IPL 2026 Phil Salt 3 Catches: క్యాచ్ ఆఫ్ ద టోర్న‌మెంట్ ప‌ట్టిన‌ సాల్ట్.. 3 క‌ళ్లు చెదిరే క్యాచ్ ల‌తో స‌న్ రైజ‌ర్స్ జోరుకు క‌ళ్లెం

ఐపీఎల్ 19వ సీజ‌న్ శ‌నివారంతో ప్రారంభ‌మైంది. తొలి మ్యాచ్ లో ధ‌నాధ‌న్ బ్యాటింగ్ తో పాటు క‌ళ్లు చెదిరే క్యాచ్ ల‌తో అభిమానుల‌ను అల‌రించింది. 

ఫిల్ సాల్ట్ క్యాచ్

Source : x.com/krish99199

ఐపీఎల్ 2026 సీజ‌న్ అద్భుతంగా ప్రారంభమైంది. శ‌నివారం బెంగ‌ళూరులోని చిన్న‌స్వామి స్టేడియంలో డిఫెండింగ్ చాంపియ‌న్ రాయ‌ల్ చాలెంజ‌ర్స్ బెంగ‌ళూరు, స‌న్ రైజ‌ర్స్ హైద‌రాబాద్ జ‌రిగిన మ్యాచ్ అంచ‌నాల‌కు అనుగుణంగా సాగింది. ఈ మ్యాచ్ లో టాస్ ఓడి ఫ‌స్ట్ బ్యాటింగ్ చేసిన స‌న్ రైజ‌ర్స్ నిర్ణీత 20 ఓవ‌ర్ల‌లో 9 వికెట్ల‌కు 201 ప‌రుగులు చేసింది. ఇషాన్ కి షాన్ దార్ ఇన్నింగ్స్ (38 బంతుల్లో 80, 8 ఫోర్లు, 5 సిక్సర్లు) తో టాప్ స్కోర‌ర్ గా నిలిచాడు. బౌల‌ర్ల‌లో జాక‌బ్ డ‌ఫీ, రొమారియో షెఫ‌ర్డ్ మూడు వికెట్ల‌తో స‌త్తా చాటారు. ఈ మ్యాచ్ లో ప్ర‌ధాన ఆక‌ర్ష‌ణ‌గా ఇంగ్లాండ్ వికెట్ కీపర్ బ్యాట‌ర్ ఫిల్ సాల్ట్ నిలిచాడు. ఫీల్డింగ్ లో అద‌ర‌గొట్టి, మూడు క్యాచ్ లతో స‌త్తా చాటాడు. ముఖ్యంగా త‌ను ప‌ట్టిన రెండు క్యాచ్ లు మ్యాచ్ గ‌తినే మ‌లుపు తిప్పాయ‌న‌డంలో ఎలాంటి సందేహం లేదు. 

క్యాచ్ ఆఫ్ ద టోర్న‌మెంట్..
ఈ మ్యాచ్ 16వ ఓవ‌ర్ ఆఖ‌రి బంతికి ఇషాన్ ఇచ్చిన క్యాచ్ ను ఒంటిచేత్తో డైవ్ చేస్తూ ప‌ట్టిన క్యాచ్ టోర్న‌మెంట్ కు హైలెట్ అన‌డంలో ఎలాంటి సందేహం లేదు. కొత్త బౌల‌ర్ అభినంద‌న్ సింగ్ వేసిన బంతిని మంచిగా టైమ్ చేసి బౌండ‌రీకి త‌ర‌లించాల‌ని చూసిన ఇషాన్ కు.. మైదానంలో డైవ్ చేస్తూ ఒంటిచేత్తో సాల్ట్ క్యాచ్ ప‌ట్టాడు. దీంతో మైదానంలోని ప్రేక్ష‌కుల‌తోపాటు టీవీ, మొబైల్ల ముందున్న ఆడియెన్స్ క‌ళ్లు చెదిరాయి. అంత‌కుముందు డేంజ‌ర‌స్ బ్యాట‌ర్ హెన్రిచ్ క్లాసెన్ (31) క్యాచ్ ను కూడా బౌండ‌రీ వ‌ద్ద న‌భూతో అన్న రితీలో సాల్ట్ ప‌ట్టుకున్నాడు.

