IPL 2026 RCB vs SRH: ఆర్సీబీ, సన్రైజర్స్ పోరులో పైచేయి ఎవరిది? తొలి విజయం ఎవరికి దక్కుతుందో !
IPL 2026 RCB vs SRH: ఐపీఎల్ 19వ సీజన్లోని తొలి మ్యాచ్ RCB, SRH జట్ల మధ్య జరగనుంది. ముఖాముఖీ పోరుతో సన్రైజర్స్ ఎక్కువ విజయాలు సాధించగా, ఆర్సీబీని సైతం తక్కువగా అంచనా వేయలేం.
బెంగళూరు: ఐపీఎల్ 2026 కొన్ని గంటల్లో ప్రారంభమవుతుంది. క్రికెెట్ ప్రేమికులు ఐపీఎల్ కోసం ఎంతో ఆసక్తిగా ఎదురు చూస్తున్నారు. మార్చి 28 శనివారం రాత్రి రాయల్ ఛాలెంజర్స్ బెంగళూరు, సన్రైజర్స్ హైదరాబాద్ మధ్య జరగనున్న మ్యాచుతో ఐపీఎల్ 19వ సీజన్ షురూ అవుతుంది. డిఫెండింగ్ ఛాంపియన్ ఆర్సీబీ సొంత స్టేడియంలో తలపడుతుండటంతో సన్రైజర్స్ హైదరాబాద్పై ఒత్తిడి ఉంటుంది. మరి ఈ మ్యాచ్లో ఏ జట్టు విజయం సాధించే అవకాశం ఉంటుందో తెలుసా..
కొత్త కెప్టెన్తో బరిలోకి దిగనున్న హైదరాబాద్
రెగ్యులర్ కెప్టెన్ పాట్ కమిన్స్ అందుబాటులో లేకపోవడంతో సన్రైజర్స్ హైదరాబాద్ జట్టు కొత్త కెప్టెన్తో ఇషాన్ కిషన్ సారథ్యంలో ఆడనుంది. కమిన్స్ గైర్హాజరీలో ఇషాన్ కిషన్ను తాత్కాలిక కెప్టెన్గా నియమించారు. కెప్టెన్గా ఇషాన్ కిషన్కు ఆర్సీబీతో మ్యాచ్ విజయం అంత సులువు కాదు. మరోవైపు, ఆర్సీబీ రెగ్యులర్ కెప్టెన్ రజత్ పాటిదార్తో బరిలోకి దిగనుంది.
RCB vs SRH ముఖామూఖీలో పైచేయి ఎవరిది
ఆర్సీబీ, SRH మధ్య ఇప్పటివరకు 25 మ్యాచ్లు జరిగాయి. ఈ మ్యాచ్ల్లో హైదరాబాద్ 13 మ్యాచ్ల్లో విజయం సాధించి పైచేయిగా నిలిచింది. క ఆర్సీబీ 11 మ్యాచ్ల్లో గెలవగా.. 1 మ్యాచ్ ఫలితం తేలలేదు. హెడ్ టు హెడ్లో హైదరాబాద్ 2 మ్యాచ్లు ఎక్కువ నెగ్గి పైచేయి సాధించింది. అయితే ఈరోజు మ్యాచ్ బెంగళూరు వేదికగా జరుగుతుంది కనుక ఆతిథ్య ఆర్సీబీకి ఎడ్జ్ లభిస్తుంది. మరోవైపు డిఫెండింగ్ ఛాంపియన్ కావడంతో సరికొత్త ఉత్సాహంతో బరిలోకి దిగడం వీరికి ప్లస్ పాయింట్ అవుతుంది. ఏ జట్టు విజయం సాధిస్తుందో చూడటం ఆసక్తికరంగా ఉంటుంది.
మ్యాచ్ ఎన్ని గంటలకు ప్రారంభం ?
భారత కాలమానం ప్రకారం, ఆర్సీబీ, హైదరాబాద్ మధ్య జరిగే ఈ మ్యాచ్ రాత్రి 7:30 గంటలకు ప్రారంభమవుతుంది. ఇక టాస్గం 7 గంటలకు వేయనున్నారు. గత ఏడాది విక్టరీ సమావేశం సందర్భంగా చిన్నస్వామి స్టేడియం వద్ద జరిగిన తొక్కిసలాటలో 11 మంది చనిపోవడంతో వారికి నివాళిగా ఐపీఎల్ ప్రారంభోత్సవ వేడుకలు నిర్వహించడం లేదు.
ఆర్సీబీ స్క్వాడ్
విరాట్ కోహ్లీ, ఫిలిప్ సాల్ట్, దేవదత్ పడిక్కల్, టిమ్ డేవిడ్, జితేష్ శర్మ (వికెట్ కీపర్), రజత్ పాటిదార్ (కెప్టెన్), కృనాల్ పాండ్యా, రొమారియో షెపర్డ్, భువనేశ్వర్ కుమార్, సుయాష్ శర్మ, జాకబ్ డఫీ, వెంకటేష్ అయ్యర్, మంగేష్ యాదవ్, జోష్ హేజిల్వుడ్, రసిఖ్ సలామ్ దార్, విహాన్ మల్హోత్రా, విక్కీ ఓస్త్వాల్, అభినందన్ సింగ్, జాకబ్ బెథెల్, జోర్డాన్ కాక్స్, స్వప్నిల్ సింగ్, కనిష్క్ చౌహాన్, సాత్విక్ దేశ్వాల్.
హైదరాబాద్ స్క్వాడ్
అభిషేక్ శర్మ, ట్రావిస్ హెడ్, ఇషాన్ కిషన్ (వికెట్ కీపర్/కెప్టెన్), హెన్రిచ్ క్లాసెన్, అనికేత్ వర్మ, నితీష్ కుమార్ రెడ్డి, లియామ్ లివింగ్స్టోన్, హర్షల్ పటేల్, జయదేవ్ ఉనద్కత్, హర్ష్ దూబే, ఇషాన్ మలింగ, శివమ్ మావి, స్మరణ్ రవిచంద్రన్, జీషన్ అన్సారీ, బ్రైడన్ కార్స్, సలిల్ అరోరా, కమిందు మెండిస్, డేవిడ్ పేన్, ప్రఫుల్ హింగే, సాకిబ్ హుస్సేన్, క్రేన్స్ ఫులేత్రా, అమిత్ కుమార్, ఓంకార్ తర్మాలే, శివాంగ్ కుమార్.
టాప్ హెడ్ లైన్స్
ట్రెండింగ్ వార్తలు
