Tecno Pova 3: రూ.12 వేలలోపే టెక్నో కొత్త ఫోన్ - ఏకంగా 55 రోజుల బ్యాటరీ బ్యాకప్!

టెక్నో మనదేశంలో పోవా 3 అనే కొత్త స్మార్ట్ ఫోన్ లాంచ్ చేసింది. ఇందులో 7000 ఎంఏహెచ్ భారీ బ్యాటరీని అందించారు. ఏకంగా 55 రోజుల స్టాండ్‌బైని ఈ బ్యాటరీ అందించనుంది. ఫోన్ వెనకవైపు మూడు కెమెరాలు ఉన్నాయి. తక్కువ ధరలో లాంచ్ అవ్వడం దీనికి పెద్ద ప్లస్.

టెక్నో పోవా 3 ధర
ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 4 జీబీ ర్యామ్ + 64 జీబీ స్టోరేజ్ వేరియంట్ ధరను రూ.11,499గా నిర్ణయించారు. 6 జీబీ ర్యామ్ + 128 జీబీ స్టోరేజ్ వేరియంట్ ధర తెలియరాలేదు. జూన్ 27వ తేదీ నుంచి దీని సేల్ జరగనుంది. ఎకో బ్లాక్, టెక్ సిల్వర్ రంగుల్లో దీన్ని కొనుగోలు చేయవచ్చు.

టెక్నో పోవా 3 స్పెసిఫికేషన్లు, ఫీచర్లు
ఆండ్రాయిడ్ 11 ఆధారిత హైఓఎస్ ఆపరేటింగ్ సిస్టంపై టెక్నో పోవా 3 పనిచేయనుంది. ఈ స్మార్ట్ ఫోన్‌లో 6.9 అంగుళాల ఫుల్ హెచ్‌డీ+ ఎల్సీడీ డిస్‌ప్లేను అందించారు. టెక్నో పోవా 3 స్క్రీన్ రిఫ్రెష్ రేట్ 90 హెర్ట్జ్‌గా ఉంది. ఆక్టాకోర్ మీడియాటెక్ హీలియో జీ88 ప్రాసెసర్ కూడా ఈ ఫోన్‌లో అందించారు. 6 జీబీ వరకు ర్యామ్ ఇందులో ఉంది. మెమొరీ ఫ్యూజన్ ఫీచర్ ద్వారా ర్యామ్‌ను మరో 5 జీబీ వరకు పెంచుకునే అవకాశం ఉంది. అంటే 11 జీబీ వరకు ర్యామ్ టెక్నో పోవా 3తో లభించనుందన్న మాట.

ఇక కెమెరాల విషయానికి వస్తే... ఫోన్ వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు సెకండరీ, టెర్టియరీ సెన్సార్లు కూడా ఉన్నాయి. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు.

4జీ, వైఫై, బ్లూటూత్, ఎన్ఎఫ్‌సీ, జీపీఎస్, యూఎస్‌బీ టైప్-సీ పోర్టు కూడా ఇందులో ఉన్నాయి. యాక్సెలరోమీటర్, యాంబియంట్ లైట్ సెన్సార్, ఈ-కంపాస్, ప్రాక్సిమిటీ సెన్సార్, ఫింగర్ ప్రింట్ సెన్సార్లు అందించారు. దీని బ్యాటరీ సామర్థ్యం 7000 ఎంఏహెచ్ కాగా... 25W ఫాస్ట్ చార్జింగ్‌ను ఇది సపోర్ట్ చేయనుంది. దీని మందం 0.94 సెంటీమీటర్లుగా ఉండనుంది.

Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?

Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!