Led by example 👏pic.twitter.com/nskUck2JuL

— SunRisers Hyderabad (@SunRisers) March 28, 2026

రొమారియే షెఫ‌ర్డ్ బౌలింగ్ లో సిక్స‌ర్ కోసం క్లాసెన్ చూడ‌గా, బౌండ‌రీ వ‌ద్ద ఉన్న సాల్ట్ అద్భుత‌రీతిలో త‌న‌నుతాను నియంత్రించుకుంటూ అద్భుత‌మైన క్యాచ్ ప‌ట్టాడు. ఈ క్యాచ్ కాస్త సందేహాస్ప‌దంగా ఉండ‌గా, ప‌లుమార్లు ప‌రిశీలించిన థ‌ర్డ్ అంపైర్ ఎట్ట‌కేల‌కు ఔటిచ్చాడు. దీంతో నిరాశ‌గా క్లాసెన్ పెవిలియ‌న్ కు చేరాడు. ఇక మ్యాచ్ ఆరంభంలోనే ట్రావిస్ హెడ్ (11) ఇచ్చిన స్ట్రైట్ ఫార్వ‌ర్డ్ క్యాచ్ ను అందుకుని స‌న్ రైజ‌ర్స్ కు షాకిచ్చాడు. ఇక మూడు క్యాచ్ ల‌తో స‌న్ రైజ‌ర్స్ జోరుకు క‌ళ్లెం ప‌డింది. 

తుస్సుమ‌న్న ట్రావిస్ హెడ్-అభిషేక్ జోడీ..
మ‌రోవైపు ఫ‌స్ట్ బ్యాటింగ్ చేసిన స‌న్ రైజ‌ర్స్ కు శుభారంభం ద‌క్క‌లేదు. విధ్వంస‌క‌ర ఓపెన‌ర్లుగా పేరున్న అభిషేక్ శ‌ర్మ (7), హెడ్ విఫ‌ల‌మ‌య్యారు. వీరిద్ద‌రూ ఒకే ఓవ‌ర్ల‌లో పెవిలియ‌న్ కు చేర‌డంతో ఆరెంజ్ ఆర్మీ అభిమానులు షాక్ కు గుర‌య్యారు. తొలుత ఆ ఓవ‌ర్ తొలి బంతికి కీప‌ర్ క్యాచ్ ద్వారా అభిషేక్ పెవిలియ‌న్ కు చేర‌గా, ఆ త‌ర్వాత హెడ్ ను ఆ ఓవ‌ర్ ఆఖ‌రి బంతికి డ‌ఫీ బుట్ట‌లో వేసుకున్నాడు. ఆ త‌ర్వాత వ‌చ్చిన తెలుగు కుర్రాడు నితీశ్ కుమార్ రెడ్డి (1) కూడా విఫ‌లం కావ‌డంతో 29 ప‌రుగుల‌కే 3 వికెట్ల‌కు కోల్పోయింది. ఆ త‌ర్వాత ఇషాన్, క్లాసెన్, అనికేత్ వ‌ర్మ (43) రాణించ‌డంతో స‌న్ డీసెంట్ స్కోరును సాధించింది. 

 

మరిన్ని చదవండి

రంజీ కూడా ఆడలేదు, నేరుగా ఐపీఎల్‌లో అరంగేట్రం.. ఎవరీ అభినందన్ సింగ్

ఆర్సీబీ, సన్‌రైజర్స్ పోరులో పైచేయి ఎవరిది? తొలి విజయం ఎవరికి దక్కుతుందో !