Tecno Pova Neo 2: 7000 ఎంఏహెచ్ బ్యాటరీతో టెక్నో కొత్త ఫోన్ - రూ.12 వేలలోపే!

ప్రముఖ స్మార్ట్ ఫోన్ బ్రాండ్ టెక్నో తన కొత్త ఫోన్ మనదేశంలో లాంచ్ చేయనుంది. అదే టెక్నో పోవా నియో 2.

టెక్నో పోవా నియో 2 మనదేశంలో త్వరలో లాంచ్ కానుంది.

టెక్నో పోవా నియో 2 స్మార్ట్ ఫోన్ మనదేశంలో త్వరలో లాంచ్ అయ్యే అవకాశం ఉంది. మీడియాటెక్ హీలియో జీ85 ప్రాసెసర్‌‌పై ఈ ఫోన్ పనిచేయనుంది. 6 జీబీ వరకు ర్యామ్, 128 జీబీ స్టోరేజ్‌ను ఇందులో అందించనున్నారు. ప్రముఖ టిప్‌స్టర్ పరాస్ గుగ్లానీ ఈ స్మార్ట్ ఫోన్ సైబర్ బ్లూ, యూరానోలిత్ గ్రే రంగుల్లో ఈ ఫోన్ కొనుగోలు చేయవచ్చు.

4 జీబీ, 6 జీబీ ర్యామ్, 64 జీబీ, 128 జీబీ స్టోరేజ్ ఆప్షన్లలో ఈ ఫోన్ లాంచ్ కానుంది. ఇందులో 6.82 అంగుళాల ఫుల్ హెచ్‌డీ+ డిస్‌ప్లేను అందించనున్నారు. మీడియాటెక్ హీలియో జీ85 ప్రాసెసర్ ఈ స్మార్ట్ ఫోన్‌లో ఉండనుంది. దీని ఫీచర్లను బట్టి చూస్తే ధర రూ.12 వేలలోపే ఉండనుంది.

ఫోన్ వెనకవైపు రెండు కెమెరాలు అందించనున్నారు. వీటిలో ప్రధాన కెమెరా సామర్థ్యం 16 మెగాపిక్సెల్ కాగా, దీంతోపాటు 2 మెగాపిక్సెల్ కెమెరా కూడా ఉండనుంది. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ సెన్సార్ ఉండనుంది. 7000 ఎంఏహెచ్ బ్యాటరీ ఇందులో అందించనున్నారు.

టెక్నో మనదేశంలో స్పార్క్ 9టీ అనే కొత్త స్మార్ట్ ఫోన్ ఇటీవలే లాంచ్ చేసింది. ఈ స్మార్ట్ ఫోన్‌లో కేవలం ఒక్క వేరియంట్ మాత్రమే అందుబాటులో ఉంది. 4 జీబీ ర్యామ్ + 64 జీబీ స్టోరేజ్ ఉన్న దీని ధరను రూ.9,799గా నిర్ణయించారు. టర్కోయిస్ సియాన్, అట్లాంటిక్ బ్లూ కలర్ ఆప్షన్లలో టెక్నో స్పార్క్ 9టీని కొనుగోలు చేయవచ్చు.

ఆండ్రాయిడ్ 11 ఆధారిత హైఓఎస్ 7.6 ఆపరేటింగ్ సిస్టంపై ఈ స్మార్ట్ ఫోన్ పనిచేయనుంది. ఈ స్మార్ట్ ఫోన్‌లో 6.6 అంగుళాల ఫుల్ హెచ్‌డీ+ ఐపీఎస్ ఎల్సీడీ డిస్‌ప్లేను అందించారు. ఆక్టాకోర్ మీడియాటెక్ హీలియో జీ357 ప్రాసెసర్ కూడా ఇందులో అందించారు. 4 జీబీ ర్యామ్, 64 జీబీ స్టోరేజ్ ఉంది. స్టోరేజ్‌ను మైక్రో ఎస్‌డీ కార్డు ద్వారా పెంచుకోవచ్చు. స్టోరేజ్‌లో నుంచి 3 జీబీని వర్చువల్ ర్యామ్‌గా ఉపయోగించుకోవచ్చు. అంటే 7 జీబీ వరకు ర్యామ్ ఉండనుంది.

ఫోన్ వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 2 మెగాపిక్సెల్ డెప్త్ సెన్సార్, ఏఐ లెన్స్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు. 4జీ, వైఫై, బ్లూటూత్, ఎన్ఎఫ్‌సీ, జీపీఎస్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు ఈ ఫోన్‌లో ఉన్నాయి. యాక్సెలరోమీటర్, యాంబియంట్ లైట్ సెన్సార్, ఈ-కంపాస్, ప్రాక్సిమిటీ సెన్సార్, ఫింగర్ ప్రింట్ సెన్సార్లను కూడా అందించారు. దీని బ్యాటరీ సామర్థ్యం 5000 ఎంఏహెచ్ కాగా... 18W ఫాస్ట్ చార్జింగ్‌ను ఇది సపోర్ట్ చేయనుంది. దీని మందం 0.88 సెంటీమీటర్లుగా ఉంది.