Vivo G2: కొత్త బడ్జెట్ ఫోన్ మార్కెట్లో లాంచ్ చేసిన వివో - రూ.14 వేలలోపే వివో జీ2!

Vivo New Phone: ప్రముఖ స్మార్ట్ ఫోన్ బ్రాండ్ వివో తన కొత్త స్మార్ట్ ఫోన్‌ను చైనాలో లాంచ్ చేసింది. అదే వివో జీ2.

వివో జీ2

Source : Vivo

Vivo G2 Launched: వివో జీ2 స్మార్ట్ ఫోన్ చైనాలో లాంచ్ అయింది. కంపెనీ బడ్జెట్ స్మార్ట్ ఫోన్ పోర్ట్‌ఫోలియోలో ఈ ఫోన్ జాయిన్ అయింది. ఇందులో 6.58 అంగుళాల ఎల్సీడీ స్క్రీన్ అందుబాటులో ఉంది. దీని స్క్రీన్ రిఫ్రెష్ రేట్ 90 హెర్ట్జ్‌గా ఉంది. మీడియాటెక్ డైమెన్సిటీ 6020 ప్రాసెసర్‌పై వివో జీ2 రన్ కానుంది. ఈ ఫోన్‌లో 8 జీబీ వరకు ర్యామ్, 256 జీబీ వరకు స్టోరేజ్ అందించారు. దీని బ్యాటరీ సామర్థ్యం 5000 ఎంఏహెచ్‌గా ఉంది. ఆండ్రాయిడ్ 13 ఆధారిత ఆరిజిన్ఓఎస్ 3 ఆపరేటింగ్ సిస్టంపై ఈ ఫోన్ పని చేయనుంది.

వివో జీ2 ధర (Vivo G2 Price)
ఈ స్మార్ట్ ఫోన్ నాలుగు వేరియంట్లలో మార్కెట్లోకి వచ్చింది. వీటిలో ప్రారంభ వేరియంట్ అయిన 4 జీబీ ర్యామ్ + 128 జీబీ స్టోరేజ్ వేరియంట్ ధరను 1,199 యువాన్లుగా (సుమారు రూ.14,000) నిర్ణయించారు. 6 జీబీ ర్యామ్ + 128 జీబీ స్టోరేజ్ వేరియంట్ ధరను 1,499 యువాన్లుగానూ (సుమారు రూ.17,500), 8 జీబీ ర్యామ్ + 128 జీబీ స్టోరేజ్ వేరియంట్ ధర 1,599 యువాన్లుగానూ (సుమారు రూ.18,700) ఉంది.

టాప్ ఎండ్ వేరియంట్ అయిన 8 జీబీ ర్యామ్ + 256 జీబీ స్టోరేజ్ వేరియంట్ ధరను 1,899 యువాన్లుగా (సుమారు రూ.22,200) నిర్ణయించారు. స్పేస్ బ్లాక్ కలర్ ఆప్షన్‌లో ఈ ఫోన్ మార్కెట్లోకి వచ్చింది. ప్రస్తుతానికి ఈ ఫోన్ చైనాలో ఉన్నప్పటికీ త్వరలో మనదేశంలో కూడా లాంచ్ అయ్యే అవకాశం ఉంది.

వివో జీ2 స్పెసిఫికేషన్లు, ఫీచర్లు (Vivo G2 Specifications, Features)
వివో జీ2 స్మార్ట్ ఫోన్ ఆండ్రాయిడ్ 13 ఆధారిత ఆరిజిన్ఓఎస్ 3 ఆపరేటింగ్ సిస్టంపై పని చేయనుంది. ఈ స్మార్ట్ ఫోన్‌లో 6.56 అంగుళాల హెచ్‌డీ+ ఐపీఎస్ ఎల్సీడీ స్క్రీన్ అందించారు. దీని స్క్రీన్ రిఫ్రెష్ రేట్ 90 హెర్ట్జ్ కాగా, స్క్రీన్ టు బాడీ రేషియో 89.67 శాతంగా ఉంది. మీడియాటెక్ డైమెన్సిటీ 6020 ప్రాసెసర్‌పై ఈ ఫోన్ రన్ కానుంది. 8 జీబీ వరకు ఎల్పీడీడీఆర్4ఎక్స్ ర్యామ్, 256 జీబీ యూఎఫ్ఎస్ 2.2 స్టోరేజ్ అందించారు.

ఇక కెమెరాల విషయానికి వస్తే... ఫోన్ వెనకవైపు 13 మెగాపిక్సెల్ కెమెరాను అందించారు. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ సెన్సార్ అందించారు. దీని బ్యాటరీ సామర్థ్యం 5000 ఎంఏహెచ్ కాగా, 15W ఫాస్ట్ ఛార్జింగ్‌ను కూడా ఈ ఫోన్ సపోర్ట్ చేయనుంది.

5జీ, 4జీ ఎల్టీఈ, వైఫై 5, జీపీఎస్, యూఎస్‌బీ టైప్-సీ పోర్టు, 3.5 ఎంఎం ఆడియో జాక్ వంటి కనెక్టివిటీ ఫీచర్లు ఉన్నాయి. యాక్సెలరోమీటర్, యాంబియంట్ లైట్ సెన్సార్, ప్రాక్సిమిటీ సెన్సార్, ఈ-కంపాస్, ఫ్లికర్ సెన్సార్లు అందించారు. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. దీని మందం 0.81 సెంటీమీటర్లు కాగా, బరువు 186 గ్రాములుగానూ ఉంది. వివో త్వరలో మరిన్ని బడ్జెట్ ఫోన్లు కూడా మార్కెట్లో లాంచ్ చేయనుంది.