Samsung Galaxy A13: రూ.10 వేలలోపు శాంసంగ్ కొత్త ఫోన్.. లాంచ్ ఎప్పుడంటే?

ప్రముఖ స్మార్ట్ ఫోన్ బ్రాండ్ శాంసంగ్ తన కొత్త ఫోన్ గెలాక్సీ ఏ13 4జీని త్వరలో లాంచ్ చేయనుందని తెలుస్తోంది.

శాంసంగ్ గెలాక్సీ ఏ13 4జీ త్వరలో లాంచ్ కానుంది.

శాంసంగ్ గెలాక్సీ ఏ13 4జీ స్మార్ట్ ఫోన్ గీక్ బెంచ్ లిస్టింగ్‌లో కనిపించింది. ఈ ఫోన్ స్పెసిఫికేషన్లు కూడా ఇందులో లీకయ్యాయి. దీన్ని బట్టి ఇందులో ఎక్సినోస్ 850 ప్రాసెసర్‌ను అందించే అవకాశం ఉంది. ఆండ్రాయిడ్ 12 ఆపరేటింగ్ సిస్టంను శాంసంగ్ ఇందులో అందించనున్నట్లు సమాచారం. దీనికి సంబంధించిన ఇప్పటివరకు ఎన్నో లీకులు వచ్చాయి. దీని ముందు వెర్షన్ ఎక్సినోస్ గెలాక్సీ ఏ12లో ఎక్సినోస్ 850 ప్రాసెసర్‌ను అందించారు. దీని 5జీ వేరియంట్ గతంలోనే యూఎస్‌లో లాంచ్ అయింది. ఈ ఫోన్ మనదేశంలో త్వరలో లాంచ్ కానుందని సమాచారం.

SM-A135F మోడల్ నంబర్‌తో ఈ ఫోన్ గీక్‌బెంచ్ వెబ్‌సైట్లో కనిపించింది. ఇందులో 3 జీబీ ర్యామ్ ఉండనుంది. మరిన్ని వేరియంట్లు కూడా ఉండే అవకాశం ఉండనుంది. దీనికి సంబంధించిన ఫొటోలు కూడా ఆన్‌లైన్‌లో లీకయ్యాయి. దీన్ని బట్టి ఇందులో స్పీకర్ గ్రిల్, 3.5 ఎంఎం హెడ్‌ఫోన్ జాక్, యూఎస్‌బీ టైప్-సీ పోర్టు కూడా ఉండనున్నాయి.

శాంసంగ్ గెలాక్సీ ఏ12 స్మార్ట్ ఫోన్ మొదట మీడియాటెక్ హీలియో పీ35 ప్రాసెసర్‌తో లాంచ్ అయింది. అయితే మనదేశంలో దీన్ని ఎక్సినోస్ 850 ప్రాసెసర్‌తో లాంచ్ చేశారు. ప్రపంచవ్యాప్తంగా సెమీ కండక్టర్ల కొరత ఏర్పడటమే దీనికి కారణం.

శాంసంగ్ గెలాక్సీ ఏ13 5జీ స్మార్ట్ ఫోన్‌లో 6.5 అంగుళాల హెచ్‌డీ+ డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్‌గా ఉంది. దీని బ్యాటరీ సామర్థ్యం 5000 ఎంఏహెచ్‌గా ఉంది. 15W ఫాస్ట్ చార్జింగ్‌ను కూడా ఇది సపోర్ట్ చేసింది. ఇందులో వెనకవైపు 50 మెగాపిక్సెల్ కెమెరాను అందించారు. ఆండ్రాయిడ్ 11 ఆపరేటింగ్ సిస్టంపై ఈ ఫోన్ పనిచేయనుంది.

శాంసంగ్ గెలాక్సీ ఏ13 4జీ స్మార్ట్ ఫోన్ మాస్ ప్రొడక్షన్ కూడా ఇటీవలే ప్రారంభం అయిందని తెలుస్తోంది. గ్రేటర్ నోయిడా ఫెసిలిటీ వీటి తయారీ జరగనుందని సమాచారం. ఈ ఫోన్ స్పెసిఫికేషన్లు చూస్తే.. దీని ధర రూ.10 వేలలోపే ఉండే అవకాశం ఉంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి