలో సర్దార్ సర్వాయి పాపన్న గౌడ్: సీఎం రేవంత్ రెడ్డి
Advertisement
Advertisement
ట్రెండింగ్ వార్తలు
Dr. Pentapati Pullaraoఅంతర్జాతీయ వ్యవహారలు, రాజకీయ విశ్లేషకుడు
Opinion
