Asus 8Z Flipkart Sale: అసుస్ కొత్త ఫోన్ సేల్ ప్రారంభం - చిన్న డిస్‌ప్లే ఇష్టపడేవారికి బెస్ట్ ఆప్షన్!

Asus 8Z India Sale: అసుస్ 8జెడ్ స్మార్ట్ ఫోన్ సేల్ మనదేశంలో ప్రారంభం అయింది. ఈ స్మార్ట్ ఫోన్‌లో 5.9 అంగుళాల డిస్‌ప్లేను అందించారు. క్వాల్‌కాం స్నాప్‌డ్రాగన్ 888 ప్రాసెసర్‌పై అసుస్ 8జెడ్ పనిచేయనుంది. ఇందులో వెనకవైపు 64 మెగాపిక్సెల్ సోనీ సెన్సార్‌ను అందించారు.

అసుస్ 8జెడ్ ధర, ఆఫర్లు (Asus 8Z Price)
ఇందులో కేవలం ఒక్క వేరియంట్ మాత్రమే అందుబాటులో ఉంది. 8 జీబీ ర్యామ్ + 128 జీబీ స్టోరేజ్‌తో వచ్చిన ఈ వేరియంట్ ధరను రూ.42,999గా నిర్ణయించారు. హారిజన్ సిల్వర్, ఆబ్సీడియన్ బ్లాక్ రంగుల్లో ఈ ఫోన్ లాంచ్ అయింది. ఫ్లిప్‌కార్ట్‌లో ఈ ఫోన్ కొనుగోలు చేయవచ్చు. ఫ్లిప్‌కార్ట్ యాక్సెస్ బ్యాంక్ క్రెడిట్ కార్డు ద్వారా ఈ ఫోన్ కొనుగోలు చేస్తే ఐదు శాతం అన్‌లిమిటెడ్ క్యాష్ బ్యాక్ లభించనుంది. అంటే రూ.2,000 వరకు తగ్గింపు లభించనుందన్న మాట.

అసుస్ 8జెడ్ స్పెసిఫికేషన్లు, ఫీచర్లు (Asus 8Z Features)
అసుస్ 8జెడ్ ఆండ్రాయిడ్ 11 ఆధారిత జెన్‌యూఐ 8 ఆపరేటింగ్ సిస్టంపై పనిచేయనుంది. ఇందులో 5.9 అంగుళాల ఫుల్ హెచ్‌డీ+ శాంసంగ్ ఈ4 అమోఎల్ఈడీ డిస్‌ప్లేను అందించారు. దీని యాస్పెక్ట్ రేషియో 20:9గానూ, స్క్రీన్ రిఫ్రెష్ రేట్ 120 హెర్ట్జ్‌గానూ ఉంది. కార్నింగ్ గొరిల్లా గ్లాస్ విక్టస్ ప్రొటెక్షన్ కూడా ఇందులో ఉంది.

దీని బ్యాటరీ సామర్థ్యం 4000 ఎంఏహెచ్‌గా ఉంది. 30W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది.  8 జీబీ ర్యామ్, 128 జీబీ స్టోరేజ్‌ను ఇందులో అందించారు. ఎన్‌టీఎఫ్ఎస్ ఫార్మాట్‌లో హెచ్‌డీడీ ద్వారా స్టోరేజ్‌ను పెంచుకునే అవకాశం ఉంది. మైక్రో ఎస్‌డీ కార్డు స్లాట్‌ను ఇందులో అందించలేదు. క్వాల్‌కాం స్నాప్‌డ్రాగన్ 888 ప్రాసెసర్‌పై ఈ ఫోన్ పనిచేయనుంది.

ఈ స్మార్ట్ ఫోన్‌లో వెనకవైపు రెండు కెమెరాలు ఉన్నాయి. వీటిలో ప్రధాన కెమెరాగా 64 మెగాపిక్సెల్ సోనీ ఐఎంఎక్స్686 సెన్సార్‌ను అందించగా... దీంతోపాటు 12 మెగాపిక్సెల్ సోనీ ఐఎంఎక్స్363 సెన్సార్ అందుబాటులో ఉంది. సెల్ఫీలు, వీడియో కాల్స్ కోసం ముందువైపు సోనీ ఐఎంఎక్స్663 కెమెరాను అందించారు.

5జీ, 4జీ ఎల్టీఈ, వైఫై 6, బ్లూటూత్ వీ5.2, జీపీఎస్/ఏ-జీపీఎస్/నావిక్, యూఎస్‌బీ టైప్-సీ పోర్టు, 3.5 ఎంఎం హెడ్‌ఫోన్ జాక్ కూడా ఇందులో అందించారు. యాక్సెలరో మీటర్, యాంబియంట్ లైట్ సెన్సార్, గైరో, మ్యాగ్నెటోమీటర్, ప్రాక్సిమిటీ సెన్సార్‌లను ఇందులో అందించారు. అండర్ డిస్‌ప్లే ఫింగర్ ప్రింట్ సెన్సార్ ఇందులో ఉంది. దీని మందం 0.89 సెంటీమీటర్లు కాగా... బరువు 169 గ్రాములుగా ఉంది.

Also Read: Google Play Pass: రూ.99 యాడ్స్ లేకుండా యాప్స్ - గూగుల్ ‘ప్లే పాస్’ వచ్చేసింది - యాప్ డెవలపర్లకు పండగే!

Also Read: రూ.13 వేలలోనే రియల్‌మీ కొత్త ఫోన్, 50 మెగాపిక్సెల్ కెమెరా వంటి ఫీచర్లు!