Infinix InBook X2 Plus: అదిరిపోయే ఫీచర్లతో సరికొత్త Infinix ల్యాప్ టాప్, స్మార్ట్ టీవీ విడుదల, ధర, ఫీచర్లు ఇవే..
దేశీయ మార్కెట్లో Infinix సరికొత్త ఉత్పత్తులను లాంచ్ చేసింది. అద్భుతమైన ఫీచర్లతో Infinix INBook X2 Plus ల్యాప్ టాప్, Infinix 43 Y1 స్మార్ట్ టీవీని పరిచయం చేసింది. త్వరలో ఇవి అందుబాటులోకి రానున్నాయి.
ప్రముఖ ఎల‌క్ట్రానిక్ ఉత్ప‌త్తుల త‌యారీ సంస్థ Infinix.. ఇండియన్ మార్కెట్లో తన ఉత్పత్తులను పెంచుకునే ప్రయత్నం చేస్తున్నది. తాజాగా, ఈ కంపెనీ నుంచి సరికొత్త మోడ‌ల్ ల్యాప్‌టాప్ ను పరిచయం చేసింది. Infinix INBook X2 Plus పేరుతో ఈ కొత్త ల్యాప్ టాప్ ను లాంచ్ చేసింది. ఈ కంపెనీ నుంచి వస్తున్న నాలుగో ల్యాప్ టాప్ ఇది. అటు Infinix 43 Y1 స్మార్ట్ టీవీని కూడా పరిచయం చేసింది. చక్కటి ఫీచర్లు, స్పెసిఫికేష‌న్లతో ఈ రెండు ఉత్పత్తులు త్వరలో మార్కెట్లోకి రాబోతున్నాయి.
Infinix INBook X2 Plus ఫీచర్లు, స్పెసిఫికేషన్లు, ధర
Infinix INBook X2 Plus ల్యాప్ టాప్ 15.6-అంగుళాల ఫుల్ HD డిస్‌ప్లేతో 300 నిట్స్ గరిష్ట బ్రైట్‌నెస్‌ను కలిగి ఉంటుంది. అల్యూమినియం అల్లాయ్ ఆధారిత మెటాలిక్ బాడీని కలిగి ఉంది, ఇది వీడియో కాలింగ్ కోసం 1080p వెబ్‌ క్యామ్ తో పాటు LED ఫ్లాష్ ను కలిగి ఉంది. ఇది డ్యూయల్ మైక్రోఫోన్‌లు, 1.5W డ్యూయల్ స్పీకర్‌లతో అమర్చబడింది. Intel Core i7 11వ జెన‌రేష‌న్‌ ప్రాసెసర్ తో వస్తుంది. Infinix INBook X2 Plus లాప్‌ టాప్ కోర్ i3, 8GB + 256GB వేరియంట్ ధర రూ.32,990గా కంపెనీ నిర్ణయించింది. 512GB వేరియంట్ ధర రూ.35,990గా ఫిక్స్ చేసింది. ఈ ల్యాప్ టాప్ రెండు వేర్వేరు కాన్ఫిగరేషన్‌లలో లభిస్తుంది. కోర్ i5 కి చెందిన 8GB + 512GB ధర రూ.42,990 కాగా, కోర్ i7 16GB + 512GB ధర రూ.52,990 గా నిర్ణయించింది. ఇది 50Wh బ్యాటరీని ప్యాక్ చేస్తుంది. ఇది గరిష్టంగా 10 గంటల బ్యాకప్‌ను అందిస్తుంది. 65W USB టైప్-C ఫాస్ట్ ఛార్జింగ్‌కు మద్దతు ఇస్తుంది. ఈ ల్యాప్‌టాప్ గ్రే, బ్లూ, రెడ్ క‌ల‌ర్ ఆప్ష‌న్ల‌లో అందుబాటులోకి వస్తున్నాయి. అక్టోబర్ 18 నుంచి అమ్మకానికి వచ్చే అవకాశం ఉంది.
Step into that Plus life with the all new Infinix INBook X2 Plus Laptop, starting at just Rs. 32,990!
— Infinix India (@InfinixIndia) October 12, 2022
The laptop goes on sale starting 18th October, only on @Flipkart
Know more: https://t.co/tvhSKtKyYG#InBookX2Plus #PlusIsIn pic.twitter.com/TUTIXPL4wd
Infinix 43Y1 స్మార్ట్ టీవీ స్పెసిఫికేషన్లు, ఫీచర్లు, ధర
Infinix 43Y1 స్మార్ట్ టీవీ 43-అంగుళాల పూర్తి-HD (1,920x1,080 పిక్సెల్‌లు) LED డిస్‌ప్లేతో పాటు 300 నిట్స్ బ్రైట్ నెస్ ను కలిగి ఉంది. ఇది స్పష్టమైన చిత్రాల కోసం HLG సపోర్టును కలిగి ఉంది. ఈ స్మార్ట్ టీవీ 20W ఆడియో అవుట్‌పుట్‌ను కలిగి ఉన్న బాక్స్ స్పీకర్‌లతో అమర్చబడింది. డాల్బీ ఆడియో టెక్నాలజీతో వస్తుంది. స్మార్ట్ టీవీలో క్వాడ్-కోర్ ప్రాసెసర్, 4GB స్టోరేజ్ ఉంటుంది. ఇది రెండు HDMI పోర్ట్‌లు, రెండు USB పోర్ట్‌లు, RF ఇన్‌పుట్, AV ఇన్‌పుట్, 3.5mm హెడ్‌ఫోన్ జాక్, COAX అవుట్ పోర్ట్, LAN, Wi-Fiతో సహా మల్టీ కనెక్టివిటీ ఎంపికలను అందిస్తుంది. ప్రైమ్ వీడియో, Youtube, SonyLiv, Zee5, ErosNowతో పాటు ప్రముఖ స్ట్రీమింగ్ యాప్‌లు ముందుగానే ఇన్‌స్టాల్ చేయబడి ఉంటాయి. ఇది స్క్రీన్ మిర్రరింగ్‌కు సపోర్టు చేస్తుంది. Infinix 43Y1 స్మార్ట్ టీవీ ఫ్లిప్‌ కార్ట్‌ లో రూ. రూ. 13,999కి లభ్యం అవుతుంది. భారత్‌లో ఈ స్మార్ట్ టీవీ ఎప్పుడు అమ్మకానికి వస్తుందో మాత్రం కంపెనీ వెల్లడంచలేదు.
Itne price me ek 109cm(43) FHD Display, 300 NITS Brightness, Pre-loaded Entertainment apps, 20W Speakers and more, kaafi #BadiBaatHai!
— Infinix India (@InfinixIndia) October 12, 2022
The Infinix 43Y1 FHD SMART TV is here at an amazing price of Rs. 13,999. Sale starts soon only on @Flipkart, stay tuned!#Infinix43Y1 pic.twitter.com/nIGPHBXXsA
టాప్ హెడ్ లైన్స్
ట్రెండింగ్ వార్తలు
